Maak 5:22 - ŊWÀʼ NYÙY

²² Wìr wùmòʼ nèn wìy fo, a yír rəə́ dzə̀ ji Jayur, a dzə̀ taà ŋgày bùnrì yee fó. Wù wìy, e yèn Jesus, e tsə̀m é si wo,

Maak 5:22 Referans Kwoze

Ŋwàʼ Luk 13:14

Taà ŋgày bùnrì rə̀y yén mo Jesus fèrìn wiíy və̀y e kishiíy ké bam, wún vəə́ kìn. Wù nèn a saʼ wíri jii, «Vishiíy ve dzə̀ á wàa yiì lim vi dzə̀ ntuùfú. Vèn wáa wìy, aá wáa fèr ven a dzə̀ é vishiíy fóo fèy. Lá wìr yòʼ dzəə mùm wìy e kishiíy ké bam.»

Lim Aŋgàa Ntum 18:17

Á fəə́ é shùu lav nsaʼ foo fèy, e nèn bàm Sostener wo yì‑iì dzəə̀n taà ŋgày bùnrì wov, a dzə̀v, la Galio yòʼ a ghay gheéy.

Lim Aŋgàa Ntum 18:8

Kiripur woo taà ŋgày bùnrì nèn lò wày shilív e Jesus wùn, wír vee wùn lavi wáy sá adzə̀m. Por ku nèn a fìʼtì kinyo ke Jesus, wír veé Korine wáa yu, a biimé anín, á wáa way áwune é ndzəv.

Lim Aŋgàa Ntum 13:15

Á yòŋ kinyo fo ŋwàʼ Mooser wùn à wó aŋgàa ntum Nyùyi, kí mày, atǎr ŋgày bùnrì rə̀yi nèn tùm wír, wù dù, e dzə̀r aáwune jii, «Afə̀r ver, a vèn kér kinyo kée tir wíri shó, vèn sùúy.»

Ŋwàʼ Luk 5:8

Simon Pita yén kinyo ke kí kooyin, e nèn dù, e tsə̀m e Jesus si, e yòŋ jii, «Kii Tàr, ku lò, e màʼtì mo. M dzə̀ kém ŋgaà vinyò ve bi ví.»

Maak 5:33

Wiíy və̀y nèn a fàn. Mo wù kiiyin ji yàsí və kù bònén ne bèn, wù nèn lò, a yàʼ yàʼàn, e dù, e tsə̀m e Jesus si, e fèr kinyo ke kí kooyin kidzə̀m e naáy naáy.

Ŋgaà Yen 22:8

Mo woo Joon wo m saŋen vinyo vìn nén a suúy jii, ví dzə̀ ben, a mò‑oò lo yèn e sí yémé, e kfə̀n yù e vituʼùr vém ví. Mo kí kooyin bey, m nèn gbù e nshìylav Nyùy ye yì dìnèn mo vinyo vìn si ji m sí fó ghvə́m sho.

Ŋwàʼ Luk 8:28

Mo wù yenen Jesus, e nèn rəə̀mé, e dù, e tsə̀m é si wo, a waamé kitávín jii, «Jesus woo Wan Nyùy woo Taà Vitu, à taʼ ji à yée le e mò? Kii wò, lá à yòʼ fò mo ŋgeʼ.»

Maak 5:38

Á meé e Jayur laʼ, Jesus yén wír anín, aá tóŋnin, bvəər virə́ʼ.

Matio 2:11

Á dù, e mèé fo wù tiimen, e nə̀ə́ e lav, e yèn wán wùn yè wov Maria, e tsə̀m e wǎn si, e bùn. Á bùn, e nèn mvə̀ʼtì vibam vév, e fə̀ə́r vifá ve kimbùnfòn, a ví dzə̀ jii, *kisha ke mbàm ke baar kí wùn à kiláy kee *frankinsen ki, à kee *mer ki.