Maak 5:3 - ŊWÀʼ NYÙY

³ Wù‑uù shiiy a dzə̀ é mbvə̀ʼ si fóo fèy, a bó wìr yòʼ‑oò dzə̀ shó wo dzə̀ wù kùr wun, a fə̀m dzə̀ e sháŋ.

Maak 5:3 Referans Kwoze

Aysaya 65:4

Áwune du, dzə́ e virə̀ʼ ve á dzəəmè wíri fó. Á du, á shìíy fó vitsə́ʼ vifur, e kù a taŋrí a dzə̀ aŋkfə. Áwune kfə́r kǔnnyàm, kfə̀n kfə́r nyám se koʼoyín símóʼ sí, nó nshèv.

Ŋwàʼ Luk 8:29

A wù suuy bèy, bìʼ fo Jesus kì wamen nyùy wo wù jívir wun ji wù maʼti á wír və̀y. A nyùy woo shooy‑iì lo, wù ŋàʼáy fo wìr və̀y wùn, á wàa jùm, a koo koón. Vé‑eè sí koó akàŋ anín, kúr aàsháŋé, wáy e kibuʼ, e bó a shìy, a wù tiíne asháŋ, bvə́ʼti vibúʼ, a nyùy və̀y dom, a wù nyéŋ, du duùn é kwaʼ.

Maak 5:2

Wù lòo fəə fo kikoŋ, wùn wìr wùmòʼ tárnín, a wù meé fo mbvə̀ʼ se vé‑eè dzəəmè wíri shó, a dzə̀ wír wo anyùyi jívir vifií və́.

Maak 5:4

Vé‑eè sí wáy e kibuʼ, kúr e sháŋ, a wù tiíne sháŋ, bvə́ʼti kibúʼ, a bó wìr wo dzə̀ wù sə̀r wun yòʼ kfə̀n‑eè dzə̀ shó.