Maak 8:23 - ŊWÀʼ NYÙY

²³ Jesus ghár kiwó ke mfìr və̀y, wùn wun fəə́sín láʼ. Wù cúrí mentíy e mvə̀m si wo, e neèr wó rə́ shó, e dzə̀r jii, «À yén kirə́ʼ á?»

Maak 8:23 Referans Kwoze

Maak 7:33

Jesus lì wír və̀y, wùn wun bàr wún. Wù wáy wón və́ wo e wìr və̀y vitùʼùr, e kfə̀n cù mentíy e wùn kiwo, e kùm kiliímé ke wìr və̀y sho,

Maak 5:23

a buʼ wó feyì jii, «Wan wom woo wiíy sí kpú. Kii wò, ku wìy, e neèr wó yée é kitu wo, é wù bónén, e lùŋ.»

Lim Aŋgàa Ntum 9:8

Saul yiì nànèn fo nsay, e lòo mvə̀ʼ sí, e làa yòʼ dzə́ə yen kirə́ʼ. Á nèn ghàr é kiwo, a caàcà caàcàn, a dù sho e Damaskus.

Aysaya 51:18

Fo wón ve vèn‑eè dzəən adzə̀me, wo a dzə̀ wù wàa dànèr ven bèé? Fo wón ve vèn lìyìn adzə̀me, wo wù wíy sə ven fə̀m e mòʼón yoʼ bèr.

Aysaya 44:2

Dzə̀ mo Nyùy Tàr wo wù‑uù bomen ven, é bo vèn wáa dzə e bvə̀m, kù‑uù lèm mo ven fó, a m kù wíy a sə ven. Ven vee rám Jakov vee vé lìm vém, lá vèn yòʼ a fàn. Jeshurun, ven vee wír ve mò‑oò shoʼon, lá vèn yòʼ a fàn.

Ŋgaà Yen 3:18

M nén a tir ven jii, a vèn bèn taʼ a dzə rú vé bùʼu, vèn wìy, e yèn a dzə̀ mo, e yùn vifá vee vifá. Vèn wiy, e yùn *kisha ke mbàm ke ru kí ke á tònèn ne, e shèŋrì. Vèn wiy, e yùn ndzə̀y se sí fə́r kijuŋ, e sə̀tí kinshóʼ kén shó, fo wíri wáa yen, e kfə̀n yùn kifú, e wày e věn si, e fíʼ a yen virə́ʼ.

Hibru 8:9

A bó mee shooy mè yòʼ dzəə́ wìy a dzə moo me mò‑oò gwàrìn vèr aàtǎr ram yéví é ghan se mò‑oò gharin áwune e kiwó kém kí, e fə̀ə́r fo wòŋ Ejiv. Meé ghan see shooy mè‑eè ghàʼ áwune, la á yòʼ à lèm. M nèn màʼày sa áwune. Suuy mo woo Nyùy Tàr.

Jeremia 31:32

A bó mee shoon mè yòʼ dzəə́ wìy a dzə moo me mò‑oò gwàrìn vèr aàtǎr ram véví é ghan se mò‑oò gharin áwune e kiwó kém kí, e fə̀ə́r fo wòŋ woo Ejiv. Áwune‑eè bìvír mee shooy, fə̀m mo mò‑oò dzəə̀n tàr wov. Suuy mo woo Nyùy Tàr.

Maak 8:24

Wù leéy virə́ʼ, e sùúy jii, «M yén wíri ji làʼrì làʼrì, aá ghán, shwínin vicí.»

Maak 8:26

Jesus suúy shó jii, «Kú a kfən fo laʼ. À lóo dù, lá à yòʼ dzəə shaà fo ntèʼ fóo fèy.»

Lim Aŋgàa Ntum 23:19

Kitú ke vé rər kí ghár wán və̀y e kiwo, wùn wun bàr wún, wù dzə́r shó jii, «Kì dzə̀ ka?»