Maak 4:12 - ŊWÀʼ NYÙY

¹² A kí dzə̀ bey ji kí fíʼ a dzə mo vé‑eè saŋen jii: «Áwune kù wíy a leéy leeyín, e làa yòʼ a yen. Áwune kù wíy a yuurí yuurín, e làa yòʼ a yu. Aá yii bèy, fó kfən fo Nyùy, é wù laysin ajay vév.»

Maak 4:12 Referans Kwoze

Aysaya 44:18

Wír ve á fer mebvə̀me yòʼ kér vifií gheéy shishàr bó a dor. Sí yéví sə̀tí ne, a bó á yòʼ dzəə́ yén virə́ʼ, vifií vév ví bvəə́rí, a bó á yòʼ dzəə́ kiiy jeéyjeey kinyò.

Jeremia 5:21

«Vèn yuúrí, ven vee viyúŋ, ven vee vinjìŋ ve wíri. Vèn kér sí, a bó vèn yòʼ yén virə́ʼ. Vèn kér vituʼùr, a bó vèn yòʼ yú vinyo.

Remrí 29:4

Yii bèy, e wìy to lán, bó Nyùy Tàr yoʼ fò ven shilív she dzə̀ vèn kìíy shó, kìn sí ye dzə̀ á yèn shó, kìn vituʼùr ve dzə̀ á yù kinyo sho.

Ŋwàʼ Luk 8:10

Wù suúy aáwune jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí dzəə̀n é kilìr. Yii bèy, a wír ámóʼó yú kév cáʼcáʼ ji ŋgàn. A kí dzə̀ bey ji kí fíʼ a dzə mo kí‑iì dzəə̀n jii, ‹Áwune lóo leéy, é la á yòʼ a yen kinyo ke kí dzəə̀n, lóo yuurí, é la á yòʼ a yu nsàv.› »

2 Timoti 2:25

Wíri lóo kìnèn kinyo kfə́, wù wàa naàrì áwune ji weè, a leéy a dzə̀ ji Nyùy ku shàm wír vee shooy, aá biner vifií vév, e biìmé a kinyo ke dzəə̀n ke ru kí,

Hibru 6:6

Wíri wáa dzə, a vé‑eè nə̀ə́ ne e mvə̀m vinyò fèn vidzə̀m, e kfə̀n nyèŋ, bo bó yòʼ dzə̀ á kfə̀n bìnèr áwune, bìʼ fo á sí nyéŋ bèy, keŋ Jesus kéŋen ji bó yòʼ dzə̀ Wan Nyùy, nèn taʼ ji á kfən yùyrí mo vé‑eè kùmèn é kintam e ghan siy.

Esiker 12:2

«Wàn wìr msòŋ, à dzə́ vèn à wíri, aá táv kitú. Áwune kér sí yé a yen sho, yii bèy, a bó á yòʼ yéné. Á kér vituʼùr vé a yu sho, yii bèy, a bó á yòʼ yú, bìʼ fo á táv kitú e ŋàŋ.

Lim Aŋgàa Ntum 3:19

Vèn biner ri melív men mè, e kfə̀n fo Nyùy, é wù laysin vinyo vén ve bi ví,

Aysaya 43:8

Nyùy suuy jii: «Vèn wiy e wír vémé, aá báʼtí é kibàʼ ke nsaʼ, áwune ve dzəə̀n amfìr, fə̀m mo á kér sí, á dzə̀ ji vindzə̀mer, fə̀m mo á kér vituʼùr.

Jeremia 36:3

Sáŋ ó, e ghanmóʼ, é wír veé ram Judàa yú ŋgeʼ ye m báʼti ji m maʼ aáwuné kitu, é wìr dzə̀m maʼti yii rə́ ye bií, é m laysin ajay vév wùn à vinyo vév ve bi ví.»

Maak 8:18

Vèn kér sí, e làa yòʼ a yen vinyo à? Vèn kér vituʼùr, e làa yòʼ a yu vinyo à? Vèn yòʼ dzəə́ kuúme kinyo ke mò‑oò yiìn a?