Maak 8:18 - ŊWÀʼ NYÙY

¹⁸ Vèn kér sí, e làa yòʼ a yen vinyo à? Vèn kér vituʼùr, e làa yòʼ a yu vinyo à? Vèn yòʼ dzəə́ kuúme kinyo ke mò‑oò yiìn a?

Maak 8:18 Referans Kwoze

Jeremia 5:21

«Vèn yuúrí, ven vee viyúŋ, ven vee vinjìŋ ve wíri. Vèn kér sí, a bó vèn yòʼ yén virə́ʼ. Vèn kér vituʼùr, a bó vèn yòʼ yú vinyo.

Maak 4:12

A kí dzə̀ bey ji kí fíʼ a dzə mo vé‑eè saŋen jii: «Áwune kù wíy a leéy leeyín, e làa yòʼ a yen. Áwune kù wíy a yuurí yuurín, e làa yòʼ a yu. Aá yii bèy, fó kfən fo Nyùy, é wù laysin ajay vév.»

Esiker 12:2

«Wàn wìr msòŋ, à dzə́ vèn à wíri, aá táv kitú. Áwune kér sí yé a yen sho, yii bèy, a bó á yòʼ yéné. Á kér vituʼùr vé a yu sho, yii bèy, a bó á yòʼ yú, bìʼ fo á táv kitú e ŋàŋ.

Joon 12:40

«Nyùy sə̀tí ne sí yév, e yiì, melív mev mè lúr, fo sí yéví wáa yen vinyo, é melív mev mè səəm ke kí dzəə̀n, aá kfə́n fo Nyùy, é wù fer áwune.»

Ŋwàʼ woó Rom 11:8

mo vé‑eè saŋen é Ŋwàʼ Nyùy jii, «Nyùy màʼ ne mbuùné aáwuné si, e sə̀tí vifií vév, á nén a dzə, e meé lèn, a bó sí yéví yòʼ yén vinyo, a bó vituʼùr vév ví yòʼ yú.»

Aysaya 44:18

Wír ve á fer mebvə̀me yòʼ kér vifií gheéy shishàr bó a dor. Sí yéví sə̀tí ne, a bó á yòʼ dzəə́ yén virə́ʼ, vifií vév ví bvəə́rí, a bó á yòʼ dzəə́ kiiy jeéyjeey kinyò.

Remrí 29:4

Yii bèy, e wìy to lán, bó Nyùy Tàr yoʼ fò ven shilív she dzə̀ vèn kìíy shó, kìn sí ye dzə̀ á yèn shó, kìn vituʼùr ve dzə̀ á yù kinyo sho.

Nsùyrì Nyùy 69:23

Ku sə̀tí sí yéví, aá fir. Yìi, aá sén, e mày màyìn.

2 Pita 1:12

M kì ji vèn sí tíy e kinyò ke ru kí féyì, a vèn kì ne vinyo vìn vidzə̀m. Yii bèy, a kém kí dzə̀ ji m kú a ratí ghán sidzə̀m, é vèn wáa kuumé.

2 Tesalonika 2:5

Mò‑oò ló a suúy vinyo vìn e vèn é ghan se vèsən‑eè dzəə̀n. Mo bó vèn yòʼ dzəə́ kuúme a?