Maak 5:6 - ŊWÀʼ NYÙY

⁶ Mo wù yenen Jesus, a wù dzə̀ə́ ntàmda, e nèn nyèŋ, e dù, e tsə̀m é si wo.

Maak 5:6 Referans Kwoze

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.

Ŋwàʼ Luk 4:41

Wír aníne wáa dzə ve anyùyi jívir áwune. Á wiy sho, anyùy vee shooyi nèn a fəəkír fo wír vee shooyí wùn, a nyeŋ. Lóo nyeŋ, á wàa waamé, a yòŋ Jesus jii, «À dzə̀ Wan Nyùy.» Jesus nèn a kàntì fo áwune wáa suŋnín, bìʼ fo áwune‑eè kiìn ji Jesus dzə̀ á *Mfə̀ə́r wo Nyùy‑iì kàʼàn.

Nsùyrì Nyùy 66:3

Vèn wáa burí Nyùy, a suúy jii, «Lim sé sí dzə̀ sigháʼtín, vitaáví vé vi kùʼ e ŋàŋ, aŋgàa vibàn vée kú a yàʼ e wò si.

Lim Aŋgàa Ntum 16:17

Wan woo shooy yén vèr à Por, e nèn a jùmrì fo bàm, a waamé, a suúy e wíri jii, «Wír vìne dzə̀ aŋgàa lìm Nyùy woo Taà Vitu, aá fiʼtì mo dzə̀ vèn ghàn, e bóo lùŋ.»

Nsùyrì Nyùy 72:9

Vitúm veé woʼ ví ku wìy a wìy, a tsəm ndzəə́ e wun si, áàŋgaà və́ vibàné wáa gbù e wun si, a neŋ e kibvə̀r.

Maak 5:5

Wù kù‑uù sí kár a dzə̀ é mbvə̀ʼ foo fèy wùn ǎ agwan, kár e shùy, kár vitsə́ʼ, rəə́me, jaʼtì virə́ʼ və́ e tíyí.

Maak 5:7

Wù yiì lò, a rəəmé jii, «Jesus woo Wan Nyùy woo Taà Vitu, à taʼ ji à yée le e mò? Ku lìʼ e Nyùy yir ji bó à yòʼ yíi fo mo ŋgeʼ.»