Maak 8:6 - ŊWÀʼ NYÙY

⁶ Wù nèn sùúy, màŋgòŋ və̀y dzə̀ʼə̀m fo nsay. Wù lì ntuʼ se kiban see saàmbà sìy, e beèrì Nyùy, e bèʼtí, e fò ji wón və́ lìme wàá jav e wír vìyi. Áwune nèn a jàv.

Maak 8:6 Referans Kwoze

Kolosia 3:17

Vèn lóo yiì vinyo ve vèn yii vidzə̀m, kìn dzə̀ ve vèn suuy suùyín, vèn kù a yiì e Tàr wòsən Jesus Kristu yir, a beè wun, a beèrì Nyùy woo Tàr wov wo wù tatin vèn áwune.

Ŋwàʼ woó Rom 14:6

Wìr wo wù lem kishiíy kímóʼ kí jeéy, lem bèy, a wù kù ghvə́m a dzə̀ Nyùy. A wìr wo wù yí nyám wùn à wìr wo wù yí a dzə̀ nyóo see siy, yí bèy, ghvə́m sa Nyùy. A dzə̀ bìʼ fo áwune lóo yi, á kù a bùnrì, a beèrì Nyùy fo vifa foo fèy.

Joon 6:23

Vikóŋ vímóʼ ví nèn dù wìy fo ndzə̀n ntèʼ yee Tiberia, e tìím e ghaa kirə̀ʼ fo Jesus‑ee liìn kibán, e beèrì Nyùy, e yìír wíri shó.

Joon 2:5

Yè wov ku yòʼ sùúy e vé kijàvi jii, «Vèn wáa yu a dzə̀ fo Jesus, wù suuy mo wù suuyin, vèn wàa yiì.»

Ŋwàʼ Luk 24:30

Wùn áwune yiì dù, e lòo yikír, wù lì ntuʼ kiban, e beèrì Nyùy, e bèʼnín, e fò aáwune.

Ŋwàʼ Luk 12:37

A bòŋ ké wón lìm ve tàr wov yíi lòo wìy, aá dzəə́ kiʼì. Vèn wáa kiíy rú jii, wù yíi wovtí ndzə̀y sə́, e suúy, aáwune dzəʼəm, é wù taʼ vifá ve yi, e jàv, aá wàá yí.

Matio 26:26

Á ku nèn a yikír bèy. Jesus yiì lò, e lì ntuʼ kiban, e beèrì Nyùy, e bèʼtí, e jàv e wón və́ lìme, e sùúy jii, «Vèn ko, e yì, dzə̀ wún wóm.»

1 Samuel 9:13

Vèn du, e lòo nəə́ e mvə̀mlaʼ, é vèn ku nèn yèn wun, é bo wù wáa koʼ e kirə̀ʼ ké cù ji wun du e yìkír. Yòʼ dzə̀ wír ve á kì biiné kèʼ a yikír, a bó wù wíy, e səə̀vì vifá ve cù. Vèn a dù rì lèn, é vèn yén wun.»

Maak 8:5

Jesus dzə́r jii, «Vèn kér ntuʼ se kiban sìsìʼ?» Áwune bìnèr jii, «Sí dzə̀ saàmbà.»

Maak 8:7

Aáwune kì kér sa wón sə ashàr. Jesus kfən lì, e beèrì Nyùy, e fò ji á jav sáa e wír vìyi.

Maak 8:20

Wù kfən dzə̀r jii, «Kee ntuʼ saàmbà fo wíri ansə̀kì akweè, vèn bàʼtí vimbéʼ ŋkaà sìsìʼ?» Á bìnèr jii, «Sí‑iì dzə̀ saàmbà.»