Maak 4:10 - ŊWÀʼ NYÙY

¹⁰ Wíri lòo taʼrí fo Jesus ghaŋ, ámóʼó gòʼ wùn à wón və́ vee nshòv sibaà e ghvə̀me, e sìíy, e dzə̀r shó ji wù ku naàrì a nsàv ŋgàn ye wù kì màʼàn rə̀y.

Maak 4:10 Referans Kwoze

Maak 4:34

A bó yòʼ‑oò dzə̀ wù sùúy kinyo aáwune, a bó wù yóv a dzə̀ é ŋgàn. Wù yíi lóo dzə wùn à wón və́ lìme, wù nèn a màysì, a sanrí nsàv ŋgàn see shooy sidzə̀m.

Maak 7:17

Jesus yiì lò, e màʼtì wíri, e nə̀ə́ e lav, wón və́ lìme nèn a dzətí nsàv ŋgàn ye wù kì màʼàn rə̀y sho.

Matio 13:36

Jesus yiì lò, e màʼtì màŋgòŋ və̀y, e nə̀ə́ e lav, wón və́ lìme wìy, a dzər sho jii, «Ku naàrì ŋgàn yee kùm kikwiíy ke kí kúy e súm vifa ve yi, é vèr yú.»

Ŋgàn 13:20

Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Matio 13:3

Wù wáa yeʼéy áwune vinyo vinín, a yòv a dzə̀ é ŋgàn. A kímóʼ kí dzə̀ jii, «Wìr‑iì dù, a màʼ ŋgoòy vifa e sum.

Maak 4:9

Jesus fèr bèy, e màysì jii, «Vituʼùr ví dzə̀ vibaà, kímóʼ kí tén fó yu, kímóʼ kí yù.»

Maak 4:11

Jesus bìnèr jii, «Nyùy yiì ne, ven víne kiíy sáʼ rə́ ye yí dzəə̀n é kilìr. A wír ve bó á yòʼ dzəə̀n é mvə̀m saʼ foo fène kù yú kév cáʼ ji ŋgàn.