Maak 3:7 - ŊWÀʼ NYÙY

⁷ Jesus wùn à wón və́ lìme nèn lò, a dù e ghaa kibaŋ keé Galeli, wíri lò fo Galeli foo fèy aneénín e wùn bàm.

Maak 3:7 Referans Kwoze

Ŋwàʼ Luk 6:17

Mo wù shoʼtin bey, wùn áwune nèn a səy. Á sə́y, e tìím e shimboʼ shímóʼ shí, aàŋgàa ŋgoo Jesus ámóʼó kì bàʼtí fó anín wùn à màŋgòŋ nyanyày, a vé‑eè wìykìr fó Jerusalem wùn à fó ntèʼ seé Juda foo fèy sidzə̀m, e kfə̀n wìy fo wòŋ woo Taya wùn Sidon wo wú dzəə̀n é ghaa rìbà ndzə̀v. Vé‑eè wiy ji á wáa yu yéʼéy Jesus, é wù kfə́n a fèr ayàsí vév.

Matio 4:25

Wù lóo dù e kirə̀ʼ ke wù du sho, màŋgòŋ wàa nyòrnìn fo bàm, aá wiykìr virə́ʼ vidzə̀m. Ámóʼó fó mbìv wòŋ yee Galeli, ámóʼó fó mbìv ye á yoŋ ji Ntèʼghvə̀m, ámóʼó fó Jerusalem wùn à fó ntèʼ seé Juda símóʼ sí, aámóʼó wiy fo ndzə̀n ndzə̀v yee Jordan.

Matio 12:15

Á lòo taŋ, Jesus nèn kìíy, e lò fo ntèʼ fóo fèy. Wù lòo dù, wíri lò fo bàm anín, aámóʼó joykìrì, wù wáa fèr vee shooy adzə̀m,

Ŋwàʼ Luk 23:5

Áwune ku nèn a tavtí tavtín jii, «Wù‑uù ghán, yéʼey wíri woŋ woo Juda e dzə̀m, bívir vifií vév, aá taʼ melaà. Wù‑uù kèʼ ghán fo mbìv wòŋ yee Galeli, a wù nə̀ə́ ne lèn e ŋkàlaʼ fèn.»

Ŋwàʼ Luk 6:12

Kú a dzə e vishiíy fóo fèy, Jesus kóʼ é gwan wùmòʼ ji wun bunrì Nyùy, e sìíy, e bùnrì fo vitsə́ʼ vifur.

Maak 1:39

Wù nèn a ghan woŋ Galeli woo shooy e dzə̀m, a fìʼtì kinyo ke Nyùy e ŋgày se bùnrì, e kfə̀n a kàntì anyùy ve vé‑eè jívir wíri, á wáa màʼtì áwune.

Matio 10:23

Kí nén a dzə jii, vèn nəə e ntèʼ, á lóo nyàvrì e vèn, vèn lèʼ, e dù e ntèʼ ye sən. A m suuy kinyo ke ru kí e vèn jii, vèn yòʼ wíy ghan ntèʼ seé Isray, é sí may, a bó ŋgaà wo yírí dzəə̀n *Wanwìr kfə́n é bàm.

Joshua 21:32

Fo nsay rám Navtali, á shóʼtí ŋkà se laʼ sitaár, sidzə̀m wùn à kwáʼ sév sé nyàm si. A sí dzə̀ jii, Kedesh woo ŋkàlaʼ kilìr e Galeli, à Hammot‑Dor, à Kartan.

Joshua 20:7

Wír veé Israyi nèn shòʼ Kedesh wo wù dzəə̀n é Galeli, e mbìv agwan veé nsay Navtali, e kfə̀n shòʼ Shekem woó mbìv agwan veé nsay Efrayim, à Kiriat‑Arba woó mbìv agwan veé nsay Juda, aá yoŋ sa ji Hebron.

Lim Aŋgàa Ntum 17:14

Aŋgàa biimée ku nèn tsə̀nsí Por, wù wáa dù dzə́ə fó shùu rìbà ndzə̀v. Silar wùn Timoti siíy, e gòʼ kév é Beria.

Lim Aŋgàa Ntum 17:10

Ndzə yiì sə̀n, aŋgàa biimée lì Por wùn Silar, e tsə̀nsí, á wáa dù e ntèʼ yee Beria. Á dù, e mèé fo, e kfə̀n dù e wír veé Judàá ŋgày bùnrì.

Joon 7:52

Á nèn dzə̀r shó jii, «À dzə̀ sá e ŋgoo wìr woó Galeli fèy à? Ku tàr Ŋwàʼ Nyùyi kijuŋ, áà yén ji bó yòʼ dzə̀ *ŋgaà ntum Nyùy wùmòʼ wìy fəə̀ fó Galeli foo fèn.» [

Joon 7:41

Aámóʼó suuy jii, sì á *Mfə̀ə́r wo Nyùy‑iì kàʼàn və̀y. Ámóʼó nèn a kìnèn kìnmèn jii, Mfə̀ə́r sà‑aà wíy lòo wìy, é wù fəə́ a dzə̀ fó Galeli a?

Matio 12:16

a kàntì jii, á wáa yen a fó yiì, é wìr kiíy.

Maak 1:45

Wìr və̀y nèn dù kfə́, a fèr kinyo kee shooy e wáynjáŋ, kí sàmèr virə́ʼ vidzə̀m. Wíri nèn a wìy, a far Jesus ŋkóŋkóŋ, la wù yòʼ dzə́ə a nəə́ e ntèʼ yìmòʼ é nsaànsaá gheéy. Wù nèn a dzə a dzə̀ é ghaŋ se kwaʼ, wíri wáa wìy virə́ʼ vidzə̀m, a yen wun fo.

Maak 3:20

Jesus dù fo laʼ, wíri kfən bàʼtí fo aneénín, la wùn à wón və́ lìme yòʼ a ker ghán se dzə̀ á yìkír gheéy.

Maak 4:1

Jesus kfən wìy kèʼ, a yeʼéy wíri é ghaa kibaŋ keé Galeli. Màŋgòŋ wìy, e bànén e wùn ghaŋ nyanyày. Wù nèn nə̀ə́, e dzə̀ʼə̀m a dzə̀ é kikoŋ e ndzəv, wíri wáa tiy kév é ghaa ndzəv.