Maak 4:11 - ŊWÀʼ NYÙY

¹¹ Jesus bìnèr jii, «Nyùy yiì ne, ven víne kiíy sáʼ rə́ ye yí dzəə̀n é kilìr. A wír ve bó á yòʼ dzəə̀n é mvə̀m saʼ foo fène kù yú kév cáʼ ji ŋgàn.

Maak 4:11 Referans Kwoze

Matio 11:25

Jesus lò e ghan see shooy, e yòŋ Nyùy jii, «Éè Tàr wor, sáʼ wò yúv wùn à nsay. M beerì wò, bìʼ fo wò‑oò lìtìn kinyo ke ru kí fo wír ve á din vifií, e lìtì fo akiíyí, e dìn a dzə̀ áàmbúʼú.

Ŋwàʼ Luk 8:10

Wù suúy aáwune jii, «Dzə̀ ven vin ve Nyùy yiìn ne, vèn kiíy vinyo ve saʼ rə́ ye yí dzəə̀n é kilìr. Yii bèy, a wír ámóʼó yú kév cáʼcáʼ ji ŋgàn. A kí dzə̀ bey ji kí fíʼ a dzə mo kí‑iì dzəə̀n jii, ‹Áwune lóo leéy, é la á yòʼ a yen kinyo ke kí dzəə̀n, lóo yuurí, é la á yòʼ a yu nsàv.› »

1 Joon 5:20

Wàn Nyùy‑iì lo wìy e nsay fèn, e mvə̀ʼ vifií vesən, vèsən wáa kiíy Nyùy woo rú, a vèsən sí dzə́ kintatì vèsən à Nyùy woo rú və̀n, bìʼ fo vèsən à Wan və Jesus Kristu suusin ne. A dzə̀ wun wo dzəə̀n Nyùy woo rú. A dzəʼə̀m yee là mayi dzə̀ a dzə̀ e wùn kiwo.

1 Tesalonika 4:12

Vèn lóo yiì bèy, é wír ve bó á yòʼ kiìn Nyùyi wáa ghvəm ven, é la vèn yòʼ kfə̀n a leéy kifá fo wìr.

Kolosia 4:5

Vèn lóo ghan vèn à wír ve bó yòʼ siìn vé Nyùyi, vèn kù a way vifií, a tàʼ a dzə̀ kintóʼ ke dzə̀ vèn dìn áwune kinyo ke ru kí.

1 Timoti 3:7

Ŋgaàŋ kér fó a dzə wír wo wír vee fó ndzəə wáa binsí sa ji dzə̀ á wír, fo kí koóy ji Satan kóʼór kitám, wù li sho, é wíri wáa ndzəə.

Efesor 1:9

Wù yiì ne lèn, vèsən kiíy kinyo ke wù‑uù yiìn ne sìysì fo ŋgùʼ, e tìír e Kristu wùn kin, a kí‑iì dzə̀ é kilìtì, la wìr yòʼ a kiíy. A wù‑uù ghàn a dzə̀ é dzəə̀ vifiì, e bóo dìn, é vèsən kiíy, bìʼ fo wù kiìn mo vifií vé wìr vi dzəə̀n.

2 Korin 4:6

Yì‑iì mvə̀ʼ Nyùy vifií vér, é bo vèr yén rán, a kiíy Jesus. A kù dzə̀ wun woo Nyùy wo wù‑uù suuyin fó shuù ji ndzə rán, yì nèn ràn. Vèr nén a yen mo vitaáví vé Nyùy vi lim e Kristu wùn, a kiíy mo wun woo Nyùy ghaʼan.

Matio 16:17

Jesus yòŋ jii, «Simon woo wan Jona, vishí vé vi bòŋ feyì. Kú a kiíy jii, yiì Tàr wor wo wù dzəə̀n é yuv, é bo à kiíy kinyo kìn, a bó kí yòʼ lò fo wìr msòŋ.

Matio 13:16

«Yii bey, vèn dzə̀ kén, a vishí vén ví bòŋ feyì, bìʼ fo vèn sí kér sí ye yí yén virə́ʼ, kér vituʼùr ve ví yú vinyo.

1 Korin 4:7

A bó wò woo wír wo à tíy fo mbìy və̀n yòʼ fə̀m dzə̀ jeéy fo wùmòʼ. Vinyo ve à kiìn vidzə̀m vi yòʼ dzə̀ ve foon Nyùy e wò à? A dzə̀ à yèe, e bóo kfə̀n a ràʼsì wún shó, mo bó á yòʼ fò wò foón?

Maak 3:23

Jesus nèn yòŋ wír vee shooy, a yòv lám aáwune jii, «A dzə̀ Satan kfə̀n a jùm kitú kfə́ é le?

Maak 4:2

Wù wáa yeʼéy áwune vinyo vinín, a yòv a dzə̀ é ŋgàn.

Maak 4:10

Wíri lòo taʼrí fo Jesus ghaŋ, ámóʼó gòʼ wùn à wón və́ vee nshòv sibaà e ghvə̀me, e sìíy, e dzə̀r shó ji wù ku naàrì a nsàv ŋgàn ye wù kì màʼàn rə̀y.