Maak 7:34 - ŊWÀʼ NYÙY

³⁴ e lò, e lèéy yúv, e shèŋ kitú, e sùúy sho aáwuné làm jii, «Efata,» a dzə̀ ji mvə̀ʼə̀me.

Maak 7:34 Referans Kwoze

Joon 11:41

Á nèn tsə̀ʼ kilán kìy. Jesus leéy yúv, e yòŋ jii, «Tàr, m beerì feyì mo à yuun kinyo kém.

Maak 6:41

Jesus lì ntuʼ se kiban see sitàn wùn à sə́ see sibaà siy si, e lèéy yúv, e beèrì Nyùy, e bèʼtí kibán kìy, e fò ji wón və́ lìme jav, é wíri yí. Wù kfən lì sa sə́ see sibaà siy, e fò, á jàv e wìr dzə̀m.

Maak 5:41

Wù ghár kiwó ke wan, e sùúy sho aáwuné làm jii, «Talita kum,» a dzə̀ jii, «Wánlè wiíy, lò é yuv.»

Lim Aŋgàa Ntum 9:34

Pita yòŋ wun jii, «Aniar, Jesus Kristu sí fer wò. Lò é yuv, e kaàrí gham yée.» Aniar ku nèn lò e yuv.

Joon 11:33

Jesus yén mo Maria diyì, a wír ve á kì wìyìn e wùn bàm víyi diynìn sa, shilív sə́ shí wáa lùm, a buʼ.

Maak 15:34

Wáa dzə shúy sitaár, Jesus tóŋ kitávín jii, «Eloy, Eloy, lema sabaktani.» A dzə̀ jii, «Nyùy wom, Nyùy wom, à màʼày mo ji ka?»

Maak 8:12

Jesus ndzəə́, e sùúy aáwune jii, «Wìr woo lèn kfə̀n taʼ kisəəm a dzə̀ ké gha? Vèn wáa kiíy rú ji bó vèn yòʼ wíy yen kisəəm gheéy.»

Lim Aŋgàa Ntum 9:40

Pita fəə́r áwune fó ndzə adzə̀m, e sìíy, e tsə̀m fó nsay, a bùnrì. Wù yiì lò, e bìnkìr, e lèéy dzə́n wiíy və̀y, e yòŋ jii, «Tabita, lò é yuv.» Wù ku nèn mvə̀ʼ sí, e yèn Pita, e nànèn, e dzə̀ʼə̀m e kikun.

Joon 11:43

Wù suúy bey, e yòŋ kitávín jii, «Laasaror, fəə́ fèn.»

Hibru 4:15

a kiíy jii, taà cù wòsən wo kuʼùn və̀n dzə̀ réŋréŋ moo vèsən. A dzə̀ wù kìíy kinyo ke kí gháʼ vèsən kidzə̀m, bìʼ fo wù‑uù dzə́ e nsay fèn, a vinyo vi mum wun réŋréŋ mo ví mum vèsən, a bó wù yòʼ‑oò yiì jày kímóʼ kí gheéy.

Joon 17:1

Mo Jesus suuyin vinyo vìn ví mày, wù nàn sí, e lèéy yúv, e yòŋ jii, «Tàr, ghán sí ghèén ne. Ku dìn rì vikuʼùy vé Wan wò vi ji wíri lóo yen, aá wáa yen vikuʼùy a dzə̀ vé.

Joon 11:38

Shilív shé Jesus shi nèn kfə̀n màysì, e lùm. Á dù, e mèé e shùu sày, a vé‑eè bùʼ a dzə̀ é wǔn kilan, e dòm kilán, e sə̀tí sho,

Joon 11:35

Jesus dìy.

Ŋwàʼ Luk 19:41

Jesus lòo meé e ghaa Jerusalem, e lèéy, mendzən mè rə́r wun, wù wáa dìy,

Ŋwàʼ Luk 18:42

Jesus nèn sùúy sho jii, «Kú a yen virə́ʼ ví. Mo à wayin shilív e mǒ wùn, sí yée mvə̀ʼə̀m ne.»

Ŋwàʼ Luk 7:14

Wù suúy bey, e shaà, e làʼ kiwó e kibàʼ ke vé‑eè béʼ ŋkfə və̀y sho. Á nèn tìím. Wù yòŋ ŋkfə və̀y jii, «Wánlè nsùm, m suuy e wò jii, nànèn é yuv.»

Maak 1:41

Mendzən mè rə́r Jesus, wù ràmsì kiwó, e kùm wír və̀y sho, e sùúy jii, «M kòŋ ne, bónén ri.»

Aysaya 53:3

Wíri‑iì leey wun fo kisaŋ, kù nyaysì nyàysìn. Wù‑uù dzə̀ wír, a wù‑uù toòmé ŋgeʼ, e toòmé nyár. Wìr yòʼ kfə̀n‑eè kóŋ a leéy wun. Vèr kù‑uù sí ŋwáy wun ŋwáyín, yén wun ji kifá ke kisaŋ ki.

Ŋwàʼ Fəə 2:23

Ghán sí dàrnìn, fòn woó Ejiv nèn lày, a wír veé Israyi kù dzəə́ shwíkir shwìkín é vikwàn ve vé‑eè reŋè. Áwune wáa toŋ ji Nyùy ku fə̀ə́r a áwune fó vikwàn.

Maak 7:35

Vituʼùr vé wìr və̀y vi nèn mvə̀ʼə̀m, wù wáa yu vinyo. Kiliímé kfə́ kí caár, wù wáa suŋnín kiránén.