Maak 3:5 - ŊWÀʼ NYÙY

⁵ Kinyo kee shooy ki bír Jesus, wù wáa yu nyár bìʼ shilív shév she bi shí. Wù leéy áwune sí sí, e nèn lò, e sùúy e wìr və̀y jii, «Nàsì kóy wóo.» Wù nàsì, kiwó kfə́ kí kfə́n fó.

Maak 3:5 Referans Kwoze

Ŋwàʼ Luk 6:10

Wù leéy áwune sí sí, e bóo lò, e suúy e wìr və̀y jii, «Nàsì kóy wóo.» Wù nèn nàsì, a kiwó ki kfə́n ne fo.

Efesor 4:18

Vifíi vév ví dzə̀ visə́nér. Mo á tenen fó a yuurí kinyo ke Nyùy, e nèn mèŋ wun, e ràn dzəʼə̀m ye yí lo fo wun.

1 Afòn 13:6

Fòn nèn sùúy e ŋgaà ntum Nyùy jii, «Ku lòn Nyùy Tàr woo Nyùy wò, e fò e mò, é wù fíʼ yiì, é kóy wómé bónén.» Ŋgaà ntum Nyùy nèn kù lòn Nyùy Tàr, wù yiì, kóy fòne bónén, a dzə mo wú kì dzəə̀n fó mbìy.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

Matio 12:13

Wù nèn sùúy e wìr və̀y jii, «Nàsì kóy wóo.» Wù nàsì, kiwó kfə́ kí kfə́n fó, e tàv, a dzə réŋréŋ moo ke tin ki.

Ŋgaà Yen 6:16

a fuŋ agwan wùn à vilán vi jii, «Vèn ku keèsì e věr vitu, e kìŋ ver fo ŋgaà wo wù dzə́ e kàvàʼ yén ver, é vèr fíʼ bòy fo ŋgeʼ ye Wàn Njiì sí sə́ti nsay sho rə̀n.

Hibru 5:9

Wù màysì, e nèn ghèén e wìr wo dzə̀ wù lùŋèr wír ve á yú kinyo kfə́, a wù kù wíy a lùŋèr bèy ghán sidzə̀m, e dù, e mày,

Hibru 3:17

A wír ve á yoŋ ji Nyùy‑iì shwìíy kilòŋ fó fo kiyá mkweè vìne dzə̀ ala? Kù dzə̀ áwune vee shooy ve vé‑eè rə́si yii vinyo ve bi ví, Nyùy yúyrí áwune, e màʼrì dzə́n sí é kwaʼ.

Efesor 4:30

Lá vèn yòʼ a yiì kinyo ke Kiyoy ke Ranén kí wáa yu ntéŋ, a sòv kitú. Vèn wáa kuumé ji Kiyoy ke Ranén kin ki dzə̀ kisəə́y ke Nyùy‑iì foon e vèn ji kishiíy kí wíy gheén, é wù luŋèr ven ŋkuuŋkùŋ.

Efesor 4:26

Kilòŋ kí shwiiy wír, wù wàa yen fo kinyo ke bi kí nəə́ shó. Lá wù yòʼ màʼtì, é ndzə jí shó, a bó wù máyír,

2 Korin 3:14

A vé‑eè leey rán Nyùy bèy, e làa yòʼ fə̀m a kiíy mo Nyùy dzəə̀n, bìʼ fo kifá ki‑iì sùmèn vifií vév. A kù dzə̀ mo áwune dzəə̀n, e shem lèn. Á lóo yòŋ kinyo fo Ŋwàʼ Nyùy woó mensàŋ me mvə mè, kifá kìy ki kù a sùm sí yév. Kù mày ji wìr tátí wùn Kristu, é bo sí rəə́ mvəʼəm.

Joon 9:7

e sùúy sho jii, «Dù é kisə̀m ke á yoŋ ji Siloam, e sù sí yée fó.» A nsàv yìr yee Siloam rə̀n dzə̀ ji Lontum. Wù dù, e sù, a kfən e mvə̀mlaʼ, a wù sí yén virə́ʼ.

Ŋwàʼ Luk 17:14

Jesus yén áwune, e jàŋ jii, «Vèn du, e yèn taà cù, é wù leéy ven.» Áwune ku nèn a dù, e lòo dù e dzəə, e nèn bònén.

Ŋwàʼ Luk 13:15

Taàtá Jesus suúy shó jii, «Vèn dzə̀ abìnbìnteʼnsə́m. Yii lóo dzə e kishiíy ké bam, la wìr fo vèn yòʼ shòʼ nàʼ və, kìn kimbèʼbìy kfə́, e dù nòór à?

Nsùyrì Nyùy 95:10

Mò‑oò yù nyár vèr à ŋgwàʼ rə̀n kiyá mkweè, e sùúy jii, ‹Melív mev mè yòʼ tíy e mǒ wùn gheéy, aáwune tén fó a yu kinyo kém.›

Nehemia 13:8

Kí nyár mo é ŋàŋ, m yòŋ, á fəə́r kifá ke Tobia kidzə̀m ke kí‑iì dzəə̀n é lav foo fèy.

Atǎr Nsaʼ 10:16

Wír veé Israyi nèn tsə̀ʼ mebvə̀m mee anyùy kisaŋe fo áwuné ghaŋ, a sùyrì a dzə̀ Nyùy Tàr. La Nyùy Tàr yòʼ dzəə yù fóo kur tím, a yen mo wír veé Israyi yén ŋgeʼ e ŋàŋ.

Kèʼlo 6:6

shilív sə́ shí seèm, wù wáa rə̀m ntéŋ ji wun sà‑aà bòm wír, e lèm e kitu ke nsay ji kaá.

Hibru 3:10

M nèn shwìíy kilòŋ fo wír vee shooyi, e sùúy jii, melív mev mè yòʼ tíy e mǒ wùn gheéy, aáwune tén fó a yu kinyo kém.

Maak 3:4

Wù kóʼtí, Jesus dzə́r e wíri jii, «Kinyo ke nsər biíme ji wìr yii é kishiíy ké bam ki dzə̀ kiné kí? Ji wù yii kinyo ke juŋ ki moo ke bi kí á? Ji wù luŋer wír, mo wù yúyrí yuyrín á?» Áwune nèn gòʼ kisə́sə.

1 Samuel 20:34

Jonatan ŋáʼáy fó kitu ke vifa ve yi, e kilòŋ ke shwiiyín kí, e làa yòʼ dzə́ə yikír e kishiíy fóo fèy, kishiíy ke yì‑iì dzəə̀n ji vishiíy vibaà fó ŋwee. A wù yú nyár bìʼ fo kinyo ke tàr wov‑iì yii e Davir ki‑iì shoor wun woo Jonatan.