Maak 3:2 - ŊWÀʼ NYÙY

² Wír ámóʼó nèn a shweʼ ji á koóy á lor wóo lor Jesus sho, a leéy ji a wù lòo dzə, e fèr wír woo shooy e kishiíy ké bam, bo áwune kòóy ne a kinyo.

Maak 3:2 Referans Kwoze

Nsùyrì Nyùy 37:32

Wír ve á méŋ Nyùyi nyáʼti, shwéʼ ve á yúnin Nyùy. Á kù taʼ dzə́ə yée yuyrí wír Nyùy sho yuyrín.

Ŋwàʼ Luk 14:1

Wìy lòo dzə e kishiíy ké bam kímóʼ kí, Jesus dù, a yikír e wìr wùmǒʼ lav. A wìr woo shooy dzə̀ wír wo kuʼùn é mbìv *Farasi. Jesus wáa dzə fo, wíri kú a kiy kinyo ke wù yíi a yiì e kishiíy ké bam.

Ŋwàʼ Luk 6:7

Wír ve vé‑eè duŋrì nsər Nyùy wùn à wír veé mbìv Farasii wáa shweʼ ji á koóy lor wóo lor Jesus sho. Á nèn a leéy jii, a wù lòo dzə, e fèr wír və̀n e kishiíy ké bam, bo áwune kòóy ne a kinyo.

Ŋwàʼ Luk 20:20

Á ku nèn a tàʼ kintóʼ kímóʼ kí. Á túm aŋgàa ŋkiy ámóʼó ji á du, a wovrí a ji bó á yòʼ kér kinyo, Jesus lóo suŋnín, aá fíʼ koo kinyo fo shuù wo, e way wun e vé nsərí kiwo, aá tsə́nsí fo ŋgaà saʼ woó Rom.

Joon 9:16

Wír Farasi vìy ámóʼó nèn sàyín jii, «Bó Jesus və̀n yòʼ dzə̀ wír wo wù lo ntum Nyùy gheéy, wù shóʼor nsər kishìíy ké bam.» Aámóʼó dzə́r kév jii, «A dzə̀ wír, a bó Nyùy yòʼ kì wun, wù wàa yiì viŋgaʼnìn ve vinyò vee ben à?» Á bìʼ bèy, e bvəə̀rí.

Matio 12:10

Wìr wùmòʼ wáa dzə fo, a kiwó ki kpú ne. Wír veé mbìv *Farasii lòo tàʼ lor wóo lor Jesus sho, e nèn dzə̀r shó jii, «A wìr fèr wír e kishiíy ké bam, bo wù shòʼór nsər moo ŋgáŋ á?»

Daniel 6:4

Vitú ve saʼ vi nèn tàtí wùn à kibér ke vé saʼ ki, e kèʼ, a shweʼ ji mo Daniel lim vinyo veé wòŋ, á sà‑áà yén kintéŋ ke kinyò sho a. Á leéy, e làa yòʼ yen, bìʼ fo Daniel‑iì dzəə̀n wir suuyrú, a wù yòʼ‑oò kér kintéŋ ke kinyò.

Jeremia 20:10

M yú, aá ghvəvrì mo mbìv sidzə̀m, virə́ʼ vidzə̀m vi sí beéme beèmén. Ŋkar sém sé tim sidzə̀m si sí suuy jii, «Á sómér wun, vèsən wáy wun e vé saʼá wo.» Á sí leey ji m bayrin, yoŋ jii, á lévtí wun, e kòóy kinyo kée màʼ wun sho, e nen siìr ŋkfə́tír.

Maak 3:3

Jesus nèn sùúy e wìr wo kiwó ki‑iì kpuun və̀y jii, «Lò é yuv, e kòʼtí fo mbìy.»

Joon 8:6

Áwune kù‑uù yutì a dzə̀ shúu və́ ji á fiʼ kòóy kinyo kée lor wun sho. Jesus ku gvə̀ʼə́r a dzə̀ kitú kfə́, a saŋ kifá fo nsay e wàn kiwo.