Maak 8:11 - ŊWÀʼ NYÙY

¹¹ Wír ve vé‑eè dzəə̀n é mbìv *Farasi ámóʼó nèn wìy, a woóy Jesus, a yùtì ji wù ku yiì a kiŋgaʼnìn ke kinyò ke kí din ji wù sə́ rú vitaáví a dzə̀ fo Nyùy.

Maak 8:11 Referans Kwoze

1 Korin 10:9

Lá vèsən yòʼ a ghiʼ sa Nyùy ji wù ku yiì kinyo mo wír vìn ámóʼó‑oò ghíʼí, Nyùy nèn tsə̀nsí yó, sí térí wír vee shooy, e laàr.

Matio 12:38

Wír veé mbìv *Farasi ámóʼó wùn à ve vé‑eè duŋrì nsər Nyùyi nèn yòŋ Jesus jii, «Ŋgaà Yèʼey, vèr taʼ ji à yii kiŋgaʼnìn ke kinyò ke kí wáa dìn vitaáví vé Nyùy.»

Malakay 3:15

Vèr kù sí yén kér ji bòŋ ké vé kiŋàʼa, a kéŋ wìr ve á méŋ Nyùyi kù kúy kuyín. Jòkìnyàʼ, á tínsin Nyùy, la kinyo ki yòʼ sə̀ʼ áwune.› »

Remrí 6:16

«Lá vèn yòʼ wìy a ghiʼ Nyùy Tàr woo Nyùy won ghíʼín mo vé‑eè ghíʼ wun e Massaa.

Joon 4:48

Jesus suúy shó jii, «Vèn dzə̀ ben, a bó yòʼ dzə̀ vèn wày shilív e mǒ wùn, a bó á yén ji m yiì kinyo ke kí wáa dìn vitaáví vé Nyùy.»

Ŋwàʼ Luk 11:16

Aámóʼó ghíʼ Jesus ghíʼín ji wù yii ri a kiŋgaʼnìn ke kinyò ke kí wáa dìn rú ji vitaáví və́ ví lo fo Nyùy.

Ŋwàʼ Fəə 17:7

Wù nèn shù yír kirə̀ʼ kee shoon ji Massaa, bìʼ fo wír veé Israyi‑iì mum Nyùy Tàr fó, gháy jii, «Nyùy Tàr dzə̀ vèr áwune moo ŋgáŋ á?» Wù kfən shù sa yímóʼó ji Meriba, bìʼ fo áwune‑eè taʼ melaà fo.

Lim Aŋgàa Ntum 5:9

Pita nèn kfə̀n dzə̀r jii, «Vèn lum wò yòʼ kì kwàʼ ji ka féyì, e bóo wìy, a mùm Kiyoy ke Nyùy Tàr? Yú mo wíri giv nsən e shùu lav. Dzə̀ nsən se wìr ve á duùn ne, e dzəə̀mè lum wò, a kfən, aá kù beʼèy sa wò lèn, e dù, e dzəə̀mè.»

Joon 7:48

Vèn yén ne, a wìr fo vé wòŋe kìn woó mbìv *Farasi wùmòʼ tíy e wùn kinyò a?

Joon 6:30

Á nèn a dzər jii, «Kinyo ke à yii, ke kí din vitaáví vé Nyùy, é bo vèr yén, e wày shilív e wò wùn kí dzə̀ ka?

Ŋwàʼ Luk 10:25

Wìr wo wù kiìn nsər wùmòʼ nèn wìy wìy, a woór kinyo, a dzər e Jesus jii, «Ŋgaà Yèʼey, kinyo ke dzə̀ m kù yiì, e bóo nəə́ e dzə̀ʼə̀m yee là may ki dzə̀ ka?»

Maak 12:15

Vèsən wáa màʼ, mo la á yòʼ a màʼ a?» Jesus kiíy kinyo ke vé‑eè woóne sho, e bìnèr jii, «Vèn wooy mo bìʼ ka? Vèn wiy e sí mbàm yee *danarìi, é m yén.»

Maak 2:16

Wír ve vé‑eè tíy e mbìv *Farasi ámóʼó wáa dzə fo, a dzə̀ ve á yii duŋrì nsər Nyùy. Á yén, a Jesus yíkir wùn à wír vee shooyi, e dzə̀r e wón və́ lìme jii, wù sà yíkir wùn à kfə́ə wìr vìne bìʼ ka á?

Matio 22:23

Kú a dzə e kishiíy fóo fèy, wír veé mbìv *Sadusi ámóʼó wìy ji á dzə́r a kinyo e Jesus. A dzə̀ mbìv wìr ve á yii yéʼey ji wíri yòʼ wíy fəə a fo kpu.

Matio 22:18

Jesus kiíy kinyo ke vé‑eè woóne sho, e yòŋ aáwune jii, «Abìnbìnteʼnsə́m vin, vèn taʼ, a woóy mo ji ka?

Matio 22:15

Wír veé mbìv *Farasii yuúrí ŋgàn rə̀y, e nèn fəə̀, e dù, a sìysì mo dzə̀ áwune gòvtì Jesus, é wù jáy lám, aá fiʼ koò.

Matio 21:23

Jesus kfən kfə̀n é lav cù fèy, e lòo yeʼéy wíri, vitú ve atàá cù wùn aàtǎr wòŋe wìy, e yèn wun, e dzə̀r shó jii, «Vinyo ve wò‑oò mùmèn é lav fèn vìy, wò‑oò yii moo la? Fò la wò dzə́ə?»

Matio 19:3

Wír veé mbìv *Farasi ámóʼó nèn dù wìy, a woóy wun, a dzər sho jii, «Nsər yèsən biíme ji dzə̀ wír, wù fə̀ə́r wiíy və bìʼ kinyo kímóʼ kí gheéy á?»

Ŋwàʼ Fəə 17:2

Wíri nèn a tàʼ melaà wùn à Mooser, à Aaron, a suúy jii, «Vèn fó ver mendzə́v, é vèr nó.» Mooser dzə́r aáwune jii, «Vèn taʼ melaà vèsən ben bìʼ ka? Vèn ghíʼ Nyùy Tàr ji wù ku yiì kinyo ji ka?»

Joon 8:6

Áwune kù‑uù yutì a dzə̀ shúu və́ ji á fiʼ kòóy kinyo kée lor wun sho. Jesus ku gvə̀ʼə́r a dzə̀ kitú kfə́, a saŋ kifá fo nsay e wàn kiwo.

Maak 9:16

Wùn áwune shàʼnìn, wù dù, e dzə̀r e wón və́ lìme jii, «Vèn à wír vìne kì biʼ a dzə̀ ka?»