Wù meé fó, wír ámóʼó toór wír, a shwín sí ndzə́m ne, e wìy, e yèn wun sho. Jesus yén mo wír vìyi wayin shilív e wun wùn é ŋàŋ, e yòŋ e ndzə́m və̀y jii, «Ŋkar yèm, vishí vé vi bòŋ ne. Á làysìn ne vinyo vé ve bi ví.»
Nyùy kóʼór wun, e dzə̀ʼə̀r e wùn koy yìyí ji wáa dzə wun Taà Vitu, e kfə̀n a dzə Ŋgaà Lùŋèr. A wù yii bèy ji wír veé Israyi fíʼ bìnèr melív mev, é wù laysin vinyo vév ve bi ví.
Jesus yiì sìíy, e lòo dù e *lav cù, e kfə̀n yèn wír və̀y fo, e sùúy sho jii, «Yén mo à bonen ne. Á yen rì fó kfə̀n a yiì vinyo ve bi ví, fo ŋgeʼ ye yì wíy koóy wò wìy fòy, e shaà ye mbìy.»
Vèn wáa kiíy jii, a vèn làysìn kinyo ke wìr jayin, bo m làysìn ne sa. Fo kém kí, mo jay woo shooy ghanen, e kùm sa mo, m làysìn ne. A m yii bèy, a dzə̀ e Jesus Kristu yir ji m fíʼ sə ven,
Rúrú, m yèn ne ji mò‑oò sorkìr e nyar bèy, a yì‑iì dzə̀ á kinyo ke juŋ ki fo mò. Nyùy Tàr, à kòŋ ne mo é ŋàŋ, e kìm mo fo kpúu. Ké ru kí, à bìn ne ndzə̀m e mǒ vinyò ve bi ví.
Wù suúy shó jii, «Lá à yòʼ màʼ kiwó ké e wǎn kitu. Lá à yòʼ yiì kinyo e wun. M kìíy ne lèn ji à fan a Nyùy, bìʼ fo à yoʼ lò kìm wan wò, màyshó wan wò, fo mò woo Nyùy.»