Maak 5:41 - ŊWÀʼ NYÙY

⁴¹ Wù ghár kiwó ke wan, e sùúy sho aáwuné làm jii, «Talita kum,» a dzə̀ jii, «Wánlè wiíy, lò é yuv.»

Maak 5:41 Referans Kwoze

Maak 1:31

Wù dù fo, e ghàr é kiwo, e nàn e yuv. Kinjàʼ kfə́ kí bónén, wù lò e yuv, a ker áwune, a yiír.

Filipi 3:21

Wù wíy wìy, é wù biner viŋgà vesən vé wùn veé nsay vìn, é ví kfə́n réŋréŋ moo və́ woo wún wo dzəə̀n woó yuv. A vitaáví ve wù wíy bìnèr sho vìn vi dzə̀ ve dzə̀ wù bàʼtí vifá veé ndzə sho vidzə̀m, a saʼ.

Ŋwàʼ woó Rom 4:17

réŋréŋ mo vé‑eè saŋen ji Nyùy‑iì yòŋ e wun a jii, «M lèm ne wò ji tàr à vitum vinín.» Abraham nén a dzə tàr wòsən fo Nyùy si. A dzə̀ wun woo Nyùy wo Abraham‑eè wayin shilív é wùn wó, kfə́n a dzə wun wo wù yii, a wìr wo wù kpuun ne kfə́n e tin, kfə̀n yii, a vinyo ve ví yòʼ siìn ví kooy mo wù‑uù kàʼàn.

Nsùyrì Nyùy 33:9

Wù‑uù súŋnin, kí nèn kù a dzə e wun jì. Wù fó sáʼ, kifá kidzə̀m ki nèn kù fəə̀sín.

Kèʼlo 1:3

Nyùy nèn sùúy jii, «Ráne wáa dzə.» Yí ku nèn a dzə.

Maak 1:41

Mendzən mè rə́r Jesus, wù ràmsì kiwó, e kùm wír və̀y sho, e sùúy jii, «M kòŋ ne, bónén ri.»

Maak 5:40

Áwune nèn lò, a kèŋ Jesus kéŋen. Wù jùm wir dzə̀m fo lav, e lì taà wàn wùn à yeè wàn, à wón və́ lìm vee ataár vìyi, wùn áwune nəə́ fo wàn kì néŋé.

Maak 5:42

Wù ku nèn nànèn, a kaarí, áwune yén, a ker gháʼ. Kí wáa koóy bèy, a wàn sì kiyá nshòv sibaà e ghvə̀m.