Maak 4:6 - ŊWÀʼ NYÙY

⁶ Yii bèy, shùy kèʼ bán, sí nèn yòvrí, e yùm, bìʼ fo gháŋé yòʼ‑oò dzəə̀n.

Maak 4:6 Referans Kwoze

Jeem 1:11

A dzə̀ mo viŋgà ví yii buyì, shùy mbáŋri, báné, ví kù nèn yòvrí, e keèsí, vijuŋ və́ vee shooy vi nèn lày. Kù dzə̀ réŋréŋ mo ŋgaà bùʼ wíy lòo tàʼtìn e wùn kitu ke bùʼ, é wù sasin, e kpù, e màʼtì bùʼ woo shooy.

Ŋgaà Yen 7:16

A bó jìŋ yòʼ dzəə́ wìy a yar áwune, a kilòŋ kí yòʼ dzəə́ wìy a yum áwune. A bó yòʼ dzə̀ sá áwune dzəə wìy a yu shúy, a virə́ʼ ví yòʼ wíy a tònnìn,

Ŋwàʼ Jud 1:12

Wír vìne kù dzə̀ ve vèn áwune yínin kikóŋ ji á koŋnìn bìʼ Jesus, aá shoor kintatì kén shoórín, bìʼ fo á wiy bèy cáʼ ji á wáa no, a yi, a dìy a dzə̀ shuu wóv. Áwune dzə̀ moo wuú ye yí kóʼkir, shwéri jùm, e kfə̀n a dzə moo vicí ve á sòŋèn fó nsay, ví yóvrí, e yùm, bìʼ fo bó yòʼ dzə̀ ví kòóm.

2 Tesalonika 2:10

Wù kfə̀n wíy a yiì kfəə́ se vimboʼtì símóʼ sí sinín, a laàrì sí wíri shó. A wù kù wíy a laàrì a dzə̀ yé wìr ve á sí du, e lày e və̀y, bìʼ fo bó á yòʼ‑oò ló a kòŋ fó biimé kinyo ke dzəə̀n ke ru kí.

Kolosia 2:7

Vèn wáy gháŋ e wun wùn, é yí táv, a yu vinyo vidzə̀m a dzə̀ fó fo. Vèn maysi, e ghàr kinyo kfə́ ke vé‑eè yeʼeyin ven shó ki, a beèrì wun ghán sidzə̀m fo vinyò ve wù rə́si yii e vèn vidzə̀m.

Efesor 3:17

A m kfə̀n lón ji vèn ku màysì, e wày shilív e Jesus Kristu wùn, é wù wáa dzə e věn meliv, é vèn áwune nəə́nín, a kòŋnìn, é vèn wáa tiy kitávín moo kicí ke gháŋé nəən é nsay, kìn moo lav ye á bàʼrìn é kinsə̀ŋ ke tavín kí.

Jona 4:8

Shùy yiì tò, Nyùy tsə́nsí shwér wo wú‑uù wiy fo mbìv ye shùy yii tó fo fo, a wú lum ji báv. Shùy kfə́n a ban sa Jona e ŋàŋ, wún vəə́ lùm, wù wèvrì. Wù wáa siimé kpú, a suúy jii, «Bòŋ ke m kpú, e shaà fó a dzə sho.»

Aysaya 25:4

Nyùy Tàr, à kù‑uù sì kirə́ʼ ké kilìr ke vé kitàne, kirə́ʼ ké kilìr ke aghéʼncey, aáwuné mvə̀m ŋgeʼ. À kiŋsìn áwune moo táv wo wú kiŋsìn wír fo wuú kinsəme, kiŋsin moo kindzə̀ə́ndzəm ke virə́ʼ ví lóo lùm, wìr beè é sar wo. Wír ve á nyárninèe táy wíri, kù moo kinsəm ke kí tsə́y kirə́v ké lav.

Yòv Viŋgér 1:6

Lá à yòʼ a nəə̀nè mo, a leéy mo ntéŋ ji m sə́né. Shùy tòn ne mo, m bínkír, a sən sənén. Lúmér sém sí‑iì wày vibàn e mǒ bàm, e kàn ji m kù kér fó a lìm súm vitiír vé *vayin, a wómé tíyí, a m yòʼ yú fó yiì viŋgòn sho.

Matio 13:6

Yii bèy, shùy lòo ban, vifá vee shooy vi nèn yòvrí, e yùm bìʼ fo gháŋé yòʼ‑oò dzəə̀n e nín.

Maak 4:5

Símóʼ see ŋgoòy si túmkír é woʼ, a nsay dzə̀ fó shishàr. Á lòo kom, sí gòʼ e yuv, e nèn tàv fəə̀.

Maak 4:7

Símóʼ see ŋgoòy si túmkír é mvə̀m vikwìíy. Vikwiíy ví nèn kùy, e shaàsìn, vifá vee shooy vi saásí, e làa yòʼ dzə́ə wayrí.