Maak 8:13 - ŊWÀʼ NYÙY

¹³ Wù nèn màʼtì áwune, wùn à wón və́ lìme kfə́n, e nə̀ə́ e kikoŋ, a tumsín e ndzə̀n kibàŋ və̀sə.

Maak 8:13 Referans Kwoze

Lim Aŋgàa Ntum 18:6

Áwune nèn wìy lò, a tun kinyo kfə́, a kuùrì wun. Wù nèn dzə̀vtì viváy və́, e sùúy jii, «A vèn lày, bo dzə̀ nsaʼ yen, bo bó m yòʼ kì kinyo fo fo. Kèʼ fo lèn, m sí yiì a ghan a dzə̀ fo wír ve bó yòʼ dzəə̀n veé Judàa.»

Joon 12:36

Mo ŋgaà ran və̀n dzə̀ə́ vèn áwune, vèn wáy shilív é wùn wó, e fíʼ a ker rán yee shooy.» Jesus fèr vinyo vìn e wíri vidzə̀m, e nèn màʼtì áwune, e dù, e lìr.

Joon 8:21

Wù yiì lò, e kfə̀n a suúy jii, «M sí du, a vèn wíy siíy, a tàʼ mo, e kpu vèn à njò yen. A bó yòʼ dzə̀ vèn wìy fo m du.»

Ŋwàʼ Luk 8:37

Wír veé wòŋ foo fèy adzə̀me nèn a fàn, a yaŋyáŋ, a boòrì Jesus bóorin jii, wù ku lò a fo áwuné wòŋ. Jesus nèn lò e wún vəə́, e nə̀ə́ e kikoŋ ji wun waà sí du.

Matio 15:14

Vèn maʼti dzə́ə wìr vee shooy, dzə̀ amfìr. A mfìr lò, a caàcà mfìr, bo wùn wun yíi tatí, e gbùkìr e bii wír adzə̀m.»

Matio 7:6

«A bó kí yoʼ fə̀m ghèén ji vèn li kifá ke á cuùn Nyùy sho, e màʼ e jwí si, fo sí kfə́r, e kfə̀n bìnkìr, a nyàv ven e sóŋé. A bó yòʼ dzə̀ sá, á lì *síbaŋ, e fò e kǔnnyàm, wù wàa tay e kishàʼàr.

Hosea 9:12

Aáwune fə̀m lìy wón, bo m kù yíi laàr adzə̀m. Rúrú, m yíi bìn ndzə̀m aáwune, é lòné nəə́ áwune.

Hosea 4:17

Wír veé Israyi suùsín ne wùn à mebvə̀m mè, vèn maʼti dzə́ə yev.

Jeremia 23:33

Nyùy Tàr nèn sùúy e mò jii, «A wìr fo wír vìne, kìn dzə̀ ŋgaà ntum, kìn taà cù, lò, a dzər e wò ji ntum ye Nyùy Tàr rəʼəyin wò sho sà dzə̀ ji ka á, à bìnèr aáwune jii, ‹Kù dzə̀ ven vin, ve á siìn ji kifá ke kí rə́ʼəy Nyùy Tàr, a wù lo, e shwèy ven.› Suuy mo woo Nyùy Tàr.

Nsùyrì Nyùy 81:12

M nèn shwèy áwune, á wáa bùy, a dù, a yiì kinyo ke melív mev mè tíy sho.

Maak 8:12

Jesus ndzəə́, e sùúy aáwune jii, «Wìr woo lèn kfə̀n taʼ kisəəm a dzə̀ ké gha? Vèn wáa kiíy rú ji bó vèn yòʼ wíy yen kisəəm gheéy.»

Maak 8:14

Á lòo dù, wù wáa tir áwune jii, «Vèn wáa baàmè nyaà wìr veé mbìv Farasi, e kfə̀n a baàmè wo Fòn Heror.» Wón vəə́ yú, a wù yóŋ *nyaà, a dzə̀ kifá ke áwune yii wáy e kiban, aáwune kì làysìn fó lì kibán kigheénén, a ker a dzə̀ ntuʼ e mòʼón e kikoŋ cáʼcáʼ,

Lim Aŋgàa Ntum 27:2

Vèr áwune nèn nə̀ə́ e kikoŋ fo Adamitum, a kí sí du e shuù se ndzəv seé wòŋ woo Asia. Aritakur woo wír woó Tesalonika e wòŋ Masedonia wáa dù sa vèr áwune. Á nèn a dù.