Maak 4:8 - ŊWÀʼ NYÙY

⁸ Símóʼ see ŋgoòy si nèn tùmkír e nsay ye juŋ, e fəə̀, e kùy, e wàyrí kijuŋ. Á dù fomóʼó, e kàv vifá kilíŋ mtaár, e shaà mo vé‑eè wayin, e kàv fómóʼó kilíŋ mntuùfú, e dù fomóʼó, e kàv kilíŋ wií.»

Maak 4:8 Referans Kwoze

Joon 15:5

Dzə̀ mo kitiír, a vèn dzə̀ kén ji tám si. Wìr wo wù tíy e mǒ wùn, a m tíy vèr ŋgaàŋ, dzə̀ moo tám wo wú koom kijuŋ. A bó yòʼ dzə̀ wìr yiì kinyo ke ru kí gheéy, a bó ŋgaàŋ kù tíy e mǒ wùn.

Kolosia 1:6

Sáʼka və̀n sí ghán lèn virə́ʼ vidzə̀m, du duùn fó mbìy, yii, a wíri yú vijuŋ anín. A kù dzə̀ mo sáʼka woo shooy yii e věn mvəm, e kèʼ fo kishiíy ké mbìy ki ke vé‑eè wìyìn, e fìʼtì e vèn. Vèn‑eè yù mo Nyùy koŋ ven, shám ven, vèn nèn kìíy ji dzə̀ á kinyo ke ru kí.

Maak 4:20

Ŋgoòy ye yì tumkin é nsay ye juŋ nén a dzə wír ve á yú kév kinyo ke Nyùy, á biìmé, a yiì mo kí dzəə̀n. Ámóʼó wàa yiì mensəʼ mtaár, ámóʼó mensəʼ mntuùfú, ámóʼó e dù, e meé mensəʼ wií.»

Kèʼlo 26:12

Aysi‑iì wày vifá e nsay foo fèy e kiya kee shooy, e kàv kirə́ʼ wií, e shaà mo wù‑uù wayin. Nyùy Tàr kú a səə̀vì wun,

Lim Aŋgàa Ntum 17:11

Wír veé Juda vee fóo wáa dzə wír, aá yii kwaʼtì kinyo, e shaà veé Tesalonika. Á nèn a ker shií fó a yuurí kinyo ke Por wùn Silar. Lóo yuurí, á wàa yòŋ Ŋwàʼ Nyùy vishiíy vidzə̀m, a leéy fo fo ji kinyo ke áwune suuy ki sà kù yòʼ dzə̀ réŋ á?

Matio 13:8

Yii bèy, símóʼ see ŋgoòy si túmkír a dzə̀ é nsay ye juŋ. See shooy si kúy, e wàyrí, e fò ŋgoòy. Á dù fomóʼó, e kàv vifá kàŋ wií, e shaà mo vé‑eè wayin, e kàv fómóʼó kàŋ mntuùfú, e dù fomóʼó, e kàv kàŋ mtaár.»

Jeremia 23:29

Bó jí sém sí yòʼ dzə̀ moo və́y, e kfə̀n a dzə moo nshiy ye yì bvə́ʼti kilán e vinsev vinsev à? Suuy mo woo Nyùy Tàr.

Filipi 1:11

A vèn wíy a wàrkìr, bìʼ fo vèn à Jesus Kristu tatin ne, wù wáa yiì, vèn wáa ker liì wo dzəə̀n wo wìr Nyùy, a wù din a dzə̀ vikuʼùy vé wun woo Nyùy, kóʼor yír rə́.

Joon 7:17

A wìr wày ji wun wáa yiì a dzə̀ kinyo ke Nyùy taʼà, ŋgaàŋ nèn wìy kìíy rú ji kinyo ke m yéʼey kìn ki sà lò fo Nyùy, mo kí lò a dzə̀ fo mò á.

Ŋwàʼ Luk 8:15

Ŋgoòy ye yì tumkin é nsay ye juŋ nén a dzə wír ve á yú kinyo ke Nyùy, á ghàr shilív shimòʼón, a yiì mo kí dzəə̀n, a dù duùn fó mbìy.

Ŋwàʼ Luk 8:8

Símóʼ sí túmkír a dzə̀ é nsay ye juŋ, e fəə̀, e kùy, e wàyrí. Á nèn wìy kàv vifá kàŋ wií, e shaà mo vé‑eè màʼàn.» Jesus fèr bèy, e lò, e yìysí jii, «Vituʼùr ví dzə̀ vibaà, kímóʼ kí tén fó yu, kímóʼ kí waà yù.»

Matio 13:23

Ŋgoòy ye yì tumkin é nsay ye juŋ nén a dzə wír wo wù yú kfə́ kinyo ke Nyùy, wù kìíy sár, a yiì mo kí dzəə̀n. Wír vee béyi lo, á nèn a yiì mensəʼ wií, ámóʼó mensəʼ mntuùfú, ámóʼó mensəʼ mtaár.»

Aysaya 58:1

Nyùy Tàr suuy jii: «Vèn fúŋ kitávín, e tiìsí ntum rə̀n. Vèn nan jí si, é sí wáa koo mo á tóŋ a dzə̀ sóŋ. Vèn tóʼ ajay ve wír vémé jáyíi, e sàr vinyo ve bi ve áwune vee rám Jakovi yii vi, aáwune yú.

Maak 4:7

Símóʼ see ŋgoòy si túmkír é mvə̀m vikwìíy. Vikwiíy ví nèn kùy, e shaàsìn, vifá vee shooy vi saásí, e làa yòʼ dzə́ə wayrí.

Maak 4:9

Jesus fèr bèy, e màysì jii, «Vituʼùr ví dzə̀ vibaà, kímóʼ kí tén fó yu, kímóʼ kí yù.»

Efesor 2:21

Ku nèn ghàr wun lav yee shoon e dzə̀m, a ker, yì wáa kuy, a dzə ji lav wun woo Nyùy ye ranén.