Maak 9:3 - ŊWÀʼ NYÙY

³ Ndzə̀y sə́ sí wáa tokír, a fər ji páv, e shaà mo dzə̀ wìr sù ndzə̀y é ndzə fèn.

Maak 9:3 Referans Kwoze

Matio 28:3

A sí rəə́ ŋwaŋkìr moo kishèv, a ndzə̀y sí rán fo wùn wó ji pép.

Daniel 7:9

M kú a leéy, e lòo yèn, aá máʼ kàvàʼ. Ŋgaà wo wù kù‑uù siìn fó yàŋgùʼ dzə́ʼə́m shó. Vikúm ví‑iì fə́r fo wùn wó ji páv moo mbàʼ, a nə́ŋ si fə́r fo kitu wo moo wúy njiì. Kàvàʼ və wáa ker kár si, a kiliímé ke və̀y kí kóʼ fo kar fèy, kfə̀n kóʼ à fó kàvàʼ sho.

Ŋgaà Yen 7:14

M bìnèr jii, «Tàr, bó m yòʼ kì. Kù kì wò.» Wù nèn a naàrì jii, «Wír vee shoone dzə̀ á ve vé‑eè dzəə̀n é ghan sé ŋgeʼ ye tavín, e bóo bòy fo fo. Aá sù ne vikúm vév e mensə́ me Wàn Njiì mè, ví wáa ran, a fər.

Ŋgaà Yen 7:9

Kee shooy ki lòo shaà, m leéy, e yèn màŋgòŋ wìr nyanyày, a bó yòʼ dzə̀ wìr tàŋ. Aá ló vitúm vidzə̀m, kìn dzə̀ ke kí súŋnin lám vəné, e lò woŋ sidzə̀m, e kfə̀n lò rám wìr msòŋ e dzə̀m. Á wáa tiy e kàvàʼ wùn Wàn Njiì si, aá máʼ ne vikúm ve fəvír ví, a ker viyáŋ aáwuné wo.

Lim Aŋgàa Ntum 10:30

Konelur bìnèr jii, «Yì‑iì dzə̀ moo lèn, shúy sitaár, e bǎm vishiíy vitaár, a m bunrì e mǒ lav. M sàsìn, e yèn wír, a wù tíy e mǒ si, a ndzə̀y sə́ sí njaʼkìr njàʼkìn.

Aysaya 1:18

«Mo woo Nyùy Tàr nén a suúy e vèn jii, vèn wiy, é vèsən tar, e yèn mo dzə̀ kí wàa dzə. Fə̀m mo ajay véné gháʼ fóo sù moo vishim veé ndzə̀y, bo dzə̀ á sù, é vèn rán, a fər ji páv moo mentíy me mè gbu fo yuv. Fə̀m mo ajay véné baŋ, səə́ne moo nshòm ye á wáy e ndzə̀y, bo dzə̀ á sù, vèn ràn, a fər moo wuy ye á komen fo njiì wùn.

Nsùyrì Nyùy 68:14

Rúrú, Nyùy woo Ŋgaà Vitaàví Vidzə̀m‑eè tàʼár afon. Wù‑uù tàʼár áwune é kishiíy fóo fèy, kí wáa dzə mo gbù a mentíy e Gwan Tsalmon bèy.

Nsùyrì Nyùy 51:7

Shàʼàr jay wom, é m wáa dzə kiránén, e sù mo, é m rán ji pěy.

Ŋgaà Yen 19:18

Vèn wiy, a sàʼ nyám fo afoné wùn, a sàʼ ye wìr ve dzəə̀n vitú ve rər. Vèn saʼ ye agùy, e sàʼ ye nyàm se ŋkoʼ, à ye wír ve vé‑eè koʼoné. Vèn ku sàʼ nyám fo wìr dzə̀m wùn, kìn dzə̀ kwàn, kìn dzə̀ wan wòŋ, à wìr wo kuʼùn, à wìr wo terí.»

Maak 9:4

Áwune lòo sìn, e yèn, Elija wùn Mooser, aá tíy, súŋnin wùn à Jesus.

Ŋwàʼ Luk 9:29

Wù dù, e lòo bùnrì, vishí və́ ví nèn bìnkìr, a kìʼ jeéy. Ndzə̀y sə́ sí kfən kùvsín, a fər, a njàʼkìr.