Maak 9:12 - ŊWÀʼ NYÙY

¹² Jesus bìnèr jii, «Dzə̀ rú, Elija kér fó wìy fo mbìy ŋkuŋ, e naŋsín vinyo vidzə̀m, é ví kfə́n vifíy. Yii bèy, mo vé‑eè saŋen sá e Ŋwàʼ Nyùy ji ŋgaà wo yírí dzəə̀n Wanwìr kér fó wìy yen ŋgeʼ sinín, aá káy wun, vé‑eè sàŋ bey bìʼ ka?

Maak 9:12 Referans Kwoze

Aysaya 50:6

Mò‑oò bìnèr ndzə̀m yem, á wáa shoʼ e ŋgwàne. Mò‑oò biìmé, á wáa dzə̀n kighev kém. Wíri‑iì cú mentíy e mǒ wùn ji á ku shòór mo, a bó m yòʼ‑oò lo bìnèr sí yém fo á wáa cu.

Aysaya 52:14

Yii bèy, wíri‑iì yèn wun, kí wáa jivír áwune ji sà kù yòʼ dzə̀ wun a? Vé‑eè méŋnin bèy, a wún vəə́ sì e forkìn, a wù yòʼ dzəə́ kiʼ e njà wìr. Wún vəə́‑əə̀ sòrkìr féyì, a bó wù yòʼ dzəə́ sə́nin wir msòŋ.

Ŋwàʼ Luk 23:11

Fòn Heror wùn à və́ vé rərí nèn lò, e kèʼ, a kèŋ Jesus kéŋen, a shoór. Á màʼ kikúm ké vifòn e wùn wó, e nèn siìr, á wáa kfən sho fo Payler.

Aysaya 49:7

Nyùy Tàr dzə̀ Mfə̀ə́r wìr veé Isray, a dzə̀ wun Ŋgaà wo Ranén wo áwune ghvə́mé. Wù yoŋ ŋgaà wo vitúm vi nyaysì nyàysìn, wun wo wù‑uù foon kitú kfə́, a lìm fo atǎr saʼa. Wù yoŋ wun, suuy sho jii, «Afone wíy yen wò, e ŋaʼáy fo akàvàʼ, a ghvəm wò, áàtǎr wòŋe wáa gvəʼtí e wò si. Á wíy a yiì bèy, bìʼ Nyùy Tàr, wun woo Ŋgaà wo Ranén woó Isray. Wù yoŋ kinyo, bo wù yii a dzə̀ kíwun, a shòʼ wun wò.»

Sekariya 13:7

«Éè nyùy ye á maʼ rə́r shó, ŋáʼáy, e taàmé nshìy wom, ŋáʼáy, e taàmé ŋgaà wom ŋgoo. Suuy mo woo Nyùy Tàr woo Taà Mànjòŋ. Yúyrí nshìy, é njiì bvəə́rí. M wíy màʼ kiwó kém e ve terií kitu, e lovtí aáwune.

Ŋwàʼ Luk 1:76

Wàn, á wíy a yòŋ wò ji *ŋgaà ntum Nyùy woo Taà Vitu, bìʼ fo à wíy shem e Nyùy Tǎr mbìy, e naŋsín dzə́ə rə.

Malakay 4:6

Wù wíy wìy, é wù yii, áàtàr wùn à wóné tár shuu, fo kí koóy ji m yiì wìy, e laàr kitúm kén.»

Ŋwàʼ Luk 23:39

Ŋgaà njò wùmòʼ fo ve vé‑eè kér foo, wáa kuùrì sa Jesus, a suúy jii, «Bó yòʼ dzə̀ wò woo Mfə̀ə́r a? Lùŋèr ri kitú ké ki, e lùŋèr sa ver.»

Matio 26:24

A m suuy jii, ŋgaà wo yírí dzəə̀n Wanwìr və̀n sí yìi dù mo Ŋwàʼ Nyùyi suuyì. Yii bèy, a lòné dzə̀ wó wìr woo shó wo wù yíi fo mo áàŋgaà vém vibàné ji á yúyrí. Kí bòŋ ji bo bó á yòʼ‑oò lo dzə̀ə́ ŋgaàŋ.»

Matio 16:21

Kèʼ fo ghan see shooy Jesus nèn kèʼ, a naàrì e wón və́ lìme jii, «M kér fó dù e Jerusalem. A kinyo ke kí wíy koóy mo fó ki dzə̀ jii, m wíy yen ŋgeʼ sinín e vé wòŋe wùn à vitú ve atàá cùu, à wír ve á duŋrì nsər Nyùyí wo, aá yúyrí mo, vishiíy ví mee vitaár, é Nyùy fəə́r mo fó kpu.»

Sekariya 11:13

Nyùy Tàr nèn sùúy e mò ji m li á shifarìn shee mbàm shìn, she vé‑eè foon ji ŋkùvtu wom, e màʼ a dzə̀ á e wìr wo wù fer vifá e mbóm. M nèn lì ashekel vee mtaár vìy, e dù, e màʼ e wìr wo wù fer vifá e mbóm, a wù dzə́ e Nyùy Tǎr lav cù.

Nsùyrì Nyùy 74:22

Éè Nyùy, ŋáʼáy, e dìn kóy wó wo tavíné. Kuúmé mo viyúŋ ví shéʼ wò vishiíy vidzə̀m.

Maak 9:13

Ke m suuy e vèn kí dzə̀ jii, Elija‑aà wìy ne, á lóvtí shó mo vé‑eè koŋè réŋréŋ mo Ŋwàʼ Nyùyi súŋnin kùm wun.»

Maak 9:31

bìʼ fo wù‑uù ghán, yéʼey wón və́ lìm. A wù‑uù yéʼey jii, «Á wíy way ŋgaà wo yírí dzəə̀n *Wanwìr e wírí wo, aá yúyrí, vishiíy ví mee vitaár, é wù fəə́ fó kpu.»

Maak 10:33

a suúy jii, «Vèn yuúrí, vèsən sí du e Jerusalem, a dzə̀ fo á sí du, e way ŋgaà wo yírí dzəə̀n *Wanwìr a dzə̀ e vitú ve atàá cù wùn à wír ve á duŋrì nsər Nyùyí wo, aá sáʼ nsaʼ rə, e bìn ji á yúy. Á wíy way wun e vitúm ve ví sáʼ woŋ və̀n ví wo,

Lim Aŋgàa Ntum 1:6

Wùn à Jesus kfən lòo dzə, á dzə́r shó jii, «Tàr, à sí wìy siìr vifon ve wìr veé Isray e ghan fen à?»

Lim Aŋgàa Ntum 4:11

Dzə̀ wun tíy ye á yoŋ e Ŋwàʼ Nyùy jii: « ‹Tíy ye ven vee aŋgàa kimbome leeyin ntéŋé sì yíwun ye yí loòn ne, e tòm kór lav.›