Maak 4:15 - ŊWÀʼ NYÙY

¹⁵ Ŋgoòy ye yì tumkin é dzəə dzə̀ wír ve á yú kinyo ke Nyùy, Satan nèn wìy, e fə̀ə́r kinyo kee shooy fo áwuné meliv.

Maak 4:15 Referans Kwoze

1 Pita 5:8

Vèn wáa yen, a tiy, a kiíy, bìʼ fo Satan woo ŋgaà won vibàn woóne, taʼ wír wóo laàr. A wù beéme moo bvərə̀ʼ wo wù lóo nyàmkìr, virə́ʼ ví wàa sə̀ʼ.

Matio 13:19

Ŋgoòy ye yì tumkin é dzəə dzə̀ wír wo wù yú kinyo kee kùm sáʼ Nyùy, e làa yòʼ a kiíy. Satan nèn wìy, e fə̀ə́r kinyo kee shooy fo ŋgaàŋ shiliv.

2 Korin 2:11

fo Satan nəə́ é mvəm wó, e yiì, é vèn rə́sí, a shwiíy kilòŋ mo vèsən kiìn mo wù yii laay e bǎm kinyò, yii.

Ŋwàʼ Luk 8:12

Ŋgoòy ye yì tumkin é dzəə nén a dzə wír ve á yú kinyo ke Nyùy, Satan siiy, wù nèn wìy, e fə̀ə́r kinyo kee shooy fo áwuné meliv fo áwune biímé, e wìy lùŋ.

Maak 4:4

Wù lòo màʼ, símóʼ sí túmkír é dzəə, menə́n mè wìy, e tàyrí see shooy.

Lim Aŋgàa Ntum 5:3

Pita nèn dzə̀r shó jii, «Ananiar, à biìmé, Satan nəə́ e wò shiliv, à wíy, a boʼtí Kiyoy ke Ranén kí ji ka?

Aysaya 53:1

Yii bèy, wìr dzə̀ shó wo wù biimen ntum ye vèr tiísi a? Wìr dzə̀ shó wo wù yenen vitaáví vé Nyùy Tàr é kinyò fèn, e səə̀m a?

Ŋgaà Yen 20:10

Aá nèn koò Satan wo wù‑uù boʼtin áwune, e màʼ e kimbiirìn ke və́yí bo sho, baári moo mekàŋ, é wù nèn a dzə fo wùn à nyàm ye beemén, à ŋgaà ntum və və̀y, ve vé‑eè siìn fó, é wùn áwune wáa fòmnìn fo e shùy wùn à vitsə́ʼ, viyá viyá là may.

Ŋgaà Yen 20:7

Kiyá kee nsə̀kì kìn ki wíy shaà, aá nèn bvə̀r Satan fo sháŋ fey.

Hibru 2:1

Mo Wàn Nyùy shaàn vifá veé yuv vidzə̀m, vèsən ku nèn màysì, e wày vifií é kinyò ke vèsən‑eè yuun fo wun, fó bìn e dzəə ye sən.

2 Tesalonika 2:9

Wìr wo wù wíy tum Fon Vinyò ve Bi ví və̀n dzə̀ Satan, e fo vitaáví shó, é wù wáa shoʼ virom, a dìn visəəm vé vinyò vinín, e fíʼ boʼtí wíri shó.

Matio 22:5

«Á nèn lò, a ŋway ŋwayín. Wìr wáa dù e wùn sum, wùmòʼ wáa jùm wáy və́.

Ŋgaà Yen 12:9

A kintìŋ ke kigàgǎʼsòŋ ke vé‑eè jùmèn kin ki dzə̀ yó ye yì‑iì siìn fó ŋgùʼ, a dzə̀ wun wo wù ghán ndzə e dzə̀m, bóʼti wíri, aá yoŋ yír rə́ ji Satan, a dzə̀ ji Tavmènàŋ. A vé‑eè jùm, e màʼ a dzə̀ é nsay wùn à nshèelav sə́ sí sidzə̀m.

Matio 4:10

Jesus wám jii, «Satan, kóʼtí fo mǒ ghaŋ. Vé‑eè sàŋ é Ŋwàʼ Nyùy jii: « ‹Wìr wáa ghvəm a dzə̀ Nyùy Tàr woo Nyùy və, a yu a dzə̀ fo wun cáʼ.› »

Sekariya 3:1

Nyùy Tàr kfən ghèm ndzə e mò, m yén Joshua woo taà cù wo kuʼùn, a wù tíy e nshìylav Nyùy Tǎr mbìy, a Satan tíy e wun koy yìyí, taʼ ji wun tóy kinyo e wun woo Joshua bàm.

Kèʼlo 19:14

A Lot kì kér rú asə́ və́ ve wù‑uù kàʼàn wón və́ vee vikìy shó. Wù nèn dù, e yòŋ áwune jii, «Vèn lo cér fo kirə̀ʼ fen, bìʼ fo Nyùy Tàr sí lo, e laàr ŋkàlaʼ rə̀n. Á yú bey, a kwàʼ ji wù səə́ri a səə̀rín.»

Hibru 12:16

Vèn kfə́n a yen sa fo wìr wáa ker liì kisaŋ, a jàŋ kinjàŋ, a ghan viŋkar. Lá wìr yòʼ kfə̀n a lì kinyo ke Nyùy fo tèr moo Esav wo wù‑uù fiìnèn kilíŋ ke Nyùy‑iì foon e wun ji wán woo ŋgàywìr bìʼ kimbéʼ ke kiban keé ghan see shó.

Lim Aŋgàa Ntum 17:32

Áwune yú, a Por suuy ji wìr wùmòʼ‑oò fəə̀ ne a fo kpu, á nèn a sheʼ sheʼén. Ámóʼó wáa suúy kév jii, «Vèr koŋ, e kfə̀n wìy yu kinyo ké kìn e ghan símóʼ sí.»

Maak 4:14

Wù nèn a naàrì jii, «Wìr wo wù maʼ ŋgoòy kifa e sum dzə̀ wír wo wù fiʼtì kinyo ke Nyùy.

Maak 4:16

Ŋgoòy ye yì tumkin é woʼ dzə̀ wír ve á yú kinyo ke Nyùy, á kù nèn biìmé e kishéʼrì ki, e làa yòʼ way melív mev shó.