Maak 6:6 - ŊWÀʼ NYÙY

⁶ Kí wáa tarír wun mo wír véví tenen fó way shilív e wun wùn. Jesus nèn yiì lò, a ghan ntèʼ see fó sidzə̀m, a yeʼéy wíri.

Maak 6:6 Referans Kwoze

Matio 9:35

Jesus nèn lò, a ghan e mvə̀m sé laʼ, e kfə̀n a ghan ntèʼ see fó sidzə̀m, a yeʼéy wíri é ŋgày se bùnrì, a fìʼtì sáʼka wo juŋ woo kùm sáʼ Nyùy. A wù ghán bèy, fer kfəə́ se ayàsí wùn à ndzə́m e dzə̀m.

Matio 8:10

Jesus yuúrí, a ker gháʼ, e bìnkìr, e sùúy e wír ve vé‑eè wiy e wùn bàmé jii, «Vèn wáa kiíy rú jii, m yòʼ‑oo yií ne yèn wír woó Isray wùmòʼ wo wù wayin shilív e mǒ wùn moo kiŋgwìy kìn.

Ŋwàʼ Luk 13:22

Jesus nèn kfə̀n a shaà, a ghan ghán rə́, a dù e ŋkàlaʼ Jerusalem. Wù wáa dù, a ghan e mvə̀m sé laʼ wùn á ntèʼ sí, a yeʼéy wíri.

Lim Aŋgàa Ntum 10:38

Vèn kù‑uù lo yù ji Nyùy‑iì fò Kiyoy ke Ranén kí e Jesus woó Naasarer woo shooy, e kfə̀n fò wun vitaáví, a shìy wun, wù wáa ghan virə́ʼ vidzə̀m, a yiì vinyo ve juŋ vi, a fèr wír ve vé‑eè yén ŋgeʼ e Satan wo.

Aysaya 59:16

Wù leéy, e làa yòʼ yen wír wo wù tiím mbìy, wír wóo tiím bèn ji kinyo keé nsànloŋ ki wáa dzə. Wù táʼ ntéŋ, kitú ki lúm wun. Wúnwun Nyùy Tàr ku nèn shèm fó kintìntìn ji kù yíi so a wun vinyo ve bi ví e vitaáví və́ ví. Shií wo wù kér fo vinyò veé nsànloŋ kú a banrí wun.

Joon 9:30

Wìr və̀y nèn sùúy jii, «Kinyo kìn ki tárir mo féyì. Vèn suuy ji bó vèn yòʼ kì fo wìr və̀n loòn, a wù mvə́ʼ ne sí yém,

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Jeremia 2:11

Kitúm ki‑ii yií ne kùvsín anyùy və́ á? Fə̀m mo bó yòʼ dzəə̀n rú anyùy, vé‑ee yií ne kùvsín a? Yii bèy, wír vémé màʼày ne mo wo m kóʼor áwune, e dù, a ghvəm a dzə̀ mebvə̀m, kifá, a bó yòʼ dzə̀ kí sə̀ áwune.

Ŋwàʼ Luk 4:44

Wù nèn lò, a dù, a ghan woŋ e dzə̀m, a fìʼtì sáʼka woo shooy e ŋgày se bùnrì.

Ŋwàʼ Luk 4:31

Jesus nèn sə̀y é ntèʼ yee Kapeenahum, a yì dzə̀ sá e mbìv wòŋ yeé Galeli foo fèy. Wìy lòo dzə e kishiíy ké bam, wù wáa yeʼéy wíri é ŋgày bùnrì.

Maak 1:39

Wù nèn a ghan woŋ Galeli woo shooy e dzə̀m, a fìʼtì kinyo ke Nyùy e ŋgày se bùnrì, e kfə̀n a kàntì anyùy ve vé‑eè jívir wíri, á wáa màʼtì áwune.

Maak 10:1

Jesus lò fo ntèʼ yee Kapeenahum, e dù e mbìv wòŋ yee Juda, e yiì lò, e tùm ndzə́v yee Jordan, e kfə̀n é mbìv wòŋ fèsə. Mo wù‑uù ghán bèy, màŋgòŋ kú a baʼtí e wun ghaŋ, wù wáa yeʼéy áwune mo wù kù‑uù yéʼeyì.