Maak 2:22 - ŊWÀʼ NYÙY

²² «A bó yòʼ dzə̀ sá wìr wày meluʼ me fíy mè e vitem vee júv ve mvə ví. A wìr wày shó, bo meluʼ me yíi fə̀ʼ, e waarí vindzə̀n ve jùv vìy, é meluʼ wùn à vitém vi tátí, e lày kisáŋ. Meluʼ me fíy mè kù yii dzə́ wùn à vitém ve fíy vi.»

Maak 2:22 Referans Kwoze

Matio 9:17

«A bó yòʼ dzə̀ sá, á wày meluʼ me fíy mè e vitem vee júv ve mvə ví. A wìr wày shó, bo meluʼ mè yíi fə̀ʼ, e waarí vindzə̀n ve jùv vìy, é meluʼ mè lay kisáŋ, é vitém vi kfən bìrkír. Á yii wáy meluʼ me fíy mè a dzə̀ é vitem ve fíy vi, la meluʼ wùn à vitém vi yòʼ dzəə lày kisáŋ.»

Nsùyrì Nyùy 119:83

M sì moo júv ye yì sə́ŋ e sikiy, yii bèy, a bó m yoʼ làysìn sáʼ yé.

Nsùyrì Nyùy 119:80

Yiì ji m kú a yu sáʼ yé shilív shidzə̀m, é la m yòʼ yiì shòór kitú, a woomé.

Joshua 9:13

Vitém ve melùʼ vìn vi‑iì dzə̀ vitin e ghan se vèr‑iì wáy meluʼ sho. Vèn leéy ri mo ví shùʼkìn ne. Ndzə̀y sér wùn aàlábáʼá kù sàʼkìr bèn a dzə̀ bìʼ ghán yeé dàŋ rə̀n.»

Joshua 9:4

e lò kév bey, e tàv fìír, e nèn bàʼtí ghán. Vé‑eè lì vinshùʼ ve vibàm, e kùr e vimbèʼbìy ví ndzə̀m, e lì vitém vee júv a dzə̀ ve ví shùʼkìn ne, á tsə́mrí tsəmrín,

Ŋwàʼ Jov 32:19

Rúrú, m dzə̀msí ne, e kfə̀n e fur moo shiluʼ she á sə̀mèn, a shí sí lo, e waa kitém.

Maak 2:21

«Bó wìr yòʼ yii li kinsàr ke ndzə̀y ke fíy ki, tsə́mri ndzə̀y se mvə sí shó. A wù yiì bèy, bo se fíy sìy si yíi màysì, e saàsì se mvə sí mo sí ŋwaan ne, é kirə́ʼ kiy ki bír, e shaà mo kí‑iì dzəə̀n.

Maak 2:23

Wìy lòo dzə e kishiíy kímóʼ kí, Jesus wáa shaà e mvə̀m sǔm saŋ wúmóʼó, a dzə̀ kishiíy kév ké bam. Wón və́ lìme nèn lò, a tinrí vitú vímóʼ ví, a səə́y, a kfər.