Maak 5:34 - ŊWÀʼ NYÙY

³⁴ Jesus lò, e yòŋ jii, «Yaà, à bònén bèn, bìʼ fo à wayin shilív e mǒ wùn. Dù ri kijuŋ, yàsí wò yòʼ dzəə́ wìy kfən.»

Maak 5:34 Referans Kwoze

Ŋwàʼ Luk 8:48

Jesus lò, e yòŋ jii, «Yaà, à bònén bèn, bìʼ fo à wayin shilív e mǒ wùn. Dù ri kijuŋ.»

Matio 9:22

Mo wù kùmèn, Jesus bìnkìr, e yèn, e yòŋ jii, «Yaà, vishí vé vi bòŋ ne. Mo à wayin shilív e mǒ wùn, à bònén ne.» Wù ku nèn bònén fo ghan see shooy.

Ŋwàʼ Luk 18:42

Jesus nèn sùúy sho jii, «Kú a yen virə́ʼ ví. Mo à wayin shilív e mǒ wùn, sí yée mvə̀ʼə̀m ne.»

Ŋwàʼ Luk 7:50

Jesus nèn kfə̀n màysì, e sùúy e wiíy və̀y jii, «Ku dù rì kijuŋ. À bòy ne fo wò lòn, e lùŋ, bìʼ fo à wayin shilív e mǒ wùn.»

Maak 5:29

Mo wù kùmèn, yàsí və ku nèn tìnén. Wù yú sá e wun wùn ji wun bònén a ne.

Lim Aŋgàa Ntum 14:9

a yuurí kinyo ke Por fiʼtì. Por yén, a wìr və̀y biímé ji dzə̀ Nyùy fèr á wun,

Ŋwàʼ Luk 17:19

Wù nèn sùúy e wìr və̀y jii, «Lò é yuv, a dù du yée. À bònén ne, bìʼ fo à wayin shilív e mǒ wùn.»

Maak 10:52

Jesus suúy shó jii, «Mo à wayin shilív e mǒ wùn, sí yée mvə̀ʼə̀m ne. Kú a dù rì du yée.» Wù ku nèn yèn virə́ʼ, e lò, a dù a dzə̀ e Jesus bàm.

Matio 9:2

Wù meé fó, wír ámóʼó toór wír, a shwín sí ndzə́m ne, e wìy, e yèn wun sho. Jesus yén mo wír vìyi wayin shilív e wun wùn é ŋàŋ, e yòŋ e ndzə́m və̀y jii, «Ŋkar yèm, vishí vé vi bòŋ ne. Á làysìn ne vinyo vé ve bi ví.»

2 Afòn 5:19

Elisha suúy e wun jii, «Kinyo ki yòʼ dzə̀, ghán kijuŋ.» Naaman nèn lò, a dù.

1 Samuel 1:17

Eli nèn yòŋ sho jii, «Á dù vèn à nyaáŋ, é Nyùy wìr veé Isray fó wò kifá ke à kì lóné.»

1 Samuel 20:42

Jonatan nèn sùúy e Davir jii, «Dù kijuŋ. Wòsò gwàr ne kikoŋnìn, e lìʼ e Nyùy Tǎr yir ji wù kù wíy a tiy a vinjen e wòsò nsàn, e dù, e mày, a tiy bèy sa e rám sesò sí nsàn.» Á bèy, Davir nèn lò, a dù, Jonatan wáa kfən e bàm é laʼ.

Ŋgaà Tàrvìnyò 9:7

Kí nén a dzə jii, kú a yi viyíkìr vé vi, a yu vijuŋ vi, a no meluʼ mè, é wúné wáa bòŋ wò, bìʼ fo kin ki dzə̀ kinyo ke Nyùy kù yenen ji dzə̀ à wàa yiì.

Maak 3:10

A vé‑eè fárnin bèy, bìʼ fo wù‑uù sí fer wíri anín, vé yàsíi nèn a ghem wíri, a dù, a kùm wun ji á fíʼ a bonén.

Maak 5:33

Wiíy və̀y nèn a fàn. Mo wù kiiyin ji yàsí və kù bònén ne bèn, wù nèn lò, a yàʼ yàʼàn, e dù, e tsə̀m e Jesus si, e fèr kinyo ke kí kooyin kidzə̀m e naáy naáy.

Lim Aŋgàa Ntum 15:33

Áwune bónén, e dzə̀ʼə̀m fo wùn áwune. Á wìy lòo lò, aŋgàa biimée shàʼtì áwune ji á ghán á kijuŋ, e kfə̀n fo wír ve vé‑eè tumen áwuneé wùn. [

Lim Aŋgàa Ntum 16:36

Wù nèn dù, e sùúy e Por jii, «Vé saʼa tsə̀nsí ne ntum ji m fəə́r á ven. A dzə̀ vèn wàa dù lèn. Vèn du ri kijuŋ.»

Jeem 2:16

wìr fo vèn yén bey, e shàʼtì shàʼtìn jii, Nyùy səəvi wò, áà koóy ndzə̀y wùn à vifá ve yi vi. A wù shàʼtì bèy, e làa yòʼ fo kifá ke ŋgaàŋ kì búŋ kìy, kí sə̀ ŋgaàŋ e gha?

Cù 14:48

«Yii bèy, wáa dzə ji taà cù yiì kfə̀n, e lòo kàʼày, a bó mfə̀m sí yoʼ dzəə kòʼ é lav, e kèʼ mo á yoʼon, bo wù yíi toʼór ji yì dzə̀ á e ránén, là kifàn, bìʼ fo á laàrìn ne yàsí mfə̀m e dzə̀m.