Maak 5:23 - ŊWÀʼ NYÙY

²³ a buʼ wó feyì jii, «Wan wom woo wiíy sí kpú. Kii wò, ku wìy, e neèr wó yée é kitu wo, é wù bónén, e lùŋ.»

Maak 5:23 Referans Kwoze

Ŋwàʼ Luk 13:13

Wù wáa suúy bèy, a neèr wó rə́ é wùn wó, wù ku nèn nànèn, e tìím tìítiy, a sùyrì Nyùy.

Ŋwàʼ Luk 4:40

Shùy yiì lòo nəə́, wír ve vé‑eè kér aŋgàa yàsí aáwuné melaʼa nèn a lì, a wìy, a yen Jesus sho. A wìr fə̀m‑eè joy ka, á kù wìy sho. Jesus wáa neèr wó rə́ aáwuné vitu, á wáa bonén adzə̀m.

Maak 16:18

A wìr fə̀m wìy ghàr yó e kiwó ki, kìn wù nò a dzə̀ ndzəʼ, é la wù yòʼ lèm. Wìr láʼ kiwó e ŋgaà yàsí wùn, é wù bónén.»

Lim Aŋgàa Ntum 28:8

A tàr à Publiyur kì néŋ, joy kinjàʼ wùn à ntoòmbùn. Por yú, e dù, e lèéy, e bùnrì, e neèr wó rə́ é kitu wo, wù bónén.

Ŋwàʼ Luk 4:38

Jesus yiì fəə̀ fó ŋgày bùnrì fèy, e dù e Simon lav, a kinjàʼ ki shúr yeè wiiy Simon feyì. Á ku nèn a lon ji wù sə́ á wun.

Maak 8:23

Jesus ghár kiwó ke mfìr və̀y, wùn wun fəə́sín láʼ. Wù cúrí mentíy e mvə̀m si wo, e neèr wó rə́ shó, e dzə̀r jii, «À yén kirə́ʼ á?»

Maak 7:32

Wù meé fó, wíri wìy e wìr wùmòʼ, a dzə̀ nsəərì, a bó wù yòʼ súŋnin sa kijuŋ. Á wáa lon ji Jesus ku kùm, é wù wàá bónén.

Ŋwàʼ Luk 7:12

Áwune dù, e lòo meʼ shúu kày wo wú‑uù nəə e ntèʼ fóo fèy, e yèn, aá béʼéy dzə́n wìr, a fəə sho ji á du, e dzəə̀mè. Wìr woo shooy‑iì dzə̀ lumèn, a yè wov sì wiíy ŋkfə, a wù kù‑uù dzə̀ə́ a dzə̀ wán və̀n e mòʼón. Á wáa dù bèy, màŋgòŋ woó ntèʼ fóo fèy báʼtí, wùn à yìy à wan və̀y wáa dù.

Maak 6:13

Áwune kfə́n a jùm anyùy anín ve vé‑eè jívir wíri, á wáa màʼtì áwune, a dòn aŋgàa yàsí anín e meŋgvə́r mè, á wáa bonén.

Matio 8:3

Jesus nèn ràmsì kiwó, e kùm sho, e sùúy jii, «M kòŋ ne, bónén ri.» Shìvnsay ku nèn mày fo wìr və̀y wùn, wù bónén.

Nsùyrì Nyùy 107:19

Áwune nèn tòŋ e Nyùy Tàr é mvə̀m ŋgeʼ fèn, wù fəə́r áwune fó mvə̀m nyar foo fèy.

Nsùyrì Nyùy 50:15

Vèn wáa toŋ rì e mò é ghan sé ŋgeʼ, é m wìy fə̀ə́r ven fó fo, é vèn wáa burí mo.

2 Afòn 5:11

Kí nyár Naaman, wù nèn a kfən e bàm, a suúy jii, «M kì kí ji wìr və̀n yíi fəə, wíy tiim fo m dzəə̀n, yoŋ yír Nyùy Tàr woo Nyùy və, shaa e wó rəə́ é virə̀ʼ ve ví yárí, é shìvnsay bónén.

Lim Aŋgàa Ntum 9:17

Ananiar nèn dù, e nə̀ə́ e lav fèy, e neèr wó rə́ e Saul kitu, e yòŋ jii, «Fər wom Saul, tùm Taàtá Jesus mo. A dzə̀ Jesus woo shooy wo wò‑oò yenen é dzəə é ghan se wò‑oò wiy fèn. A wù tùm mo ben ji m mvə̀ʼ sí yé, é Kiyoy ke Ranén kí wiy, e rùn e wò shiliv.»

Lim Aŋgàa Ntum 6:6

Á nèn lì wír vìn, e dù, e dìn aàŋgàa ntum Jesuse. Áwune neèr wó yév aáwuné vitu, e bùnrì fo áwune.

Joon 11:3

Vikìy víyi nèn tsə̀nsí ntum fo Jesus ji ŋkar rə tìm rə̀y joy a feyì.

Maak 5:24

Jesus nèn lò, wùn wun wáa dù. Màŋgòŋ lò e wùn bàm nyanyày, a far wun.

Lim Aŋgàa Ntum 8:17

Pita wùn Joon bùnrì, e nèn neèr wó yév aáwuné vitu, Kiyoy ke Ranén kí wìy fo áwune.

Lim Aŋgàa Ntum 9:12

a wù kì yèn ne wír wo á yoŋ ji Ananiar e njà kinjeenjèm, a wù wíy, e neèr kiwó e wùn kitu ji sí rəə́ mvəʼəm.»