Maak 4:26 - ŊWÀʼ NYÙY

²⁶ Jesus kfə́n a fèr kímóʼ kí jii, «Sáʼ Nyùyi dzə̀ moo ŋgoòy kifa ye wìr wayin é sum.

Maak 4:26 Referans Kwoze

Matio 13:24

Jesus kfən yòv ŋgàn yìmòʼ jii, «Sáʼ Nyùyi dzə̀ moo kinyo ke wìr wo wù màʼàn ŋgoòy vifa ve yi e wùn sum.

Ŋwàʼ Luk 8:11

Wù nèn sùúy jii, «Nsàv ŋgàn rə̀n dzə̀ jii, ŋgoòy kifa dzə̀ kinyo ke Nyùy.

Ŋwàʼ Luk 8:5

A yì dzə̀ jii, «Wìr‑iì dù, a màʼ ŋgoòy kifa e sum. Wù lòo màʼ, símóʼ sí túmkír é dzəə, wíri siíy, a koʼrí sho, menə́n mè kfən tàyrí, e yì.

Jeem 3:18

Kù dzə̀ mo vé kimane yii rə́si wáy ŋgoòy ye juŋ ji nyaáŋ, a nèn káv wír anín vijuŋ fo fo.

Joon 12:24

Vèn wáa kiíy rúrú jii, a ŋgoòy kifa dzə̀ là fóo nəə́ e nsay, e kpu, bo kù dzə̀ yì jòʼsì sí e mòʼón. Yì nəə e nsay, kpú, bo kitiír kí wìy sìíy, e fò yìmòʼ yee ŋgoòy e nín.

Aysaya 32:20

Bòŋ ké wìr ve á wáy ŋgoòy se vifa, a dzə̀ é nsay yeé ghaa ndzəv, maʼtì, aàmbòŋ vév wùn à vimbèʼbìy ví ghán kicaárín, yíkirì.

Ŋgaà Tàrvìnyò 11:6

Wáy ŋgoòy se vifa si jeéy jeéy, bìʼ fo bó à yòʼ kiìn ke a dzə̀ kí kùy, a tàm é ghan símóʼ sí, vidzə̀m vi kùy.

Ŋgaà Tàrvìnyò 11:4

A wìr lò, a shìy kfə́ ji ndzə wáa dzə mo taʼ wun, bo bó yòʼ dzə̀ wù wày kifá, a bó yòʼ dzə̀ sá wù kàv.

Ŋgàn 11:18

Wìr lóo yiì yii ye bií, bo wù yòʼ yíi a ker séʼ, lóo yiì yii ye juŋe, bo vilaámé və́ ví kù dzə̀ é kiwo.

Ŋwàʼ Luk 13:18

Jesus lò, e ghay jii, «Sáʼ Nyùyi dzə̀ moó le? Kifá ke dzə̀ m fìʼsìn shó ki dzə̀ ka?

Matio 13:33

Wù kfən yòv yìmòʼ yee ŋgàn sa jii, «Sáʼ Nyùyi kfə̀n dzə̀ moo *nyaà wo wiíy fìʼìn meŋkfəŋ vighín vitaár, e wày nyaà woo shooy sho, e tòv, e tìír. Wù nen sìíy, e ghànén e mvə̀m meŋkfə̀ŋ fèy medzə̀m.»

Matio 13:31

Jesus kfən yòv yìmòʼ yee ŋgàn, a yì dzə̀ jii, «Sáʼ Nyùyi dzə̀ moo ŋgoòy shishùr shímóʼ shí she wìr liìn, e màʼ e sum.

Matio 13:11

Wù bìnèr jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí‑iì dzəə̀n é kilìtì, a bó vísə vee wíri yòʼ kì.

Matio 13:3

Wù wáa yeʼéy áwune vinyo vinín, a yòv a dzə̀ é ŋgàn. A kímóʼ kí dzə̀ jii, «Wìr‑iì dù, a màʼ ŋgoòy vifa e sum.

Matio 4:17

Kèʼ fo ghan se Jesus‑eè kfənen é Galeli sìn, wù nèn kèʼ, a fìʼtì kinyo kfə́, a suúy jii, wíri wáa bìnèr a melív mev, ghán se Nyùy sí lo, a saʼ vifon və́ sí sì á fo mentsə̀m.

Matio 3:2

wíri biner á melív mev. Ghán se Nyùy sí lo, a saʼ vifon və́ sí sì á fo mentsə̀m.

Maak 4:25

Wìr wo wù kér kifá, á yíi dzə̀sì, wìr wo wù buŋen, aá maysi shishàr wo wù kérí, e gèr gérín.»

Maak 4:27

Mo wù wayin, e nèn dù, a yiì vinyo və́, a shaà, a shiíy, ŋgoòy rə̀y ku sòv, e fəə̀, e kèʼ, a kuy, a bó wù yòʼ kì kifá ke kí yii, é bo yì wáa kuy.