Maak 3:18 - ŊWÀʼ NYÙY

¹⁸ Aámóʼó dzə̀ Andru wùn Filiv, à Batolome, à Matio, à Tomar wùn Jeem woo wan Afiyur, à Taadiyor, à Simon woo ntom wòŋ,

Maak 3:18 Referans Kwoze

Lim Aŋgàa Ntum 1:13

Á wìy, e nə̀ə́ e lav, e nèn tòsín, e kòʼ e yee fó yuv fo áwune‑eè bee. A vé‑eè dzə̀ jii, Pita, Joon, Jeem wùn Andru, Filiv wùn Tomar, Batolome wùn Matio, Jeem woo wan Afiyur, à Simon wo vé‑eè yoŋ ji ntom wòŋ, wùn à Judar woo wan Jeem.

Maak 2:14

Wù yiì lò, e lòo dù, e yèn wír wùmòʼ, aá yoŋ ji Levi woo wan Afiyur, a dzə̀ wír wo wù yii báʼti mbàm se bàràʼ, a wù dzə́ e wùn kirə̀ʼ ké lìm. Jesus suúy shó jii, «Wìyi, é wòsò wáa ghan.» Levi ku nèn lò, wùn à Jesus wáa ghan.

Jeem 1:1

Ŋwàʼ və̀ne sàŋ mo woo Jeem wo dzəə̀n ŋgaà lìm Nyùy wùn Taàtá wòsən Jesus Kristu. A m sàŋ, a shàʼtì ven vee wír Nyùy ve á taʼrin, a dzə woŋ dzə̀m.

Matio 9:9

Jesus lò fo fo, e lòo dù, e yèn wír wùmòʼ, aá yoŋ ji Matio, a dzə̀ wír wo wù‑uù báʼti mbàm se bàràʼ, a wù dzə́ e wùn kirə̀ʼ ké lìm. Jesus suúy shó jii, «Wìyi, é wòsò wáa ghan.» Matio nèn lò, wùn wun wáa ghan.

Ŋwàʼ Jud 1:1

Ŋwàʼ və̀ne sàŋ mo woo Jud wo dzəə̀n ŋgaà lìm Jesus Kristu. A dzə̀ mo woo Jud wo dzəə̀n fər Jeem. A m sàŋ a dzə̀ fo vèn ve Nyùy woo Tàr wòsən‑eè kòŋèn, e lì ji wír və́, e wày e Jesus Kristu kiwo.

Galatia 2:9

Áwune kfən lòo yen mo Nyùy rə́si sə́ mo, a kinyo kfə́ kí du fo mbìy, Jeem wùn à Pita, à Joon ve vé‑eè yoŋ ji ntom se kintatìi nèn fò kiwó e vèr Banabar ji vèr áwune lim a lim e mòʼón, e bìnsí ji vèr wáa dù rì fo wír ve bó yòʼ dzəə̀n veé Judàa, aáwune wáa dù kév á fo wír veé Judàa.

Galatia 1:19

A bó m yòʼ‑oò lo dù bèy, e yèn ŋgaà ntum Kristu wùmòʼ gheéy, kù‑uù jòʼsì Jeem wo dzəə̀n fər wun woo Tàr wòsən Jesus Kristu.

1 Korin 15:7

Wù kfən dìn sa kitú kfə́ e Jeem, e kfə̀n wìy lò, e dìn aàŋgaà və́ ntume, aá báʼtí ne adzə̀m.

1 Korin 9:5

Bó yòʼ dzə̀ sá m wàa ker kilíŋ ke dzə̀ m wàa yiì mo Pita wùn aàŋgàa ntum Jesus Kristu ámóʼó, aàfə́r wun woo Tàr wòsən Jesuse yii à? A m kòŋ, la m yòʼ a ker sa wóom woo wiíy, a lì, é vèr wun wáa ghan à?

Lim Aŋgàa Ntum 21:18

Yì rán kibvəə́shí, vèr à Por dù, e ghàn Jeem, aàtǎr kintatìi kì bàʼtí fó adzə̀m.

Lim Aŋgàa Ntum 15:13

Áwune fèr vinyo vidzə̀m, ví mày, Jeem nèn a suŋnín, a suúy jii, «Afə̀r vem, vèn yuúrí kém kí.

Joon 21:2

wón lìm Jesus ámóʼó‑oò dzə́ fo, aá dzə̀ jii, Simon Pita, wùn à Tomar wo vé‑eè yoŋ sa ji Wóné, à Nataniar wo dzəə̀n wír woó Kaana e wòŋ Galeli foo fèy, à wón Sebedi vee abàá, wùn à wón lìm Jesus ámóʼó sá abaà.

Joon 14:22

Judar wùmòʼ, a bó yòʼ dzə̀ wo á yoŋ ji Iskariyor və̀y, nèn dzə̀r jii, «Tàr, kí ghàn é le, bo à wáa suúy ji à wíy dìn kitú ké a dzə̀ e vèr, e làa yòʼ dìn e wír veé ndzə fène adzə̀m?»

Joon 11:16

Tomar wo vé‑eè yoŋ yír rə́ yímóʼó ji Wóné nèn sùúy aámóʼó vee wón lìme jii, «Vèsən wáa dù rì, aá yúyrí vèsən áwune fó adzə̀m.»

Joon 1:40

A wìr wùmòʼ fo vee abaà ve vé‑eè yuun kinyo ke Joon‑eè suuyin, a jùmrì Jesus vìne‑eè dzə̀ Andru woo wan yìy à Simon Pita.

Maak 6:3

Bó sà yòʼ dzə̀ ŋkom vicì woo wan Maria wo afə́r vəə́ dzəə̀n Jeem, wùn à Joser, à Judar, à Simon a? Bó jemèr sə́ sí sà yòʼ dzə̀ aáwuné ntèʼ fen a? Áwune gháy bey, e nèn kèʼ a meŋ wun.

Matio 13:55

Bó sà yòʼ dzə̀ wan Joosev woo ŋkom vicì, a yè wov dzə̀ Maria a? Afə́r vəə́ sà yòʼ dzə̀ Jeem wùn à Joosev, à Simon, à Judar a?

Maak 3:17

Jeem wùn fər və Joon vee wón Sebedi ve wù‑uù yoŋ yír yímóʼó ji wón kishèv.

Maak 3:19

e lì Judar Iskariyor wo wù‑uù loòn, e kàr menàŋ e Jesus bàm.