Maak 7:14 - ŊWÀʼ NYÙY

¹⁴ Jesus nèn kfə̀n kùm màŋgòŋ, á wìy, wù suúy jii, «Wìr dzə̀m yuúrí kinyo ke m suuy ki, e səə̀m.

Maak 7:14 Referans Kwoze

Matio 15:10

Jesus nèn lò, e yòŋ màŋgòŋ wo wù‑uù baʼtin fó, e sùúy jii, «Vèn yuúrí kinyo kìn ki, e səə̀m.

Lim Aŋgàa Ntum 8:30

Filiv nyéŋrí, e dù e ghaŋ wo, e yù, a wù yoŋ ŋwàʼ Aysaya. Wù nèn dzə̀r shó jii, «À kù yòʼ yoŋ bèn, yú kinyo ke ŋwàʼa suuyì a?»

Aysaya 6:9

Nyùy Tàr nèn sùúy ji m du, e yòŋ a e wír veé Israyi jii: «Vèn kú a yuurí yuurín, yii bèy, vèn yòʼ ló a yu. Vèn wáa leéy leeyín, yii bèy, vèn yòʼ ló a yen.»

Ŋgàn 8:5

Wòn vem, vee anjìʼ, vèn yéʼéy, a ker vifií ví. Ven vee viyúŋ, vèn kfə́n áàtòŋ.

Nsùyrì Nyùy 94:8

Ven ve vifií ví dzəə̀n a dzə̀ é kiroʼtí, vèn wáa kiíy vinyo vi. Ven vee viyúŋ, vèn wíy a ker vifií a dzə̀ é ghàn ka?

1 Afòn 22:28

Mikayia suúy jii, «A fòn lòo dzə, e dù, e kfə̀n é bàm kijuŋ, là kinyo, bo bó Nyùy Tàr yòʼ‑oò lò sùŋnín rú e mo.» Mikayia wáa dzə̀sì, a suúy jii, «Wìr dzə̀m səəm kinyo ke m suuy ki.»

1 Afòn 18:21

Elija nèn kòʼtí e wírí mentsə̀m, e dzə̀r jii, «Vèn wíy tùʼtìn e kwaʼtìi e baà ben, e dù meé e le? A Nyùy Tàr dzə̀ Nyùy, vèn wàa jùmrì wun, wáa dzə a dzə̀ Baal, vèn wàa jùmrì rì Baal.» Wíri ku gòʼ gòʼòn kisə́sə.

Ŋwàʼ Luk 12:1

Jesus wáa fèr vinyo vìy bèy, wíri nèn màysì, e bàʼtí fo ansə̀kì ansə̀kì, a farnín, ámóʼó wáa koʼrí aámóʼó wuù. Jesus nèn lò, a suŋnín a dzə̀ e wón və́ lìme, a suúy jii, «Vèn wáa baàmè liì wìr veé mbìv *Farasi, dzə̀ abìnbìnteʼnsə́m.

Maak 7:13

Vèn yéʼey vinyo vén vee shooy bèy, semèr a dzə̀ kinyo ke Nyùy, kfə̀n yii vímóʼ ví sá vinín moo vee shoon.»

Maak 7:15

Kifá ke wìr yí, a kí nəə nə̀ə́n é bvə̀m ki yòʼ dzə̀ kí bìvír ŋgaàŋ. Kù bívir kinyo ke kí fəə́ fo wìr shuù. [

Jeremia 25:2

M nèn a fìʼtì e wìr dzə̀m woó Juda, a fìʼtì e wìr dzə̀m wo wù dzə́ e Jerusalem jii,