Maak 3:11 - ŊWÀʼ NYÙY

¹¹ Wír ve *anyùyi‑iì jívir áwuneé wáa yen Jesus, a gbù e si wo, anyùyi wáa yiì, á wáa rəəmé jii, «À dzə̀ Wan Nyùy.»

Maak 3:11 Referans Kwoze

Ŋwàʼ Luk 4:41

Wír aníne wáa dzə ve anyùyi jívir áwune. Á wiy sho, anyùy vee shooyi nèn a fəəkír fo wír vee shooyí wùn, a nyeŋ. Lóo nyeŋ, á wàa waamé, a yòŋ Jesus jii, «À dzə̀ Wan Nyùy.» Jesus nèn a kàntì fo áwune wáa suŋnín, bìʼ fo áwune‑eè kiìn ji Jesus dzə̀ á *Mfə̀ə́r wo Nyùy‑iì kàʼàn.

Ŋwàʼ Luk 8:28

Mo wù yenen Jesus, e nèn rəə̀mé, e dù, e tsə̀m é si wo, a waamé kitávín jii, «Jesus woo Wan Nyùy woo Taà Vitu, à taʼ ji à yée le e mò? Kii wò, lá à yòʼ fò mo ŋgeʼ.»

Jeem 2:19

A wìr biìmé ji Nyùy kù jòʼsì e mòʼón, bo wù kù yòʼ biìmé a dzə̀ kinyo ke ru kí. Yii bèy, kù dzə̀ sá mo *anyùyi biíme bèy, fan, yaʼà.

Matio 8:29

Á yén Jesus, e nèn kèʼ, a rəəmé jii, «Wò woo Wan Nyùy, à taʼ ji à yée e vèr? À sí wiy ji à wáa nyàvrì e vèr, a bó fìʼ yóʼ ne ghèén à?»

Matio 4:3

Satan woo ŋgaà mùm wìy, e sùúy sho jii, «Mo à dzəə̀n Wan Nyùy, suúy ri, é tíy sin si binkir ji ntuʼ se kiban, áà yí.»

Lim Aŋgàa Ntum 16:17

Wan woo shooy yén vèr à Por, e nèn a jùmrì fo bàm, a waamé, a suúy e wíri jii, «Wír vìne dzə̀ aŋgàa lìm Nyùy woo Taà Vitu, aá fiʼtì mo dzə̀ vèn ghàn, e bóo lùŋ.»

Matio 8:31

á nèn a lon jii, «À jum ver, à kù tsə̀nsí, é vèr túmsín a dzə̀ e ŋgoo kǔnnyàm rə̀sə wùn.»

Matio 4:6

Satan suúy jii, «Mo à dzəə̀n Wan Nyùy, líy ri fo fèn, e tìím fo nsay. Vé‑eè sàŋ é Ŋwàʼ Nyùy jii: « ‹Nyùy wíy suúy, é nsheèlav sə́ sí wáa shìy wò. Sí wíy a ker wò e kiwo fo à tín kiwuú é tiy.› »

Matio 14:33

Wón lìm ve vé‑eè dzəə̀n é kikoŋe nèn tsə̀m e Jesus si, a shòŋrì jii, «À dzə̀ rú Wan Nyùy.»

Maak 1:1

Kin ki dzə̀ sáʼka wo juŋ woo kùm Jesus Kristu woo Wan Nyùy.

1 Korin 11:34

A wìr yù, a jìŋ yár wun, wù tòmbìy yìkír fo laʼ fó wìy, e yiì kfə́ə liì wùmòʼ, é Nyùy maʼ ŋgeʼ e věn kitu. Fo vinyò ve ví berin vímóʼ ví, m wíy wìy, e bóo naàrì vee shooy.