Maak 6:2 - ŊWÀʼ NYÙY

² Á meé fó, wìy lòo dzə e kishiíy ké bam, wù nèn dù e ŋgày bùnrì, a yeʼéy wíri. Wír aníne yú kinyo ke wù yéʼeyì, a ker gháʼ, a ghaynín jii, wìr və̀n sà yèʼéy vin vee vinyo fo feé á? Wù sà lì vifií vee ben fo gha á? Wù sà ghàn é le, e bó a yiì viŋgaʼnìn ve vinyò ve wù ghán, yii vìn a?

Maak 6:2 Referans Kwoze

Joon 6:42

a kfə̀ynìn jii, «Bó wìr və̀n yòʼ dzə̀ Jesus woo wan Joosev à? Vèsən kì tàr wov wùn yè wov. A dzə̀ wù wàa suúy lèn ji wun wìy a dzə̀ fó yuv é le?»

Joon 7:15

Vé wòŋe yuúrí, a ker gháʼ jii, «Wìr və̀n sà yèʼéy vin vee vinyo fo feé, a bó á yòʼ kì wír wo wù yeʼeyin wun a?»

Matio 4:23

Jesus nèn lò, a ghan Galeli e dzə̀m, a fìʼtì sáʼka Nyùy wo juŋ e ŋgày se bùnrì, a naàrì mo sáʼ Nyùyi dzəə̀n. Wù kfə́n a fèr kfəə́ se yàsí wùn à ndzə́m e dzə̀m.

Matio 7:28

Jesus fèr vinyo vìn vidzə̀m, ví mày, màŋgòŋ wo wù‑uù yuúri wáa ker gháʼ,

Ŋwàʼ Luk 4:15

bìʼ fo wù‑uù yéʼey wíri é ŋgày se bùnrì see fó, a wìr dzə̀m yuúri, búri wun.

Maak 1:39

Wù nèn a ghan woŋ Galeli woo shooy e dzə̀m, a fìʼtì kinyo ke Nyùy e ŋgày se bùnrì, e kfə̀n a kàntì anyùy ve vé‑eè jívir wíri, á wáa màʼtì áwune.

Maak 10:1

Jesus lò fo ntèʼ yee Kapeenahum, e dù e mbìv wòŋ yee Juda, e yiì lò, e tùm ndzə́v yee Jordan, e kfə̀n é mbìv wòŋ fèsə. Mo wù‑uù ghán bèy, màŋgòŋ kú a baʼtí e wun ghaŋ, wù wáa yeʼéy áwune mo wù kù‑uù yéʼeyì.

Ŋwàʼ Luk 2:47

Wíri wáa yuurí, a ker gháʼ, bìʼ fo wù‑uù kiiyin vinyo e ŋàŋ, a bìnèr kijuŋ.