Maak 3:8 - ŊWÀʼ NYÙY

⁸ Ámóʼó kfən wìy sa fo Jerusalem wùn à ntèʼ seé wòŋ woo Juda símóʼ sí sidzə̀m. Ámóʼó wìy fo mbìv wòŋ yee Idumia, ámóʼó fó ndzə̀n ndzə̀v yee Jordan, ámóʼó fó ghaa Taya wùn Sidon. A màŋgòŋ və̀n‑eè wiy bèy, bìʼ fo vé‑eè sí yú vinyo ve Jesus yii vidzə̀m, e nèn a tàʼ ji á yén á wír woo shó.

Maak 3:8 Referans Kwoze

Esiker 35:15

Mo vèn‑eè shéʼri ji woŋ Israyi sì vifə̀m, bo m yíi siìr ŋkfə́tír e věn kitu. Woŋ wóné wíy kfən e vifə̀m, Gwan Seir, a dzə̀ ji woŋ Edom e dzə̀m. Á bèy, é wíri nèn kìíy ji m dzə̀ á Nyùy Tàr.› »

Matio 11:21

Wù nèn yòŋ jii, «Éè wìr veé Korasin, éè wìr veé Besayda, ŋgeʼ dzə̀ yéen. A mò‑oò yii viŋgaʼnìn ve vinyò ve mò‑oò rə́si yii e věn ntèʼ vin, a dzə̀ é ntèʼ see Taya wùn Sidon, bo vé‑eè yiì ne bìnèr melív mev fó ŋgùʼ, e màʼ ndzə̀y sé kpu, a ser e kibvə̀r.

Esiker 36:5

Ke mo woo Nyùy Tàr woo Taà Ndzə suuy ki dzə̀ jii, ‹Rúrú, m sùŋnín ne, e kàntì vitúm ve ví‑iì nəən ven, e sùŋnín e Edom e dzə̀m, a kòʼ dòʼshwíiy wom é ŋàŋ. Wù kòʼ bey, bìʼ fo áwune‑eè kaarin, e faàsì nsay yem, a sheʼ, a kèŋ ji áwune kòóy ne a nsàʼmboʼ wov, a sì á kwáʼ wóv nyàm.›

Aysaya 34:5

Nyùy Tàr suuy jii: «Nyùy yem rə̀r lìm ne lim rə́, e màysì, lim ye dzəə̀n nsaʼ vifa ve ví bán e yuv ye wù tínenè. Vèn leéy, e yèn, yì lo lèn, e lovtí e wír veé Edome, wír ve m wayin ne ji m kù kér fó laàr.»

Maak 7:24

Jesus màʼtì kirə́ʼ kee shooy, a dù e mbìv mvə̀m sé laʼ see Taya wùn Sidon. Wù dù, e nə̀ə́ e lav yìmòʼ, e làa yòʼ a tàʼ ji wíri kiíy á ji wun dzə̀ fó, wíri ku kìíy.

Nsùyrì Nyùy 87:4

Nyùy suuy jii, «M wíy lòo taŋ vitúm ve ví yúnin mo, é m yoŋ Ejiv wùn à Babilon fo, e lì sa Filistia wùn à Taya, à Etiopia. Áwune adzə̀me kù wíy a gòʼ jii, ‹Vé‑eè dzə̀ə́ ver é Jerusalem.› »

Nsùyrì Nyùy 45:12

Wír veé Tayàa yíi fo wò afómo, áàŋgàa mbàme wáa rəsí wò, a fo njùnkìtu.

Maak 7:31

Jesus lò fo ghaa Taya foo fèy ji wun kfə́n e ghaa kibaŋ keé Galeli, a shaà dzə́ə a dzə̀ fó Sidon, a kfən e mbìv kibàŋ ye á yoŋ ji Ntèʼghvə̀m.

Joshua 15:1

Nsay ye yì‑iì fəən ji ye rám Juda mo kfə́ə sév sí dzə̀kìn rə̀ne. Yì‑iì neèm, e dù duùn é tsən, e dù, e bàʼ e bìíy Edom, e dù bèy mèé e woʼ yeé Tsin fo tsəə́tsən.

Joshua 15:21

Ŋkà se laʼ se wìr veé Juda seé mbìv ròŋ se sí‑iì kiʼ bìíy Edom si‑iì dzə̀ jii, Kabseel, Eder, Jagur,

Matio 4:25

Wù lóo dù e kirə̀ʼ ke wù du sho, màŋgòŋ wàa nyòrnìn fo bàm, aá wiykìr virə́ʼ vidzə̀m. Ámóʼó fó mbìv wòŋ yee Galeli, ámóʼó fó mbìv ye á yoŋ ji Ntèʼghvə̀m, ámóʼó fó Jerusalem wùn à fó ntèʼ seé Juda símóʼ sí, aámóʼó wiy fo ndzə̀n ndzə̀v yee Jordan.

Ŋwàʼ Luk 6:17

Mo wù shoʼtin bey, wùn áwune nèn a səy. Á sə́y, e tìím e shimboʼ shímóʼ shí, aàŋgàa ŋgoo Jesus ámóʼó kì bàʼtí fó anín wùn à màŋgòŋ nyanyày, a vé‑eè wìykìr fó Jerusalem wùn à fó ntèʼ seé Juda foo fèy sidzə̀m, e kfə̀n wìy fo wòŋ woo Taya wùn Sidon wo wú dzəə̀n é ghaa rìbà ndzə̀v. Vé‑eè wiy ji á wáa yu yéʼéy Jesus, é wù kfə́n a fèr ayàsí vév.