Maak 3:9 - ŊWÀʼ NYÙY

⁹ Wíri kùʼ e ŋàŋ, Jesus suúy e wón və́ lìme ji á taʼ kikóŋ, é wun nəə́ shó, fo wíri wáa far a wun.

Maak 3:9 Referans Kwoze

Joon 6:15

Jesus kiíy ji wír vìne sí lo, e bam wun ji á kóʼór á ji fon, wù nèn nyèŋ, e kfə̀n kòʼ kóʼón é mbìv agwan wùn mòʼón.

Maak 5:30

Jesus yú fo wun wùn ji vitaáví və́ ví yiì ne a lim, wù bìnkìr, e dzə̀r e wíri jii, «Kùm la ndzə̀y sém?»

Matio 15:39

Jesus nèn màʼtì màŋgòŋ və̀y, wù wáa dù, wù nəə́ é kikoŋ, a dù e mbìv wòŋ yeé Magadan.

Maak 4:1

Jesus kfən wìy kèʼ, a yeʼéy wíri é ghaa kibaŋ keé Galeli. Màŋgòŋ wìy, e bànén e wùn ghaŋ nyanyày. Wù nèn nə̀ə́, e dzə̀ʼə̀m a dzə̀ é kikoŋ e ndzəv, wíri wáa tiy kév é ghaa ndzəv.

Maak 4:36

Áwune nèn màʼtì màŋgòŋ wo wù‑uù dzəə̀n fó, e nə̀ə́ e kikoŋ ke Jesus kì dzə́ sho súŋnin e wíri kiy, a dù. Vikóŋ vímóʼ ví wáa jùmrì fo bàm.

Maak 5:2

Wù lòo fəə fo kikoŋ, wùn wìr wùmòʼ tárnín, a wù meé fo mbvə̀ʼ se vé‑eè dzəəmè wíri shó, a dzə̀ wír wo anyùyi jívir vifií və́.

Maak 6:32

Wùn áwune nèn bàr wún, e nə̀ə́ e kikoŋ, a dù e kirə̀ʼ ke kí dzəə̀n ji nyaáŋ.

Ŋwàʼ Luk 5:1

Wìy lòo dzə e kishiíy kímóʼ kí, Jesus wáa tiy e ghaa kibaŋ ke á yoŋ ji Genesarer. Wíri wìy, e kaàrí e wùn ghaŋ, a farnín, a yuurí kinyo ke Nyùy.

Ŋwàʼ Luk 5:3

Wù nèn dù, e nə̀ə́ e kímóʼ kí, a dzə̀ ké Simon, e sùúy sho ji wù tsəʼ, é kí kóʼtí á fo ghaa kwaʼ shishàr. Wù tsə̀ʼ, Jesus nèn a dzə sho, wíri wáa dzə fo kwaʼ, wù wáa yeʼéy áwune.