Maak 3:22 - ŊWÀʼ NYÙY

²² A wír ve vé‑eè duŋrì nsər se Nyùy ámóʼó kì wìy fó Jerusalem, aá suuy ji nyùy wo á yoŋ ji *Beseber wo dzəə̀n fon anyùy dzə̀ á e Jesus wùn. Wù sə́ vitaáví a dzə̀ á fo fo, e bó a kàntì *anyùy, aá wáa màʼtì wíri.

Maak 3:22 Referans Kwoze

Matio 15:1

Wír veé mbìv *Farasi wùn à ve vé‑eè duŋrì nsər Nyùy ámóʼó nèn dù wìy fo Jerusalem, e dzə̀r e Jesus jii,

Matio 10:25

Wàn lìm yii li kinyo a dzə̀ ké tàr wov, wánlè wìr ké ŋgaà lav. Mo á sí yoŋ mo wo m kér ven ji Satan, bo kén ke dzəə̀n wón vém kí wíy màysì, e fòy fòyìn.

Matio 12:24

Wír veé mbìv *Farasi ámóʼó yú mo wíri gháynin bèy, e nèn a toyír ji fó a *Beseber wo dzəə̀n fon anyùy vitaáví e Jesus, bo wù wáa kàntì anyùy, aá wáa màʼtì wíri.

Matio 9:34

Yii bèy, a wír veé mbìv *Farasii suuy kév jii, fó a fon anyùy vitaáví e Jesus, bo wù wáa kàntì *anyùy, aá wáa màʼtì wíri.

Joon 7:20

Wíri bìnèr jii, «À dzə̀ ben, a nyùy wùmòʼ jívir vifií vé. Wìr wo wù taʼ ji wun yúyrí wò dzə̀ la?»

Joon 8:52

Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

Joon 8:48

Wír vìyi nèn lò, a kuùrì kuùrìn jii, «Vèr ku lò sùúy rú ji à dzə̀ á rim woó *Samaria, *nyùy wùmòʼ jívir wò.»

Ŋwàʼ Luk 11:15

Ámóʼó nèn a suúy kév jii, «Wù jum anyùy bèn, a fó *Beseber wo dzəə̀n fon anyùy vitaáví shó, bo wù wáa jùm.»

Maak 7:1

Wìy lòo dzə e kishiíy kímóʼ kí, wír ámóʼó wìy, e bànén e Jesus ghaŋ. Aámóʼó dzə̀ wír veé mbìv *Farasi, ámóʼó ve vé‑eè duŋrì nsər se Nyùy, a vé‑eè wìy fó Jerusalem.

Matio 11:18

A kù dzə̀ mo vé‑eè tuʼùr Joon. Wù‑uù wìy, e làa yòʼ a ghan, a yinín, a nonín, á wáa kuù ji ŋgaà ŋgoo Satan.

Joon 10:22

Ghán se á yii kér kiŋkàʼ kímóʼ kí é Jerusalem si nèn ghèén, a sì ŋwee kintòn, a dzə̀ ŋkàʼ wo vé‑eè kuúme mo á kfə̀n‑eè mvə̀ʼə̀n lav yev cù.

Ŋwàʼ Luk 5:17

Wìy lòo dzə e kishiíy kímóʼ kí, Jesus wáa yeʼéy wíri, a Nyùy Tàr fó wun vitaáví, a wù fer aŋgàa yàsí. Wír veé mbìv *Farasi wùn à wír ve á yii duŋrì nsər Nyùyi wáa dzə fo, a vé‑eè wìy fó ntèʼ seé Galeli wùn à seé mbìv Juda sidzə̀m, à fó ŋkàlaʼ Jerusalem sho.

Nsùyrì Nyùy 22:6

Yii bèy, kém kí dzə̀, a bó wíri yòʼ yén mo ji wír. Á yén mo ji kiŋgoóŋgoŋ, shoor mo, kfə̀n ŋwáyí.

2 Afòn 1:2

Wáa dzə e kishiíy kímóʼ kí, Fòn Ahasiya wáa dzə e wun kirəsí kee fó yuv é ntoʼ yeé Samaria, e nèn lò, e gbù fo shùu wundu, aá téʼ fó e shibáʼáy shí. Wù ku nèn a neŋ, ntoʼ wáa lùmkìr. Wù yiì lò, e tsə̀nsí vé ntume ji á du, e tàr a fo Baal‑Sebuv woo nyùy woó Ekron ji wun sà yíi bonén fo wun yàsí a?