Maak 9:4 - ŊWÀʼ NYÙY

⁴ Áwune lòo sìn, e yèn, Elija wùn Mooser, aá tíy, súŋnin wùn à Jesus.

Maak 9:4 Referans Kwoze

Ŋgaà Yen 19:10

M nèn lò, e gbù e si wo ji m ghvə́m á wun, wù sháʼnín jii, «Màʼtì kee shooy ki. M kù dzə̀ kém sá ji ŋgaà lìm Nyùy mo vèn aàfə́r vé ve á tíy e kinyò ke Jesuse dzəə̀n. A kinyo ke Jesus kìn ki kù dzə̀ kíwun ke kí bánri wír ve á tiísi ntum Nyùy adzə̀m. Kú a ghvəm a dzə̀ Nyùy.»

Joon 5:39

Vèn rə́si tar vinyo fo Ŋwàʼ Nyùy, kwaʼtì ji dzə̀ fo vèn wíy lùŋ, a ker dzəʼə̀m yee là may. A ŋwàʼ woo shooyi kù din a dzə̀ mo m dzəə̀n.

Ŋwàʼ Luk 24:44

Wù nèn lò, e sùúy aáwune jii, «Kinyo ke vèn yenen lán kìn ki dzə̀ ke mò‑oò suuy e vèn, a vèsən dzə̀ə́. Mò‑oò suuy jii, vinyo vidzə̀m ve vé‑eè saŋen é Ŋwàʼ Nsər Mooser, e sàŋ é Ŋwàʼ Aŋgàa Ntum Nyùy bìʼ mo, e kfə̀n sàŋ é Ŋwàʼ Nsùyrì Nyùy Nyùy vi kù kér fó wìy gheén.»

Ŋwàʼ Luk 24:27

Jesus nèn kèʼ, a toʼtí vinyo vidzə̀m ve vé‑eè saŋen é Ŋwàʼ Nyùy bìʼ wun, e kèʼ fo ve Mooser‑iì saŋen ví, e tùmsín e vé *aŋgàa ntum Nyùy vi adzə̀m.

Ŋwàʼ Luk 9:19

Á bìnèr jii, «Wír ámóʼó yoŋ ji à dzə̀ ŋkfə Joon woo Ŋgaà Wáyndzəv, aámóʼó yoŋ ji ŋkfə Elija. Ámóʼó ji *ŋgaà ntum Nyùy wùmòʼ fo vé ŋgùʼú mo wù kfənen fó kpu.»

Matio 11:13

A kí dzə̀ bey, bìʼ fo kinyo ke Mooser wùn aàŋgàa ntum Nyùy ámóʼó‑oò fiʼtì kidzə̀m ki kù‑uù báʼti a dzə̀ ntum Joon.

Maak 9:3

Ndzə̀y sə́ sí wáa tokír, a fər ji páv, e shaà mo dzə̀ wìr sù ndzə̀y é ndzə fèn.

Maak 9:5

Pita nèn tùʼtìn, e sùúy e Jesus jii, «Tàr, kí bòŋ feyì mo vèsən áwune dzəə̀n fen. Ku sùúy, é vèr baʼri táv fen e taár, wúmóʼó ji wó, wúmóʼó wó Mooser, wúmóʼó wó Elija.»