Maak 7:18 - ŊWÀʼ NYÙY

¹⁸ Wù dzə́r aáwune jii, «Vifií vén ví kù dzə̀ə́ vitsə́m moo vé wìr vìy à? Bó vèn yòʼ kì ji kifá ke kí nəə nə̀ə́n e wìr bvə̀m ki yòʼ dzə̀ kí bìvír ŋwèrín a?

Maak 7:18 Referans Kwoze

Hibru 5:11

Vinyo vi dzə̀ shó vinín ve kì dzə̀ vèr wàa fèr kùm Jesus woo taà cù wo kuʼùn və̀n. Yii bèy, a kí gháʼ fó naàrì feyì, é vèn yú, bìʼ fo vèn loòn ne, e mèŋ vinyo.

Ŋwàʼ Luk 24:25

Jesus nèn sùúy aáwune jii, «Vèn yùŋsí feyì, melív men mè rəə́y é ŋàŋ, la vèn yòʼ a biimé vinyo ve aŋgàa ntum Nyùyi‑iì saŋen.

Matio 16:11

Yiì ka, bo vèn wáa kwàʼtì ji m suuy kinyo a dzə̀ kee kùm kibán? A m suuy, kfə̀n lo li jii, vèn wáa baàmè a nyaà wìr veé mbìv Farasi wùn à veé mbìv Sadusi.»

1 Korin 3:2

Mò‑oò kér ven moo wón ve á dzəə́ fó a dzə̀ vín sho, a bó yòʼ dzə̀ á wàa fo vifá ve kfərín ví aáwune. A mò‑oò yiir ven bey, bìʼ fo vèn yòʼ‑oò ló ne mèé fó yi vifá ve yi, a bó vèn yóʼ ne fə̀m mèé sa lèn.

Joon 3:10

Jesus bìnèr jii, «Yéʼey wò wír veé Isray, kfə̀n méŋ vinyo vìn à?

Maak 4:13

Jesus lò, e dzə̀r e wír vìyi jii, «Vèn méŋ nsàv ŋgàn rə̀n, é vèn wìy yèe, e bóo kiíy símóʼ sí?»

Matio 15:11

Kifá ki yòʼ dzə̀ shó ke kí nəə nə̀ə́n e wìr shuù ke dzə̀ kí bìvír ŋgaàŋ. A dzə̀ kù bìvír kinyo ke kí fəə́ fəə́n fo wìr shuù.»

Maak 7:17

Jesus yiì lò, e màʼtì wíri, e nə̀ə́ e lav, wón və́ lìme nèn a dzətí nsàv ŋgàn ye wù kì màʼàn rə̀y sho.

Maak 7:19

Kí nəə a dzə̀ é kitur, kí tòsín, a bó yòʼ dzə̀ kí kùm shilív.» Mo Jesus suuyin bey, kí nén a dzə jii, kifá kímóʼ kí yòʼ dzəə́ kér a *kifàn ye dzə̀ kí shèm fo wìr yí.