Maak 4:5 - ŊWÀʼ NYÙY

⁵ Símóʼ see ŋgoòy si túmkír é woʼ, a nsay dzə̀ fó shishàr. Á lòo kom, sí gòʼ e yuv, e nèn tàv fəə̀.

Maak 4:5 Referans Kwoze

Esiker 36:26

M wíy fo ven shilív she fíy shi, e way kiyoy ke fíy ki e věn wùn. M wíy fəə́r shilív shén she shí táv moo tíy, e fo shilív she shí boóri e vèn.

Ŋwàʼ Luk 8:13

Ŋgoòy ye yì tumkin é woʼ dzə̀ wír ve á yú kinyo ke Nyùy, á kù nèn biìmé e kishéʼrì ki, e làa yòʼ way shilív shó. Kinyo ke Nyùy ki nén a dzə fo áwune moo kifá kee là gháŋ. Ŋgeʼ keʼ lóo koóy bìʼ kinyo kee shooy, áwune nèn yèʼtí e bàm.

Ŋwàʼ Luk 8:6

Símóʼ sí túmkír a dzə̀ é woʼ, e fəə̀, e kù nèn yòvrí, bìʼ fo kirə́ʼ kee shooy ki‑iì yumen é ŋàŋ.

Amos 6:12

A dzə̀ nyám se ŋkoʼ si wàa nyeŋ e kitu ke vilan a? A dzə̀ wìr wàa tsəəné nàʼ, wù wàa lìm lim e kitu ke vilan a? Yii bèy, vèn lì ne kinyo kee tìítiy, e bìnèr ji ke shiʼirín kí, e lì yii ye juŋe, e siìr ji ye bií.

Esiker 11:19

M wíy fo shilív she sən shí aáwune, e way kiyoy ke fíy ki aáwuné wùn. M wíy fəə́r shilív shév she shí lùrìn ne, e tàv moo tíy, e fo shilív she boorín shí aáwune.

Matio 13:20

Ŋgoòy ye yì tumkin é woʼ dzə̀ wír wo wù yú kinyo ke Nyùy, wù kù nèn biìmé e kishéʼrì ki, e làa yòʼ way shilív shó.

Hosea 10:12

Vèn yú ke m suuy ki. Vèn ku wày ŋgoòy liì wo juŋ, é vèn yiì kàv koŋ ye m koŋ wíri. Vèn shev nsay ye dzəə̀n shilív shén she tavín shin shi, bìʼ fo lèn siìn ghán se vèn lo, e bìnkìr, e kfən fo Nyùy Tàr. Kfə́né, é wù yii vinyo vee réŋ ví e vèn, e səə̀vì ven.

Maak 4:4

Wù lòo màʼ, símóʼ sí túmkír é dzəə, menə́n mè wìy, e tàyrí see shooy.

Maak 4:6

Yii bèy, shùy kèʼ bán, sí nèn yòvrí, e yùm, bìʼ fo gháŋé yòʼ‑oò dzəə̀n.