Maak 7:19 - ŊWÀʼ NYÙY

¹⁹ Kí nəə a dzə̀ é kitur, kí tòsín, a bó yòʼ dzə̀ kí kùm shilív.» Mo Jesus suuyin bey, kí nén a dzə jii, kifá kímóʼ kí yòʼ dzəə́ kér a *kifàn ye dzə̀ kí shèm fo wìr yí.

Maak 7:19 Referans Kwoze

Matio 15:17

Vèn wáa kiíy jii, kifá ke kí nəə e wìr shuù ki du a dzə̀ é kitur, tósin tòsín.

1 Korin 6:13

Yii bèy, a dzə̀ wùmòʼ kfə̀n a bìʼ sa jii, «Nyùy‑iì fèr vifá ve yi ji á wáa yi e bvə̀m, e fèr bvəm ji á yí vifá ve yi sho.» Yii bèy, vèn wáa kiíy ji Nyùy lèm ne a kishiíy ke wù wíy laàr vifá ve yi, é shúuyii may sá. A bó wúné yòʼ wíy mày bèy. Nyùy yòʼ‑oò lo bòm wún ji wìr li, a jàŋ a dzə̀ kinjàŋ sho. Wù‑uù bòm ji wìr wáa lìm sho a dzə̀ á fo Tàr wòsən Jesus Kristu, a dzə̀ wun woo Tàr wòsən wo wù kér wún wìr e dzə̀m.

Lim Aŋgàa Ntum 11:9

Jì rə̀y nèn kfə̀n sùŋnín fo yuv jii, ‹Lá à yòʼ a nyaŋsí kifá ji kí kóʼoyì, a Nyùy suúy ne ji kí dzə̀ kijuŋ.›

Lim Aŋgàa Ntum 10:15

Jì rə̀y nèn kfə̀n sùúy sho jii, «Lá à yòʼ a nyaŋsí kifá ji kí kóʼoyì, a Nyùy suúy ne ji kí dzə̀ kijuŋ.»

Ŋwàʼ Luk 11:41

Ke vèn kì yíi a yiì ki dzə̀ jii, vèn wáa jàv vifá ve vèn kérí e vé ŋgeʼe, é melív men mè nèn a ran ranén vinyo vidzə̀m.

Kolosia 2:16

Mo vèn sí yú kinyo a dzə̀ ké Nyùy, lá vèn yòʼ dzə́ə a yuurí kinyo ke wìr ve á suuy ji wír Nyùyi kér fó a nyeŋ vifá ve yi vímóʼ ví, wùn à vifá ve noón ví, e kfə̀n a rəsí kishiíy ké mbìy ki fó ŋwee, a bam vishiíy vímóʼ ví é kiya, e kù a lèm kishiíy ké bam a dzə̀ á ké wìr veé Juda.

Maak 7:18

Wù dzə́r aáwune jii, «Vifií vén ví kù dzə̀ə́ vitsə́m moo vé wìr vìy à? Bó vèn yòʼ kì ji kifá ke kí nəə nə̀ə́n e wìr bvə̀m ki yòʼ dzə̀ kí bìvír ŋwèrín a?