Maak 3:21 - ŊWÀʼ NYÙY

²¹ Kfə́ə rəə́ yú, e nèn a suúy ji kitú ki waà sí kárí. Á du á, e dù, e lì.

Maak 3:21 Referans Kwoze

Lim Aŋgàa Ntum 26:24

Por kú a tunér kitú kfə́ bey, Fetur nèn lò, e waàmé jii, «Por, à baá baán. À yèʼéy ne vinyo e ŋàŋ, ví baár wò.»

Joon 10:20

Wír aníne wáa nyàysì jii, «Wù dzə̀ ben, a *nyùy wùmòʼ bvəər vifií və́, wìr baá baán, aá yuúri ka fó kinyò ke wù suuyì?»

Maak 3:31

Yìy à Jesus wùn aàfə́r vəə́ nèn wìy, e tìím fo ndzə, e tùm wír ji á jaŋ á Jesus.

2 Korin 5:13

A wìr lò, a yen kfə́ ji vèr suuy a dzə̀ kitú, aá baá baán, bo vèr baá a dzə̀ bìʼ Nyùy. Aá yén ji vèr suuy a dzə̀ mo wíri yii suuy kinyo, bo kí yíi sə ven səə́n.

2 Afòn 9:11

Jehu nèn fəə̀, e kfə̀n fo amfòómé ámóʼó kì dzəə̀n. Á dzə́r e wun jii, «Kí kù dzə̀ kijuŋ à? Ŋgaàbaá və̀n kì wiy, e yen wò ji ka?» Wù bìnèr aáwune jii, «Vèn kì wun, a vèn kfə̀n kì sá dzə́ə rə kisuŋnìn.»

Hosea 9:7

Ghán se á lo, e màʼ ŋgeʼ e wír veé Israyí kitu si ghèén ne. Ghán se áwune lo, a sə vilaʼày vév sí sì é kiwo. Á yíi màʼ ŋgeʼ rə̀n aáwuné kitu, é vifií vév ví nèn tòʼkír. Áwune sí yoŋ *ŋgaà ntum Nyùy və̀n ji kiyúŋ, yoŋ wír, a danèr Kiyoy ke Nyùy ŋgaàŋ ji vifií və́ ví layì. Vinyo vév ve bi ví kùʼ ne e ŋàŋ, á nen lò, a bàn mo woo ŋgaà ntum Nyùy bánen.

Jeremia 29:26

‹Nyùy Tàr lèm ne wò ji taà cù, e Jehoyiada woo taà cù ntaʼ ji à wáa leéy a lav Nyùy Tàr. Aà yén wír wo wù baá, yoŋ ji wun tiísi ntum Nyùy, à wày kibúʼ e wun shwin, e kfə̀n wày fáŋ kishàa é kilòŋ wó.