Maak 3:4 - ŊWÀʼ NYÙY

⁴ Wù kóʼtí, Jesus dzə́r e wíri jii, «Kinyo ke nsər biíme ji wìr yii é kishiíy ké bam ki dzə̀ kiné kí? Ji wù yii kinyo ke juŋ ki moo ke bi kí á? Ji wù luŋer wír, mo wù yúyrí yuyrín á?» Áwune nèn gòʼ kisə́sə.

Maak 3:4 Referans Kwoze

Ŋwàʼ Luk 6:9

Jesus suúy e wír vìyi jii, «M dzə́r a dzə̀ e vèn, kinyo ke nsər biimen ji dzə̀ wìr yiì é kishiíy ké bam ki dzə̀ kiné kí? Ji wù yii kinyo ke juŋ ki e wìr moo ke bi kí á? Ji wù luŋer wír mo wù yúyrí yuyrín á?»

Maak 9:34

Á nèn gòʼ kisə́sə, bìʼ fo vé‑eè kfəynìn ji sà dzə̀ la wír wo kuʼùn aáwuné mvəm á?

Hosea 6:6

Ke m kér shií shó ki dzə̀ jii, wíri wáa kòŋ mo woo Nyùy rú, e shaà fó a rəsí, a seerí a dzə̀ nyám si, a cù mo shó. Shií wom féyì feyì dzə̀ ji wíri kiíy mo, e shaà fó a rəsí, a yiì a dzə̀ cu ye tonèné.

Maak 3:3

Jesus nèn sùúy e wìr wo kiwó ki‑iì kpuun və̀y jii, «Lò é yuv, e kòʼtí fo mbìy.»

Maak 3:5

Kinyo kee shooy ki bír Jesus, wù wáa yu nyár bìʼ shilív shév she bi shí. Wù leéy áwune sí sí, e nèn lò, e sùúy e wìr və̀y jii, «Nàsì kóy wóo.» Wù nàsì, kiwó kfə́ kí kfə́n fó.