Maak 2:9 - ŊWÀʼ NYÙY

⁹ Vèn yén ji m mèér a dzə̀ ké cér ki fó shuù fó suúy e ndzə́m və̀n ji á làysìn ne ajay və́, a bó yòʼ dzə̀ m sùúy ji wù li kifá ke wù néŋ sho, a dù à?

Maak 2:9 Referans Kwoze

Matio 9:5

Vèn yén ji m mèér a dzə̀ ké cér ki fó shuù ji Nyùy laysin ajay wìr və̀n, a bó yòʼ dzə̀ m sùúy ji wù lo é yuv, a ghan à?

Matio 4:24

Leŋ vəə́ nèn sàmèr, e dù, e mèé e wòŋ Siiria. Wíri wáa yu, a lì vé yàsíi, a wìy, a yen wun sho. Kìn wìr joy kfə́ə yàsí a dzə̀ woo ka, á kù wìy sho, wù fèr áwune adzə̀m. Kìn dzə̀ wír ve *anyùyi jívir áwune, kìn ve á gbu kimgbù, kìn ve virə́ʼ ví kpuun ne.

Matio 9:2

Wù meé fó, wír ámóʼó toór wír, a shwín sí ndzə́m ne, e wìy, e yèn wun sho. Jesus yén mo wír vìyi wayin shilív e wun wùn é ŋàŋ, e yòŋ e ndzə́m və̀y jii, «Ŋkar yèm, vishí vé vi bòŋ ne. Á làysìn ne vinyo vé ve bi ví.»

Maak 2:8

Jesus ku nèn kìíy kinyo ke vé‑eè kwaʼtì, e dzə̀r jii, «Vèn kér lám woo bey e bvə̀m bìʼ ka?

Maak 2:10

A m kù suuy lèn, e dìn e vèn ji ŋgaà wo yírí dzəə̀n *Wanwìr kér vitaáví é nsay fèn fó làysìn ajay wìr.» Wù nèn sùúy e ndzə́m və̀y jii,

Ŋwàʼ Luk 7:48

Jesus nèn sùúy e wiíy və̀y jii, «Á làysìn ne vinyo vé ve bi ví.»