Maak 7:22 - ŊWÀʼ NYÙY

²² Kfə́n lo, wù wàa siimé kinsiimè, a ker shilív she bi shí, a boʼtí kimboʼtì, a yiì liì kisaŋ, a ghèʼ kighèʼ, a suʼ kinsuʼ, a koʼór wún, a yiì kiyúŋsì.

Maak 7:22 Referans Kwoze

Matio 20:15

A dzə̀ m yiì kinyo ke m koŋ yiì e mbàm sém sí. À rə̀sí, a ŋeèy bèn ji bìʼ fo m shám wír ámóʼó ji ka?› »

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

1 Pita 2:15

Á mo Nyùy koŋ ji vèn wáa yiì a dzə̀ vinyo ve ru ví, e fíʼ a sətí shúu wìr ve á méŋ kinyo ke ru kí, jiŋ jìŋèn, lo, á wàa lor ven.

2 Korin 10:5

Vèr nén a sə̀r kimboʼtì ke kisaŋ ki, e kfə̀n a sə̀r wír ve á din vifií ji á kì vinyo e ŋàŋ, nèn bvəər vifií vé wíri fo á kiíy Nyùy. A vèr kfə̀n shem vinyo ve bi ve wíri kwaʼtì vidzə̀m, binèr áwune ji wír ve á yú a dzə̀ fo Jesus Kristu.

Matio 6:23

Yí lóo səəné, bo dzə̀ mo dzəʼə̀m rəə́ yíi a sən sənén e dzə̀m, a wù gímti. Wáa dzə, a sí rəə́ sí sə́n sənén bey, bo dzəʼə̀m rəə́ màysì ne, e sə̀n ji dzə̀v.

Ŋgaà Tàrvìnyò 7:25

A mómò kitú kém, m wày gháŋ féyì ji m tar, e kìíy mo vifií ví dzəə̀n, e kìíy dzə́ə yee réŋ yé a naàrì vinyo sho mo ví dzəə̀n. M nén a kòŋ ji m kiíy kinyo ke bi ke kiyúŋsì ki wiy sho, e kìíy kibaá ke wìr baá e kiyúŋsì ki.

Ŋgàn 28:22

Ŋgaà vikaàmè kù yii búʼ kfə́ ji wun kuʼ cér, a bó wù yòʼ kì ji wun kù yíi jòʼsì a dzə̀ é kitàn.

Ŋgàn 27:22

Aá fə̀m lì kiyúŋ, a tsəy e kikoŋ, a tsəy mo á tsə̀y ŋgwàsáŋ bo bó yòʼ dzə̀ kiyúŋsì kfə́ kí mày.

Ŋgàn 24:9

Antaŋ kiyuŋé kù dzə̀ ji kinyo ke bi kí, a wìr wo wù jaʼ Nyùy yii kóʼoy wíri koʼoyín.

Ŋgàn 23:6

Lá à yòʼ a dìy ji à ku yì vifá ve yi ve ŋgaà vikaàmè. Lá à yòʼ a dìy viyíkìr və́ ve ví rəʼtìnè.

Ŋgàn 22:15

Kiyúŋ kí rùn ne e wǎn kitu, aá kù yíi sə̀r e ŋgwàne, é kí du kwaʼda.

Ŋgàn 12:23

Fiì yòʼ yii din kiíy, a kiyúŋ kí kù din kiyúŋsì kfə́.

Nsùyrì Nyùy 10:4

Wír ve á méŋ Nyùy vìne ŋaʼ e ŋàŋ, a bó á yòʼ kfə̀n taʼ Nyùy gheéy. Á kù sí yii vinyo vév ji bó Nyùy yòʼ dzə̀.

2 Wòŋ 32:31

Fə̀m é ghan se vé saʼ veé Babilone‑eè tsənsin wír vév fo wun woo Fòn Hesekiya wùn ji á wiy, e dzə̀r á kisəəm ke Nyùy foon e wun, Nyùy kù‑uù màʼtì ji wù fó á binèr yee kwaʼtì rə́, e fíʼ taasín wun, e yen kinyo ke kí dzəə̀n e wun shiliv.

Remrí 28:56

A fə̀m wìy a dzə wiíy e věn mvəm, a wù tókirì, aá kfən lìy kijuŋ moó le, wiíy wo bó yòʼ dzə̀ féyì, wù biìmé kiwuú kí kùm nsay, bo wù kù wíy kàm fo lum və woo wun mbuùy kikùn, e kàm fo wan və woo lumèn, e kàm fo woo wiíy.

Remrí 28:54

A fə̀m wìy a dzə lumèn e věn mvəm, a wù kér shilív she juŋ shi é le, e kfə̀n a ker liì, bo wù kù wíy lò, a tooŋé, yée kàm kifá ke yi fo fər və, e kàm fo wiiy və woo wun mbuùy kikùn, e kàm fo wón vəə́ ve á dzəə́ bér e wun kiwo.

Remrí 15:9

Vèn wáa yen fó a kuʼ vinyo ve kisaŋ vi e věn meliv, e ten fó foòr wír kifá ji kiyá ke ntiinè kaa ki sí méʼ a fo mentsə̀m, a bó yòʼ dzə̀ wìr kfə̀n sə̀ mbàm e bàm. Lá vèn yòʼ màʼtì, é kwaʼtì kisaŋ yee béyi nəə́ e věn meliv. A vèn tèn fó foòr, wù yiì tòŋ, e kàn Nyùy Tàr bìʼ ven, bo vèn lì ne njò, a Nyùy Tàr yíi saʼ ven fó njò fóo fèy.

Nsùyrì Nyùy 119:36

Yìi, é shilív shém shí wáa lùm e vinyò ve à foon, é la m yòʼ a jùm a dzə̀ káv woó nsay.

Aysaya 59:7

Wír vìne kù sí yár jíŋ ji á yii kinyo ke bi kí, waʼrì gheéy, á yùy wír là njò. Á kù dzəʼə̀m, bá antaŋ a dzə̀ vé yìi kisaŋe, nəə e kirə̀ʼ, bo kí fòy ne, e kfə̀n é vifə̀m.

Aysaya 59:13

Vèr tàv ne kitú, e mèŋ wò woo Nyùy Tàr. Vèr bìn ne ndzə̀m e wò woo Nyùy wor. Vèr nə̀ʼsì ne wír ámóʼó, e ŋwày kinyo ké. Vèr kù sí baʼrì a dzə̀ kimboʼtì e věr meliv, fəər a dzə̀ kíwun fo shuù.

Jeremia 17:9

«A dzə̀ kìíy la mo shilív shé wìr shi dzəə̀n? Kifá ki yòʼ dzə̀ shó ke kí kér kimboʼtì moo wun. Yàsí və tàv féyì fo á fer.

Maak 7:21

Vinyo ve bi ve wìr yii vidzə̀m vi kù yii lo a dzə̀ fo ŋgaàŋ shiliv. Wìr lo, wù nèn a kwàʼtì a dzə̀ vinyo ve bi ví, a jàŋ kinjàŋ, a ghan viŋkar, a shoŋ vishóŋ, a yuyrí wír, a lì wiiy wìr.

Maak 7:23

A vinyo vìn vidzə̀m vi kù yii lo a dzə̀ fo wìr mvə̀m shilìv, e bó a bivír ŋgaàŋ.»