Maak 6:12 - ŊWÀʼ NYÙY

¹² Á nèn fəə̀, a ghan, a fìʼtì kinyo ke Nyùy ji wíri wáa bìnèr a melív mev.

Maak 6:12 Referans Kwoze

Matio 4:17

Kèʼ fo ghan se Jesus‑eè kfənen é Galeli sìn, wù nèn kèʼ, a fìʼtì kinyo kfə́, a suúy jii, wíri wáa bìnèr a melív mev, ghán se Nyùy sí lo, a saʼ vifon və́ sí sì á fo mentsə̀m.

Lim Aŋgàa Ntum 20:21

Mò‑oò fiʼtì kinyo kimòʼón e wíri adzə̀m, kìn dzə̀ wír veé Juda, kìn bó yòʼ dzə̀ veé Juda jii, á biner melív mev, e kfə̀n fo Nyùy, e wày shilív e Tàr wòsən Jesus Kristu wùn.

Lim Aŋgàa Ntum 11:18

Wíri yú kinyo ke Pita kìn, kí gheén áwune. Á nèn a burí Nyùy, a suúy jii, «Bo Nyùy fò ne sa kilíŋ e wír ve bó yòʼ dzəə̀n veé Judàa ji á wáa bìnèr melív mev, e fíʼ wìy lùŋ.»

Lim Aŋgàa Ntum 2:38

Pita bìnèr jii, «Wìr mòʼón mòʼón biner shiliv sə́, aá wáy ven é ndzəv e Jesus Kristu yir, é Nyùy laysin vinyo vén ve bi ví, e kfə̀n fò ven fómo və wo dzəə̀n Kiyoy ke Ranén kí.

Ŋwàʼ Luk 13:3

Bó yòʼ dzə̀ bey. A m suuy e vèn jii, a vèn dzə̀ là fó bìnèr melív men, bo vèn kù wíy lày sa bèy adzə̀m.

Ŋwàʼ Luk 11:32

A wír veé Ninevèe kfə̀n wíy a roòmè sa ŋgwàʼ yee lèn rə̀n e kishiíy fóo fèy, bìʼ fo áwune‑eè yuun kinyo ke Jona fiʼtì, e bìnèr melív mev. Wìr wùmòʼ wáa dzə fèn lèn, a kfə́ kee kinyo ki shaà ké Jona, a bó á yòʼ yuúri.

Matio 3:8

A dzə̀ vèn kù tòmbìy, a yiì vinyo ve ví wáa dìn ji vèn bìnèr ne rú melív men.

Matio 3:2

wíri biner á melív mev. Ghán se Nyùy sí lo, a saʼ vifon və́ sí sì á fo mentsə̀m.

Esiker 18:30

«Á bèy, wír veé Isray, m kù yíi lò, e màʼ nsaʼ e věn kitu amòʼón amòʼón bìʼ vinyo ve vèn buʼtì. Suuy mo woo Nyùy Tàr woo Taà Ndzə. Vèn biner melív men, e màʼtì vinyo ve vèn buʼtì, é la ví yòʼ wìy laàr ven.

Lim Aŋgàa Ntum 26:20

e kèʼ fo Damaskus, a fìʼtì kinyo kfə́, e bóo wìy dù e Jerusalem. Mò‑oò ghán woŋ woo Juda və̀n e dzə̀m, kfə̀n ghán e wòŋ se wìr ve bó yòʼ dzəə̀n veé Juda, fiʼtì ji wíri biner melív mev, e kfə̀n fo Nyùy, a yiì a vinyo ve ví din ji áwune bìnkìr ne.

Lim Aŋgàa Ntum 3:19

Vèn biner ri melív men mè, e kfə̀n fo Nyùy, é wù laysin vinyo vén ve bi ví,

Ŋwàʼ Luk 24:47

Kí kfə́n a dzə jii, á kér fó wìy kèʼ fo Jerusalem, a fìʼtì vitúm vidzə̀m e mǒ yir ji wíri biner melív mev, é Nyùy laysin vinyo vév ve bi ví.

Ŋwàʼ Luk 15:10

Vèn wáa kiíy jii, kù dzə̀ sá réŋréŋ mo nshèelav se Nyùy si shéʼri ŋgaà vinyò ve bi ví e mòʼón wo wù bìnèrìn shilív sə́.»

Ŋwàʼ Luk 15:7

Vèn wáa kiíy jii, kù dzə̀ sá réŋréŋ mo á wíy a sheʼrí e Nyùy wòŋ woó yuv, bìʼ ŋgaà vinyò ve bi ví e mòʼón wo wù bìnèrìn shilív sə́. Aá wíy a sheʼrí woo shooy, e shaà wír vee nshòv bvə̀ʼə̀ e mbvə̀ʼə̀ ve á yén ji áwune dzə̀ ajuŋ, a bó á yòʼ dzəə́ kér shií fó bìnèr melív mev.

Ŋwàʼ Luk 13:5

Bó yòʼ dzə̀ bey. A m suuy e vèn jii, a vèn dzə̀ là fóo bìnèr melív men, bo vèn kù wíy lày sa bèy adzə̀m.»

Maak 1:15

Wù‑uù fiʼtì jii, ghán se Nyùy‑iì sìysìn sí ghèén ne, a wù sí lo, a saʼ vifon və́. Wíri biner á melív mev, e biìmé sáʼka Nyùy wo juŋ və̀n.

Matio 11:20

Jesus lò, e kfə̀n a roòmè ntèʼ símóʼ sí, a dzə̀ fo wù‑uù din kùʼùn viŋgaʼnìn ve vinyò ve wù‑uù yii, la wír vee fóo yòʼ fə̀m bìnèr melív mev gheéy.

Matio 9:13

Wù kfən sùúy jii, «Vèn du, e yèʼéy nsàv kinyò ke vé‑eè saŋen é Ŋwàʼ Nyùy ji Nyùy suuy a jii, ‹Ke m koŋ ki dzə̀ ji wìr wáa sham wùmòʼ woo wír, e shaà fó a rəsí, a seerí a dzə̀ nyám si, a cù mo shó.› Mo Nyùy suuy bèy, kém kí nén a dzə, a bó m yòʼ wìy ji m kfə́n a bi wír ve á yén vitú vév ji vé Nyùyi. M wìy ji m bí a dzə̀ vé jayi.»

Ŋwàʼ Luk 9:6

Áwune nèn lò, a dù, a ghan e ntèʼ sí, a fìʼtì sáʼka Nyùy wo juŋ, e kfə̀n a fèr aŋgàa yàsí virə́ʼ vidzə̀m.

Maak 1:3

Jì wìr fúŋ fo kwaʼ jii, ‹Á náŋsín dzə́ə Tàr, e naàrì, é bo wù wáa wìy.› »

Matio 11:1

Jesus tír wón və́ lìm vee nshòv sibaà e ghvə̀m, e màysì, e nèn lò, a ghan e ntèʼ see fó, a yeʼéy wíri.