Maak 4:7 - ŊWÀʼ NYÙY

⁷ Símóʼ see ŋgoòy si túmkír é mvə̀m vikwìíy. Vikwiíy ví nèn kùy, e shaàsìn, vifá vee shooy vi saásí, e làa yòʼ dzə́ə wayrí.

Maak 4:7 Referans Kwoze

Jeremia 4:3

Nyùy Tàr nén a suúy e wír veé Juda wùn à veé Jerusaleme jii: «Vèn lim kwáʼ sén se sí tíy là lim si. Lá vèn yòʼ wày kiŋgway e kighìn.

Ŋwàʼ Luk 8:14

Ŋgoòy ye yì tumkin é mvə̀m vikwìíy wáa dzə wír ve á yú kinyo ke Nyùy, lóo bìn ndzə̀m, á nèn a yaŋrí a dzə̀ vifá, a tàʼ vikuʼùy, a kòŋ fó a yi a dzə̀ vitú. Kinyo ke Nyùy ki nèn lày kisáŋ aáwuné meliv.

Ŋwàʼ Luk 21:34

«Vèn wáa leéy fo věn vitu, a yen fó a ghan, a yi a dzə̀ vitú, a nonín, a baa, a way vifií a dzə̀ é dzə̀ʼə̀m yee fen fo melív men mè rəə́y, é kishiíy kee shooy ki wìy sàsìn, e koò ven moo kitám.

Ŋwàʼ Luk 12:15

Wù nèn a suúy lèn e wìr dzə̀m jii, «Vèn wáa kìm vitú vén, a yen fó a tàʼ kifàʼ e dzəə sí dzəə sí. Dzəʼə̀m wìri yòʼ dzə̀ vifá ve wù kérí, a wù fə̀m kér bùʼ e le.»

Ŋwàʼ Luk 8:7

Símóʼ see ŋgoòy si túmkír é mvə̀m vikwìíy, e wìy fəə̀, vikwiíy ví kúy, e sə̀tí, vifá vee shooy vi saásí.

Matio 13:22

Ŋgoòy ye yì tumkin é mvə̀m kikwìíy dzə̀ wír wo wù yú kinyo ke Nyùy, wù wàa kwàʼtì a dzə̀ dzəʼə̀m yeé ndzə fèn, a tàʼ vikuʼùy. Kí nen yiì, kinyo ke Nyùy ki búŋ kirə́ʼ e wùn shiliv, e lày kisáŋ.

Matio 13:7

Símóʼ see ŋgoòy si túmkír é mvə̀m vikwìíy. Vikwiíy ví kúy, e shaàsìn, vifá vee shooy vi saásí, e làa yòʼ dzə́ə wayrí.

Matio 13:8

Yii bèy, símóʼ see ŋgoòy si túmkír a dzə̀ é nsay ye juŋ. See shooy si kúy, e wàyrí, e fò ŋgoòy. Á dù fomóʼó, e kàv vifá kàŋ wií, e shaà mo vé‑eè wayin, e kàv fómóʼó kàŋ mntuùfú, e dù fomóʼó, e kàv kàŋ mtaár.»

Maak 4:6

Yii bèy, shùy kèʼ bán, sí nèn yòvrí, e yùm, bìʼ fo gháŋé yòʼ‑oò dzəə̀n.

Maak 4:8

Símóʼ see ŋgoòy si nèn tùmkír e nsay ye juŋ, e fəə̀, e kùy, e wàyrí kijuŋ. Á dù fomóʼó, e kàv vifá kilíŋ mtaár, e shaà mo vé‑eè wayin, e kàv fómóʼó kilíŋ mntuùfú, e dù fomóʼó, e kàv kilíŋ wií.»