Maak 2:8 - ŊWÀʼ NYÙY

⁸ Jesus ku nèn kìíy kinyo ke vé‑eè kwaʼtì, e dzə̀r jii, «Vèn kér lám woo bey e bvə̀m bìʼ ka?

Maak 2:8 Referans Kwoze

Lim Aŋgàa Ntum 8:22

Ku bìnèr shilív shé shi fó kwàʼtì ye bi ye à kér rə̀n, a lon fo Nyùy Tàr ji wù laysin kinyo ke bi ke à kì taʼ, e yiì kìn.

Lim Aŋgàa Ntum 5:3

Pita nèn dzə̀r shó jii, «Ananiar, à biìmé, Satan nəə́ e wò shiliv, à wíy, a boʼtí Kiyoy ke Ranén kí ji ka?

Joon 6:64

Yii bèy, a wír ámóʼó dzə̀ e věn mvəm, a bó á yòʼ biíme kinyo kém.» Jesus wáa suúy bèy, a wù‑uù kìíy ne wír ve bó á yòʼ wáy shilív e wun wùn, e kfə̀n kìíy sa wír wo wù wíy kar menàŋ e wùn bàm.

Ŋwàʼ Luk 24:38

Wù dzə́r jii, «Kí tárir ven ben ji ka? Vèn méŋnin mo ji ka?

Ŋwàʼ Luk 6:8

Jesus ku nèn kìíy kinyo ke vé‑eè kwaʼtì, e yòŋ wír wo kiwó ki‑iì kpuun və̀y jii, «Lò é yuv, e wìy, e tìím fo mbìy.» Wù nèn lò, e dù, e tìím fo.

Ŋwàʼ Luk 5:22

Jesus ku nèn kìíy kinyo ke á ghvəvrì, e dzə̀r jii, «Vèn kér lám woo bey e bvə̀m bìʼ ka?

Matio 9:4

Jesus kiíy kinyo ke áwune kwaʼtì, e dzə̀r jii, «Vèn kér kwaʼtì ye bií e věn meliv bìʼ ka?

Esiker 38:10

«Wíy lòo dzə e kishiíy fóo fèy, é vinyo vi nəə́ e wò vifii, áà wáa baʼtí kwaʼtì se bi sí. Suuy mo woo Nyùy Tàr woo Taà Ndzə.

Nsùyrì Nyùy 139:2

A m fə̀m dzə́ dzəə́n, kìn m tíy tiyín, bo à kì kinyo kém kidzə̀m. M lóo kwàʼtì kinyo, aà kiíy ne kidzə̀m.

Hibru 4:13

A bó kifá kímóʼ kí yòʼ dzə̀ shó e ndzə ye Nyùy bomen rə̀n e dzə̀m ke dzə̀ kí lìtì kinyo fo wun gheéy. Wù yén vinyo vév vidzə̀m, a ví néŋ tèéter, kiránén, a vèsən kù kér fó bìnèr a dzə̀ shó.

Joon 21:17

Wù kfən lò, e yòŋ fo akàŋ vee ataár jii, «Simon woo wan Joon, à koŋ mo á?» Pita yú, a wù dzə́r fó akàŋ vee ataár ji wù sà koŋ wun a, kitú ki lùm wun. Wù nèn yòŋ jii, «Tàr, kì wò vinyo vidzə̀m, aà kì ji m koŋ wò.» Jesus kfən sùúy sho jii, «À wàa leéy rì fo wír vémé mo wìr lèéy fo njiì.»

Maak 7:21

Vinyo ve bi ve wìr yii vidzə̀m vi kù yii lo a dzə̀ fo ŋgaàŋ shiliv. Wìr lo, wù nèn a kwàʼtì a dzə̀ vinyo ve bi ví, a jàŋ kinjàŋ, a ghan viŋkar, a shoŋ vishóŋ, a yuyrí wír, a lì wiiy wìr.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Ŋgàn 24:9

Antaŋ kiyuŋé kù dzə̀ ji kinyo ke bi kí, a wìr wo wù jaʼ Nyùy yii kóʼoy wíri koʼoyín.

Ŋgàn 15:26

Nyùy Tàr nyaysì antaŋ ve bií, shéʼri kiláyláy ke juŋ ki.

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Matio 12:15

Á lòo taŋ, Jesus nèn kìíy, e lò fo ntèʼ fóo fèy. Wù lòo dù, wíri lò fo bàm anín, aámóʼó joykìrì, wù wáa fèr vee shooy adzə̀m,

Matio 16:7

Wón və́ lìme yú, a wù yóŋ *nyaà, a dzə̀ kifá ke áwune yii wáy e kiban, á nèn a ghaynín jii, kìn wù suuy bèy, bìʼ fo áwune kì làysìn á kibán.

Maak 2:7

«Wìr və̀n súŋnin e le ben? Wù táŋ kilíŋ ke dzəə̀n ké Nyùy. A dzə̀ làysìn la vinyo ve wìr ve bi ví, e shaà Nyùy?»

Maak 2:9

Vèn yén ji m mèér a dzə̀ ké cér ki fó shuù fó suúy e ndzə́m və̀n ji á làysìn ne ajay və́, a bó yòʼ dzə̀ m sùúy ji wù li kifá ke wù néŋ sho, a dù à?