Maak 9:2 - ŊWÀʼ NYÙY

² Wù suúy bey, kishiíy kí shaà ntuùfú, wù lì Pita wùn à Jeem, à Joon, wùn áwune bàr wún, e kòʼ é kitu ke gwan wo da wùmòʼ. Á meé fó, e lòo yen, a Jesus kúvsín ne, a kìʼ jeéy.

Maak 9:2 Referans Kwoze

Aysaya 33:17

Vèn wíy yen fon e sí yéné, a wù wiy, din viwìr və́, e kfə̀n yen nsay mo yì néŋ bèn ji moòr, e dù, e meé e ndzəywoŋ.

Maak 5:37

Wùn Jayur ku nèn a dù, la Jesus yòʼ biìmé ji wír ámóʼó shém e wùn bàm, e shaà Pita wùn à Jeem, à fər və Joon.

Maak 14:33

Wù lì Pita wùn à Jeem à Joon, wùn áwune bàr wún. Wù nèn kèʼ a rə̀m ndzə, shilív sə́ shí wáa buʼ, wù wáa yàʼ.

Ŋwàʼ Fəə 24:13

Mooser nèn ŋàʼáy wùn ŋgaà sə və Joshua, a koʼ e Nyùy gwan.

2 Korin 13:1

M sí wiy lèn ji akàŋ ve á meen ataár fó ghan ven. Mo m wiy, a kwàŋrì vinyo, vèn wáa kuumé kinyo ke vé‑eè saŋen é Ŋwàʼ Nyùy jii, «Aá sáʼ wír fo kinyò, anjene kù a tiy abaà, kìn ataár.»

Aysaya 53:2

Wìr lìm Nyùy‑iì kúy e Nyùy si moo kifá ke kí toon toón, tó bèy, a megháŋ mè kù dzə̀ a dzə̀ é nsay ŋgaŋ. Ké ru kí, wù yòʼ‑oò ló a ker sí ye juŋe, a kìʼ e njà wìr ye vèr wáa ker shií wó a leéy wun. Wù‑uù dzə̀ ben là viwìr, ye bó yòʼ‑oò dzə̀ vèr wàa ker shií ji bo á kì jumrì wun.

1 Afòn 18:42

Fòn Ahav dù ji wun waà sí yíkir, e kfə̀n no a kifá, Elija kóʼ é kitu ke Gwan Karmel, e tsə̀m ndzəə́, e wày kitú kfə́ e wun nsàn vibìy.

Ŋgaà Yen 20:11

M nèn yèn lúm kàvàʼ wùmòʼ, a wù fə́r fərín, e lòo leéy, e yèn, a wìr dzə́ sho. Mo wù yénsin fo, nsay wùn à yúví nèn nyèŋ fó si wo, e lày, la wìr yòʼ dzə́ə a yen.

Maak 16:12

Jesus nèn kfə̀n dìn kitú kfə́ e wír ámóʼó abaà, a sə́nín rəə́ kúvsín ne. Áwune yén wun, aá kì du ghán yév é ntèʼ yìmòʼ.

Filipi 3:21

Wù wíy wìy, é wù biner viŋgà vesən vé wùn veé nsay vìn, é ví kfə́n réŋréŋ moo və́ woo wún wo dzəə̀n woó yuv. A vitaáví ve wù wíy bìnèr sho vìn vi dzə̀ ve dzə̀ wù bàʼtí vifá veé ndzə sho vidzə̀m, a saʼ.

Ŋwàʼ woó Rom 12:2

Vèn wáa yen fo ndzə bóʼtí ven, é vèn wáa yiì vinyo ve wír veé ndzə fène yii. Vèn kú a yu a dzə̀ fo Nyùy, é wù sheŋri melív men, é vèn wáa kwàʼtì a dzə̀ vinyo və́. Vèn lóo yiì bèy, lóo yiì vinyo ve vèn yii vidzə̀m, é vèn nèn a kiíy mo Nyùy taʼ ji vèn wáa yiì. A dzə̀ ve ví dzəə̀n vijuŋ, e kfə̀n a dzə ve ru ví, a bòŋ wun.

Joon 1:14

Á mo Jínyùy‑iì wìyìn, e lì mbom wìr, a dzə wùn à wíri, a kòŋ áwune féyì, a dìn rú mo Nyùy dzəə̀n, vèr wáa yen vikuʼùy və́. A kù dzə̀ vikuʼùy vé Tàr wov, bìʼ fo kù jòʼsìn wun wo dzəə̀n Wan Nyùy.

Ŋwàʼ Luk 6:12

Kú a dzə e vishiíy fóo fèy, Jesus kóʼ é gwan wùmòʼ ji wun bunrì Nyùy, e sìíy, e bùnrì fo vitsə́ʼ vifur.

Matio 14:13

Jesus yú kinyo ke Heror yiìn, e nèn lò fo wù‑uù dzəə̀n, e nə̀ə́ e kikoŋ ji wun du a fo wíri yòʼ‑oò dzəə̀n. Wù lòo dù, wíri ku yù, a fəəkír fo mvəm sé laʼ, a ghan e kiwuú kí, a tinér wun fo wù‑uù du.

1 Afòn 18:33

Wù síysí meŋkaʼ, e neèr, e nèn tòʼtí nàʼ e vibàr vibàr, e nètì e kitu ke meŋkaʼ. Wù nèn yòŋ ji á kúnsí á mendzə́v é mbìʼ e kweè, e cuùrì a e kitu ke cù ye tonèné, e cuùrì e meŋkàʼ.