Maak 2:7 - ŊWÀʼ NYÙY

⁷ «Wìr və̀n súŋnin e le ben? Wù táŋ kilíŋ ke dzəə̀n ké Nyùy. A dzə̀ làysìn la vinyo ve wìr ve bi ví, e shaà Nyùy?»

Maak 2:7 Referans Kwoze

Aysaya 43:25

Yii bèy, mómò, m kù dzə̀ kém ji Nyùy wo m laysìn ajay vén, sə́ʼsi, a m laysìn, a dzə̀ bìʼ yír yém. A bó m yòʼ dzəə́ wìy a kuumé ajay vén.

Ŋwàʼ Luk 5:21

Wír ve á yii duŋrì nsər Nyùy wùn à veé mbìv Farasi vìyi nèn a ghvə̀vrì fo bvə̀m jii, «Wìr və̀n dzə̀ kfə́ la? Wù táŋ kilíŋ ke Nyùy. Kù jòʼsì Nyùy cáʼcáʼ wo dzə̀ wù làysìn ajay wìr.»

Mayka 7:18

Éè Nyùy Tàr, Nyùy woo moo wò dzə̀ vəné? Nyùy wo wù laysìn vinyo ve bi ve wíri yii. À laysìn ajay wìr vé ve á berkin, áwune vee wír vé ntayi. À yoʼ gòʼ, a shwiíy kilòŋ ŋkuuŋkùŋ. À kù yú vijuŋ a dzə̀ vé kòŋ ye à kér fo wír vée.

Daniel 9:9

Yii bèy, Nyùy Tàr woo Nyùy wor, à dzə̀ ké, aà kù yii shám wír vé shámén. À lo, à làysìn ajay vér, fə̀m mo vèr tsəyin kóy vèsən.

Ŋwàʼ Luk 7:49

Wír ve vé‑eè yíkir wùn áwuneé nèn kèʼ, a kfə̀ynìn jii, wìr və̀n sà dzə̀ la, e bó a suúy ji dzə̀ wun làysìn vinyo ve wìr ve bi ví á?

Nsùyrì Nyùy 130:4

Yii bèy, à kù yii laysìn ajay wíri, á làysìn rì bèy, aá bóo fíʼ a ghvəm wò.

Ŋwàʼ Jov 14:4

A dzə̀ fə̀ə́r la kifá kee là *kifàn fo ké kifàn kí mvəm? Bó wìr yòʼ dzə̀ shó.

Joon 10:33

Á bìnèr jii, «Bó vèr yòʼ kì yúyri wò fo kee shooy ki. Vèr yúyri wò, bìʼ fo à táŋ kilíŋ ke dzəə̀n ké Nyùy. Wò, wír fo wìr, aà suuy ji à dzə̀ sá ji Nyùy.»

Maak 14:64

Vèn yù ne mo wù tsə́y kóy wùn Nyùy. Vèn tìnén kén ji ka?» Wìr dzə̀m ku nèn bìnèr jii, «Wù gbù ne nsaʼ, á yúy yuyín.»

Matio 26:65

Taà cù wo kuʼùn yú kinyo kìy, kí nyár wun, wù sàr ndzə̀y fó wùn, e sùúy jii, «Wìr və̀n tsə́y kóy wùn Nyùy. Bó yòʼ dzə̀, á kfə̀n a tàʼ wír wùmòʼ ji á dzə́r kinyo sho. Vèn lo yù sá mo wù tsə́y kóy wùn Nyùy.

Matio 9:3

Wír ve vé‑eè duŋrì nsər Nyùy ámóʼó wáa dzə fo. Á yú bey, e nèn a ghvə̀vrì jii, «Wìr və̀n táŋ a kilíŋ ke dzəə̀n ké Nyùy.»

Joon 10:36

m wáa dzə kém wír wo Tàr wor Nyùy‑iì shoʼon, e tùm é ndzə fèn, vèn kfə́n a suúy ji m táŋ kilíŋ ke Nyùy, bìʼ fo m suuy ji m dzə̀ Wan Nyùy moó le?

Maak 2:6

Wír ve á yii duŋrì nsər Nyùy ámóʼó wáa dzə fo, á yú bey, e nèn a ghvə̀vrì fo áwuné bvə̀m jii,

Maak 2:8

Jesus ku nèn kìíy kinyo ke vé‑eè kwaʼtì, e dzə̀r jii, «Vèn kér lám woo bey e bvə̀m bìʼ ka?