Maak 5:7 - ŊWÀʼ NYÙY

⁷ Wù yiì lò, a rəəmé jii, «Jesus woo Wan Nyùy woo Taà Vitu, à taʼ ji à yée le e mò? Ku lìʼ e Nyùy yir ji bó à yòʼ yíi fo mo ŋgeʼ.»

Maak 5:7 Referans Kwoze

Matio 8:29

Á yén Jesus, e nèn kèʼ, a rəəmé jii, «Wò woo Wan Nyùy, à taʼ ji à yée e vèr? À sí wiy ji à wáa nyàvrì e vèr, a bó fìʼ yóʼ ne ghèén à?»

Lim Aŋgàa Ntum 16:17

Wan woo shooy yén vèr à Por, e nèn a jùmrì fo bàm, a waamé, a suúy e wíri jii, «Wír vìne dzə̀ aŋgàa lìm Nyùy woo Taà Vitu, aá fiʼtì mo dzə̀ vèn ghàn, e bóo lùŋ.»

Ŋwàʼ Jud 1:6

A kù dzə̀ sá mo wù‑uù lovtin e nshèelav sə́ se sí‑iì loòn, a koʼnín, a shaà kilíŋ ke wù‑uù foon aáwune. Wù kúr áwune e sháŋ wo bó yòʼ dzə̀ wù bvə̀rkìr, e màʼ e ŋòròʼ, á wáa neŋ fo, a shìy kishiíy kee shó ke Nyùy wíy tinén nsaʼ wìr dzə̀m.

Matio 26:63

Jesus ku nèn a tiy, e làa yòʼ a ghay. Taà cù wo kuʼùn və̀y nèn kfə̀n sùúy sho jii, «Ku lìʼ, e kàn yír Nyùy wo wù gòʼòn kàŋ mòʼón. Dzə̀ wò *Mfə̀ə́r woo Wan Nyùy moo ŋgáŋ á?»

Ŋgaà Yen 12:12

Woŋ woó yuví ku nèn a sheʼrí, é wír ve á dzəə̀n fóo wáa sàvnìn adzə̀m. Yii bèy, a ŋgeʼ dzə̀ ye wìr ve á dzəə̀n kév é nsay wùn à vifá ve ví dzəə̀n é ndzəv ví, bìʼ fo Satan səyin ne e nsay. A wù sə̀y féyì wùn à dòʼshwiíy wo ghaʼán, a wù kì ji ghán sə́ sí bèr ne a shishàr.»

Lim Aŋgàa Ntum 19:13

Wír veé Juda ámóʼó wáa dzə fo, a vé‑eè sí ghán, jum anyùy. Áwune nèn lò, a mùm sa ji á wáa yòŋ yír Jesus, e bó a jùm anyùy. Wìr lo, wù nèn a suúy aànyùyi jii, «M jum ven e Jesus wo Por fiʼtì və̀y yir.»

Ŋwàʼ Luk 8:28

Mo wù yenen Jesus, e nèn rəə̀mé, e dù, e tsə̀m é si wo, a waamé kitávín jii, «Jesus woo Wan Nyùy woo Taà Vitu, à taʼ ji à yée le e mò? Kii wò, lá à yòʼ fò mo ŋgeʼ.»

Maak 3:11

Wír ve *anyùyi‑iì jívir áwuneé wáa yen Jesus, a gbù e si wo, anyùyi wáa yiì, á wáa rəəmé jii, «À dzə̀ Wan Nyùy.»

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

1 Joon 3:8

Á bèy, wìr wo wù yii a dzə̀ vinyo ve bi ví nén a dzə kfə́ wan Satan, bìʼ fo Satan kù‑uù siìn ŋgaà vinyò ve bi ví, a wù‑uù sí yii, e kèʼ mo vé‑eè bomen ndzə. A Jesus woo Wan Nyùy‑iì wìy é nsay fèn ji wun ndzəər á vinyo ve Satan vee shooy vidzə̀m.

2 Pita 2:4

Vèn kì sá jii, Nyùy yòʼ‑oò ló a bavtí nshèelav sə́ se sí‑iì loòn, e kèʼ vinyo ve bi ví. Wù‑uù tàtí áwune, e dòm e biíntùr, a dzə̀ fo á néŋ lèn e ŋòròʼ, shiy a dzə̀ kishiíy ke Nyùy wíy tinén nsaʼ.

Maak 1:24

Wù nəə́, a rəəmé jii, «Jesus woó Naasarer, à taʼ ji à yée le e vèr? À wìy ne ji à laar ver a? M kìíy ne wò. À lò fo Nyùy, à dzə̀ Wán Nyùy.»

Matio 16:16

Simon Pita bìnèr jii, «À dzə̀ Mfə̀ə́r woo Wan Nyùy, Nyùy wo wù gòʼòn kàŋ mòʼón.»

