Maak 3:3 - ŊWÀʼ NYÙY

³ Jesus nèn sùúy e wìr wo kiwó ki‑iì kpuun və̀y jii, «Lò é yuv, e kòʼtí fo mbìy.»

Maak 3:3 Referans Kwoze

1 Pita 4:1

Vèsən kì ji Jesus‑eè lì wún wìr, e biìmé ŋgeʼ, a sòrkìr. Vèn ku nèn bàʼtí wún wón sá ji dzə̀ vèn wàa sòrkìr bèy, a kiíy ji wìr biíme ŋgeʼ, lóo kom aghàghir, bo bó yòʼ dzə̀ vifií və́ ví kfə̀n a tiy e vinyò ve bi ví.

Filipi 1:14

A sháŋ wo m lim və̀n kfə̀n yiì ne sa, afə́r vesəné máysí, e wày gháŋ e Tàr wòsən Jesus wùn anín, a fìʼtì kinyo kfə́ lèn feyì, là fan.

Galatia 6:9

Lá vèsən yòʼ a dor fó a yiì vinyo ve ru ví, bìʼ fo, a vèsən yii bèy, e làa yòʼ a weèy, bo ghán sí wíy gheén, é vèsən wáa ker dzəʼə̀m yee là may rə̀n.

1 Korin 15:58

Á bèy lèn, ŋkar sém sé sày, vèn wáy ri shilív, a tiy kitávín, a yu kinyo kimòʼón cáʼ ji kinyo ke Tàr wòsən Jesus Kristu, a kiíy ji kinyo kidzə̀m ke wìr yii bìʼ wun woo Kristu ki yòʼ dzə̀ á kí lày kisáŋ.

Joon 9:4

Kí nén a dzə jii, vèsən kér fó a yiì lim ye Tàr wor wo wù‑uù tumen mo foon ji á wáa yiì, a ghán sí dzə̀ə́ sho. Ghán sí yíi mày moo ndzə ye yì loòn, e sàsìn, e sə̀n, é la wìr yòʼ dzəə yiì kinyo.

Ŋwàʼ Luk 6:8

Jesus ku nèn kìíy kinyo ke vé‑eè kwaʼtì, e yòŋ wír wo kiwó ki‑iì kpuun və̀y jii, «Lò é yuv, e wìy, e tìím fo mbìy.» Wù nèn lò, e dù, e tìím fo.

Daniel 6:10

Daniel yú ji fòn dòn a ne nsər yee shooy, e nèn kfə̀n e wun lav, e kòʼ, e nə̀ə́ e wun mvə̀m lav ye yì‑iì dzəə̀n é ŋkèʼ lav yee fó yuv, aàwundùu tíynin fo arə́, kiʼ Jerusalem. Wù nèn tsə̀m fó nsay, a bùnrì, a beèrì Nyùy və, kù mo wù yii yii akàŋ ataár ataár e kishiíy.

Aysaya 42:4

Wù yòʼ wíy a weèy, a màʼ wún, kù bey, e meé mo wù wíy tuúy sáʼ yee réŋ é kitu ke nsay, a vitúm veé ndzəywoŋ vi kù sí shiy ji á yú yéʼéy a dzə̀ rə́.»

Matio 12:10

Wìr wùmòʼ wáa dzə fo, a kiwó ki kpú ne. Wír veé mbìv *Farasii lòo tàʼ lor wóo lor Jesus sho, e nèn dzə̀r shó jii, «A wìr fèr wír e kishiíy ké bam, bo wù shòʼór nsər moo ŋgáŋ á?»

Maak 3:2

Wír ámóʼó nèn a shweʼ ji á koóy á lor wóo lor Jesus sho, a leéy ji a wù lòo dzə, e fèr wír woo shooy e kishiíy ké bam, bo áwune kòóy ne a kinyo.

Maak 3:4

Wù kóʼtí, Jesus dzə́r e wíri jii, «Kinyo ke nsər biíme ji wìr yii é kishiíy ké bam ki dzə̀ kiné kí? Ji wù yii kinyo ke juŋ ki moo ke bi kí á? Ji wù luŋer wír, mo wù yúyrí yuyrín á?» Áwune nèn gòʼ kisə́sə.