Maak 9:1 - ŊWÀʼ NYÙY

¹ Jesus kfə́n a suúy e wón və́ lìme jii, «Vèn wáa kiíy rú ji wír ámóʼó dzə̀ fen lèn, a bó á yòʼ wíy kpukír, a bó á yén, a sí sáʼ Nyùy ndzə e vitaáví ve dzəə̀n və́ ví.»

Maak 9:1 Referans Kwoze

Ŋwàʼ Luk 9:27

Vèn wáa kiíy rú ji wír ámóʼó tíy fèn lèn, a bó á yòʼ wíy kpukír, a bó á yén sáʼ Nyùy yee shooy.»

Hibru 2:9

Ke vèsən yén lèn ki dzə̀ Jesus wo wù sáʼ vifá vìn vidzə̀m. A Nyùy‑iì lo lèm wun fo nshèelav sə́ sí mbìv tsə̀n e bǎm shintàm. Wù‑uù lèm bey ji Jesus kpú á fo wìr dzə̀m mo wun woo Nyùy‑iì shamen áwune, e sìysì. Wáa dzə lèn, a Nyùy búʼ ne wun, e fò vitaáví vé saʼ sho ji á wáa ghvəm, a yu fo fo, bìʼ fo wù‑uù biimen ŋgeʼ, e kpù fo wíri.

Ŋwàʼ Luk 22:30

Wíy lòo dzə e ghan se m wíy a saʼ vifon vém, é vèsən wáa yikír, a nonín kirə́ʼ kimòʼón, a vèn kfə̀n wíy koʼ aàkàvàʼ, a saʼ rám wìr veé Isray yee nshòv sibaà e ghvə̀m.»

Maak 13:30

Vèn wáa kiíy rú ji ŋgwàʼ ye yì dzəə̀n lèn yòʼ wíy shaà e dzə̀m, a bó vinyo vìn vi koóy vidzə̀m.

Matio 25:31

Jesus kfən sùúy jii, «Ŋgaà wo yírí dzəə̀n *Wanwìr wíy lòo kfən, a wù sí kér vikuʼùy və́ veé yuv, a sí wiy wùn à nshèelav se Nyùy si sidzə̀m, é wù nèn kòʼ é kàvàʼ wo Nyùy dzə̀ʼə̀rìn wun sho.

Ŋwàʼ Luk 22:18

Vèn wáa kiíy jii, kèʼ fo lèn, bó m yòʼ dzəə́ wìy no meluʼ me *vayin mèn, e meé e ghan se Nyùy wíy a saʼ vifon və́.»

Ŋwàʼ Luk 2:26

a kí‑iì tòʼ ne sho ji wù kù wíy yen *Mfə̀ə́r wo Nyùy‑iì kàʼàn, e bóo kpu.

Maak 13:26

A wíri wíy yen mo ŋgaà wo yírí dzəə̀n Wanwìr bvəysin é mvə̀m mbàʼ, a wù sí kér vitaáví wùn à vikuʼùy ve ghaʼán ví.

Matio 24:30

Aá nèn yèn mo kisəəm ké ŋgaà wo yírí dzəə̀n Wanwìr ki yénsin e yuv. Vitúm vidzə̀m vi wíy a leéy, a dìy, lóo yen, é ŋgaà wo yírí dzəə̀n Wanwìr və̀n nèn bvə̀ysín e mvə̀m mbàʼ, a wù sí kér vitaáví wùn à vikuʼùy ve ghaʼán ví.

Matio 16:28

A m suuy e vèn rú jii, wír ámóʼó tíy fèn lèn, a bó á yòʼ wíy kpukír, a bó á yén, a ŋgaà wo yírí dzəə̀n Wanwìr və̀n sí wiy ji wun wáa saʼ vifon və́.»

Joon 21:23

Mo Jesus suuyin bey, léŋe nèn kèʼ, a ghanén e wír vəə́ mvəm ji bó və̀n woo wan lìm yòʼ waà dzəə́ wìy kpu. A bó yòʼ dzə̀ kinyo ke Jesus‑eè suuyin. Wù‑uù sùúy jii, a wun kì taʼ ji wìr və̀n shaari, e mèé e ghan se wun wíy kfən, bo bó yòʼ dzə̀ á nsaʼ Pita.