Hosea 14:8

Wír veé Isray, m yòʼ kfə̀n kér fó wìy yu kinyo kímóʼ kí ji mebvə̀m me vèn ghvə́mé. Dzə̀ mo wo m yú bunrì yén, leey fo vèn. M dzə̀ moo kicí ké dzəʼə̀y ke kí teʼ, boʼrì ghán sidzə̀m, kiŋsìn ven. Kisəəvì kén kidzə̀m ki kù lo a dzə̀ fo mò.»

1 Afòn 22:16

Yii bèy, Fòn Ahav suúy shó jii, «M wíy suŋnín e wò, e dù meé e le, ji à lóo suúy kinyo e mò, e Nyùy Tǎr yir, à wàa suúy a dzə̀ ké ru kí.»

Kèʼlo 3:15

M yíi màʼ vibàn e vèn wiíy nsàn, e kfə̀n màʼ e rám yée, à yé wiíyi. Wìr woo wun ram wíy bvə́ʼ kitú ké, áà wìy tè wun fo nsən kiwuù.»

Hibru 7:1

Melkisedek və̀n‑eè dzə̀ Fon woó kirə̀ʼ kímóʼ kí ke á yoŋ ji Salem, e kfə̀n a dzə taà cù wo wù‑uù lim fo Nyùy woo Taà Vitu. Wáa dzə e ghan se Abraham‑eè duùn rə́r, e yùyrí afon ámóʼó, a kfən e bàm, Melkisedek wìy, wùn wun tárnín, wù səə̀vì Abraham.

Hibru 2:14

Wù wáa suúy bèy, a wón və́ vin adzə̀me kù dzə̀ wíri, aá kér wún, kér mensə́ mo wíri yii kérí. Wun woo Jesus nèn lì wún a dzə̀ wó wìr, e bìnkìr a dzə moo áwune ji wun fíʼ kpu, e ndzəə̀r vitaáví vé Satan ve dzə̀ wù lì wír wo wù sí kpú sho.

Lim Aŋgàa Ntum 8:36

Wùn wun kú a dù e dzəə. Á meé é kirə̀ʼ kímóʼ kí, a ndzə́ví dzə̀ fó, wìr wo kuʼùn və̀y suúy jii, «Ndzə́ví rə̀ne, a dzə̀ kfə̀n jìvír ka fo à wáy mo é ndzəv?» [

Joon 20:31

Á nén a saŋ vin bèn ji vèn fiʼ biìmé a ji Jesus dzə̀ *Mfə̀ə́r, a dzə̀ Wan Nyùy. Vèn biíme, wáy shilív é wùn wó, é wù nèn yiì, é vèn wáa ker dzəʼə̀m yee là may.

Ŋwàʼ Luk 6:35

Ke kí dzəə̀n kí dzə̀ jii, vèn wáa kòŋ aŋgaà vén vibàn, a yiì kijuŋ aáwune, e kfə̀n a foòr kifá, e làa yòʼ a shìy ji á wíy siìr. Vèn lóo yiì bèy, é wìy laàmé Nyùy ven kijuujùŋ, é vèn kfə́n a dzə wón wun woo Nyùy woo Taà Vitu, bìʼ fo vèn yii a dzə̀ mo wù yii sa. Wù yii vinyo ve juŋ vi e wír ve bií, a bó á yòʼ fə̀m beerì wun.

Ŋwàʼ Luk 4:34

«Ábáy, Jesus woó Naasarer, à taʼ ji à yée le e vèr? À wìy ne ji à laar ver a? M kìíy ne wò. À lò fo Nyùy, à dzə̀ Wan Nyùy.»

Ŋwàʼ Luk 1:32

Wù wíy a dzə wír wo kuʼùn, aá wáa yòŋ ji Wan Nyùy woo Taà Vitu. Nyùy Tàr, wun woo Nyùy wíy dzə̀ʼə̀r wun e Fòn Davir woo tàr à ràm yév kàvàʼ,

Maak 14:61

Jesus ku nèn a tiy, e làa yòʼ a ghay. Wù nèn kfə̀n dzə̀r jii, «Dzə̀ wò *Mfə̀ə́r woo Wan Ŋgaà wo á suyrì à?»

Ŋwàʼ woó Rom 16:20

Vèn lóo yiì bèy, é Nyùy wo wù yii, a melív mèsən mè dzə́ nyaáŋ, ku nèn màʼ Satan, é vèn kóʼ é kitu wo. M nén a shàʼtì ven, a lon jii, Tàr wòsən Jesus Kristu kú a kòŋ ven, a leéy a fo vèn.

Maak 5:6

Mo wù yenen Jesus, a wù dzə̀ə́ ntàmda, e nèn nyèŋ, e dù, e tsə̀m é si wo.

Maak 5:8

A wù suuy bèy, bìʼ fo Jesus kì wamen nyùy wo wù jívir wun jii, «Wò woo nyùy wo à jívir wír və̀n, màʼtì wun.»

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.